Filemón 1:16 - Bible in Tzeltal Bachajón

¹⁶ ma hichuquix te bin ut'il moso, c'axuquix hich sc'oblal a te bin ut'il moso, hich te bin ut'il awermano te c'ux ta awo'tan, te ha nix hich bayel c'ux ya ca'iy ta co'tan te ho'one, pero c'axuc to xan hich ya xc'oht ta awo'tan, te bin ut'il jtuhl winic soc te bin ut'il awermano ta stojol Cajwaltic.

Nuevo Testamento Tzeltal de Amatenango

¹⁶ Ma me jichukix tutꞌil amoso, yuꞌun kꞌax lek ayix tutꞌil jtul mosoe: jichix tutꞌil awijtsꞌin te ben kꞌux ta awoꞌtane. Te joꞌone ben jkꞌanoj, pero te jaꞌate ya skꞌan te mas ben lek ya akꞌane, ma me jaꞌuk nax jich tutꞌil jtul gente, sino ke jich tutꞌil awijtsꞌin ta skuenta te Kajwaltike.

Bible in Tzeltal de Oxchuc y Tenejapa

¹⁶ Ma jichuquix te bit'il amosoe, yu'un yan xan lec c'oemix ta ora to: Ja' awermanoix ta stojol Dios te bayal c'ux ta awo'tane. Te jo'one bayal c'ux ta co'tan ya caiy. In te ja'ate, ya sc'an te c'ax to xan jich c'ux ya awaiy ta awo'tan atuquel. Melel ma ja'uc nax awabat te winique, ja' awermanoix ta stojol te Cajwaltique.

Filemón 1:16 ပူးပေါင်းရင်းမြစ်များ

San Mateo 23:8

Yan te ha'exe ma me xawac' abahic ta cuyel ta rabí, como jtuhl nax te Maestro awu'unic, soc awermano abahic ta apisilic.

Hechos 9:17

Hich baht te Ananías, och bahel ta na, la scajambe sc'ab ta sjol, hich la yal: Hermano Saulo, te Cajwaltic Jesús te la yac' sba ta ilel ta atojol ta be te banti yacat ta talel, ha la sticonon tal scuenta yu'un ya xjahm asit soc te ya xnoj ta awo'tan te Ch'ul Espíritu, xchi.

1 Corintios 7:22

Como te mach'a ay ta mosohil a te ic'ot yu'un te Cajwaltic, libre ay yu'un te Cajwaltic; ha nix hich te mach'a libre ay a te ic'ot yu'un te Cajwaltic, ha moso yu'un Cristo.

Colosenses 3:22

Mosohex, ch'uhumbeyahic spisil smandar te awajwalic ta bahlumilal, ma me ha'uc to te c'alal yac yilbelex a, te hich lec ac'oblalic ya xc'oht yu'un, pero junuc me awo'tanic xapasic ta scuenta yich'el ta muc' te Diose.

1 Timoteo 6:2

Te mach'atic ay yajwal te sch'uhunejic Dios, ma me peq'ueluc sc'oblal ya xc'oht yu'unic te bin ut'il yermano sbahic; lecuc xan ac'a yac' sbahic ta a'batinel yu'unic, como te mach'atic ay bin ya stahic yu'un te slequil ya'telic ha te mach'atic sch'uhunejic Dios soc te c'ux ta yo'tanique. Hich me xawac' ta nopel soc yac awa'iy tsitsaw.

Hebreos 3:1

Ha yu'un, quermanotac te ch'ultesbilex, te pajal ic'bilotic yu'un Dios, na'a me te Jesús, te jpuc-c'op soc muc'ul sacerdote, te ya caltic ta jamal te ha jch'uhunejtic,

1 Juan 5:1

Spisil mach'a sch'uhunej te ha Cristo te Jesús, ayinemix ta scuenta Dios, soc te mach'a c'ux ta yo'tan te tatil, ha nix hich c'ux ta yo'tan te snich'ane.