Filemón 1:9 - Bible in Tzeltal Bachajón

⁹ ya calbat wocol ta scuenta sc'uxul awo'tan, ho'on, Pablohon, te mamalonix soc te ayon ta chuquel ta ora ini ta scuenta te Jesucristo.

Nuevo Testamento Tzeltal de Amatenango

⁹ Pero jaꞌ ya kalbeyat awokoluk ta skuenta te skꞌuxul awoꞌtane. Joꞌon jPabloon, te mamalonix, y te ora to ayon ta prexo ta skaj te Cristo Jesuse,

Bible in Tzeltal de Oxchuc y Tenejapa

⁹ ja'uc me to, ja' lec te ja' ya calbat wocol ta swenta xc'uxul co'tan. Te jo'on Pabloon, te mamalonixe soc te ayon ta chuquel ta swenta te Cristo Jesuse,

Filemón 1:9 ပူးပေါင်းရင်းမြစ်များ

Salmos 71:18

Aunque mamalonix soc saquix jol, ma me xapihteson, Dios cu'un, ha to c'alal ya calbe sc'oblal awu'el te patil ts'umbalil, ya calbe sc'oblal awip ta stojol te mach'atic patil ya xtalic,

Salmos 71:9

Ma me xap'ajon te c'alal mamalonix a; ma me xapihteson te c'alal mayuquix quip a;

Proverbios 16:31

Te mach'a saquix sjol ha scorona te ich'el ta muc'; ay ta tahel ta scuenta spasel te bin toj.

Isaías 46:4

Ha to c'alal ya xmamalubex, stalel ayon, ha to c'alal ya sacub ajolic ya ca'beyex awipic. Ho'on la jpasex soc ya jcuchex bahel, ya ca'beyex awipic soc ya caq'uex ta libre.

Romanos 12:1

Ha yu'un, quermanotac, ya calbeyex wocol ta scuenta te sc'uxul yo'tan Dios te yacuc awac' abaq'uetalic scuenta cuxul chic'bil mahtanil, te ch'ultesbil soc te lec yo'tan Dios yu'un, te hich ya sc'an ch'uhuntayel awu'unic te Diose.

2 Corintios 5:20

Ha yu'un ticombilotic yu'un Cristo, hich c'ohem te bin ut'il Dios yac ta c'op ta stojolic ta jcuentatic. Ya calbeyex wocol ta scuenta sbihil te Cristo: Junuc me awo'tan abahic soc Dios.

2 Corintios 6:1

Ha yu'un te bin ut'il joc jbahcotic ta a'tel soc Dios, ya jtsitsexcotic te manchuc tojoluc ya xc'oht te la awich'iquix c'uxultayel yu'un Dios.

Gálatas 3:26

Apisilic yal-snich'anex Dios ta scuenta bin ut'il ach'uhunejic te Cristo Jesús,

Efesios 3:1

Ha scuentahil ho'on, Pablohon, te ayon ta chuquel ta scaj Cristo Jesús ta acuentahic ha'ex te jyanlumex...

Efesios 4:1

Ho'on te ayon ta chuquel ta scuenta te Cajwaltic, ya calbeyex bayel wocol te hichuc ya xcuxajex a te bin ut'il pasel ya sc'an yu'un te ic'bilexix yu'un Dios.

Efesios 6:20

te ha ta scuenta te ayon ta chuquel ta cadena, ho'on te ticombilon yu'un Dios. C'opombonic Dios yu'un te manchuc ya xiwon ta yalel te lec yach'il c'op, hich te bin ut'il ya sc'an ya xc'opojone.

1 Timoteo 1:12

Ya calbe wocol te Cajwaltic Cristo Jesús te la ya'bon yip co'tan, como la yil te jun co'tan, hich la ya'bon quich' ca'tel ta stojol,

Tito 2:2

Te mamaletic ya sc'an ya stsahtay yo'tanic, te ya x'ich'awanic ta cuenta, ya stsahtay sbahic, te ay lec sch'uhunel yo'tanic, te ay sc'uxul yo'tanic soc te ya xcuhch yu'unic spisil.

Hebreos 13:19

C'ax hich ya calbeyex wocol te yacuc ac'opombonic Dios scuenta yu'un ya xhu' ya suhton ta atojolic ta ora.

1 Pedro 2:11

Quermanotac te c'uxex ta co'tan, ya calbeyex wocol, te bin ut'il jyanlumex soc jbehyomex ta bahlumilal ini, te yacuc xhil awu'unic te bin mulambil ta pasel yu'un te abaq'uetalic te ya scontrahin te ach'uhlelique.

Jueces 21:22

Teme ya xtal sc'oponotcotic te static o sbanquiltac te ach'ixetic, ya calbecotic: Awocoluc, a'botcotic te ach'ixetic, yu'un ma ba la jtahbecotic yihnamic spisil te winiquetic te c'alal ay guerra. Soc ma ha'uquex te la awa'beyic, hich mayuc amulic ya xc'oht, xchihotcotic.