Génesis 1:14 - Bible in Tzeltal Bachajón

¹⁴ La yal te Diose: Ac'a chicnajuc bintic ya xtihl sc'ahc'al ta sjamalil ch'ulchan scuenta yu'un parte ya xc'oht a te c'ahc'alel soc parte ya xc'oht a te ahc'abal, te ha señahiletic ya xc'oht yu'un te ya sjel sba te q'uinal, soc te jujun c'ahc'al soc te jujun ha'bile.

Bible in Tzeltal de Oxchuc y Tenejapa

^14-15 La yal te Diose: “Ac'a chicnajuc bitic xlemlajanic ta xyaxal te ch'ulchane, swenta yu'un ya xchicnaj q'uinal ta balumilal yu'un, parte ya xc'ot te c'aaleltique, soc parte ya xc'ot te ajc'ubale swenta yu'un ya yich' ajtayel a te jujun c'aal, te jujun u, soc te jujun ja'wile”, xi'. Jich pastaj yu'un.

Génesis 1:14 ပူးပေါင်းရင်းမြစ်များ

Génesis 1:13

Te yihc'ubel q'uinal soc te sacubel q'uinal, ha yoxebal c'ahc'al.

Génesis 1:15

Ac'a tihluquic ta sjamalil ch'ulchan yu'un ya sacubtes q'uinal ta bahlumilal, xchi. Hich c'oht yu'un.

Génesis 8:22

Te jayeb c'ahc'al ay te bahlumilal, ma xch'ay te yorahil sts'umbajel soc c'ajoj, te yorahil sic soc sq'uixinal q'uinal, te yorahil snahtil c'ahc'al soc scomil c'ahc'al, te c'ahc'alel soc ahc'abal, xchi.

Génesis 9:13

Cac'oj ta tocal te xojob cu'un, ha seña ya xc'oht yu'un te jc'op la jchap soc te bahlumilale.

Job 25:3

¿Ya bal xhu' ta ahtayel te soldadohetic yu'une? ¿Mach'a a te ma ba sacuben q'uinal ta stojol yu'une?

Job 25:5

Teme mayuc lec te sts'anabul te u, soc teme ma ba lec sc'oblalic te eq'uetic ta stojol,

Job 3:9

Ac'a ihc'ubicuc te jsacubel eq'uetic, manchuc ya smahliy te sacal q'uinal, manchuc ya yil te sjahts' te sacubel q'uinal,

Salmos 119:91

Ta scuenta amandar hich ay spisilic c'alal ora, como spisil ayic ta a'batinel awu'un.

Salmos 148:3

Halbeyahic yutsil sc'oblal, ha'ex c'ahc'al soc u; halbeyahic yutsil sc'oblal, ha'ex eq'uetic te ay ats'anabulic.

Salmos 148:6

Ha la yac'ticlan ta yawilic scuenta sbahtel q'uinal; la yac'ticlambe mandar te ma ba ya yich' c'axuntayel.

Salmos 150:1

¡Aleluya! Halbeyahic yutsil sc'oblal te Dios ta ch'ul awilal yu'un; halbeyahic yutsil sc'oblal ta smuc'ul sjamalil ch'ulchan yu'un.

Salmos 81:3

Oq'uesinahic te corneta ta yach'il u, te c'alal ya sta yorahil ya sehp sba, ta sc'ahc'alel te muc'ul q'uin cu'untique;

Isaías 40:26

Toyahic mohel asitic, ilawilic: ¿mach'a la schicnajteslan spisil ini? ha te mach'a scholet ya sloq'ues te eq'uetic yu'un, ya yic'ticlan tal ta sbihil te jujune. Te bin ut'il c'ax muc' te yu'el soc te c'ax bayel yip, hich mayuc junuc ya xch'ay.

Jeremías 10:2

Hich ya yal te Jehová: Ma me xanopbeyic stalel te yantic nacionetic, soc ma me xaxi' te señahiletic ta ch'ulchan, aunque ha ya xi'ic te nacionetique.

Jeremías 31:35

Hich yaloj te Jehová, te ya yac' te c'ahc'al scuenta sacal q'uinal ta c'ahc'alel, soc te ya yalbe mandar te u soc te eq'uetic te ya xtihlic ta ahc'abal; te ya ya'be stij sba te mar soc ya xc'opoj te tulan stselajan, ha Jehová te scuentahinej spisil te sbihile, hich ya yal:

Jeremías 33:20

Hich yaloj te Jehová: Teme ya xhu' slajimbeyel sc'oblal te bin jchapoj soc te c'ahc'alel soc te ahc'abal, te mayuc c'ahc'al o ahc'abal ta yorahil,

Jeremías 33:25

Hich yaloj te Jehová: Teme ma ba ca'beyej yich' yip te chapbil-c'op cu'un soc te c'ahc'al soc te ahc'abal, teme ma ba cac'oj te leyetic te ya scuentahinic te ch'ulchan soc te bahlumilal,

Ezequiel 46:1

Hich yaloj te Jehová, te Ajwalil: Te yochibal te amac' ta yutil te ay ta stojol banti ya xloc' tal c'ahc'al macal ya xhil te waqueb c'ahc'al yu'un a'tel, ya yich' jamel ta sc'ahc'alel cux-o'tan soc ta sc'ahc'alel yuhninal u.

Ezequiel 46:6

Ta sc'ahc'alel yuhninal u ya me yac' jcoht jcolel toro soc wac-coht jcolel tuminchijetic soc jcoht tat tuminchij te mayuc bin jihnem yu'unique.

Joel 2:10

Te lumq'uinal ya snihc sba ta stojolic, te ch'ulchan ya syuc' sba yu'unic; te c'ahc'al soc te u ya x'ihc'ub, ya xch'ay sts'anabul te eq'uetique.

Joel 3:15

Ya x'ihc'ub te c'ahc'al soc te u, ya xtup' sts'anabul te eq'uetique.

Amós 5:8

Te mach'a la spas te Xana-ec' soc te Cruz-ec', te ya sc'atp'un ta sacal q'uinal te yihc'al q'uinal soc ya yac' ta ahc'abal te c'ahc'alele, te ya yic' tal te ya'lel te mar soc ya smal ta sba te lumq'uinal: ha Jehová te sbihile.

Amós 8:9

Ta hich ora, xchi te Jehová, te Ajwalil, ya cac' te ya xmahl c'ahc'al ta ohlil c'ahc'al, c'alal saquix q'uinal a ya jmuc ta yihc'al q'uinal.

San Mateo 2:2

hich hul yalic: ¿Banti ay te ajwalil yu'un te judíohetic te ayinemixe? Como te ec' yu'un la jquilcotic ta banti ya xloc' tal c'ahc'al, ha yu'un talemotcotic ta sch'uhuntayel, xchihic.

San Mateo 24:29

Xc'ax nax a te bayel wocole, ya x'ihc'ub te c'ahc'al, ma xyac' sts'anabul te u, ya xch'ay cohel tal ta ch'ulchan te eq'uetic soc ya me syuc' sbahic te bintic ay ta sjamalil ch'ulchan.

San Marcos 13:24

Pero ta hich ora, te c'alal c'axemix a te wocole, ya me x'ihc'ub te c'ahc'al, ma xyac' sts'anabul te u,

San Lucas 23:45

Mahc sit te c'ahc'al, soc jats ta ohlil te tsahlul pac' ta Templo.

Deuteronomio 4:19

Soc ma me xatoy mohel asit ta ch'ulchan, te c'alal yac awil te c'ahc'al, u, eq'uetic, spisil te bintic ayic ta ch'ulchan, te ya yu'untaybat awo'tan, te yac aquejan aba ta stojolic soc te yac ach'uhuntay, como ta spisil ini te Jehová te Dios awu'un la yac'ticlambe spisil te nacionetic ta ye'tal te ch'ulchane.

Apocalipsis 6:12

La jquil c'alal la sjam te swaquebal sello, tal tulan nihquel. Ihc'ub te c'ahc'al hich te bin ut'il ihc'al ch'ixal pac', tsajub te u hich te bin ut'il ch'ich',

Apocalipsis 8:12

Te schanebal ch'ul a'bat la yoq'uesin te scorneta; ehchenaj jun ta yoxeht'el te c'ahc'al, u soc eq'uetic scuenta yu'un ya x'ihc'ub jun ta yoxeht'elic. Hich ma ba sacub q'uinal jun ta yoxeht'el te c'ahc'al, soc ha nix hich te ahc'abal.

Apocalipsis 9:2

La sjam te xahab, xtomet loq'uel bayel ch'ahil tey a hich te bin ut'il sch'ahilel muc'ul horno. Ihc'ub te c'ahc'al soc ic' yu'un te ch'ahil yac ta loq'uel tal ta xahab.