Éxodo 5:2 - Bible in Tzeltal Bachajón

² Pero la sjac' te faraón: ¿Mach'a a te Jehová te ya jch'uhumbe sc'op te ya cac' bahel te Israel? Ma jna'be sba te Jehová yac awale, soc ma ba ya cac' bahel te Israel, xchi.

Bible in Tzeltal de Oxchuc y Tenejapa

² Te faraón la yalbey: —¿Mach'a a te Awajwal te ya jch'uunbey sc'op te ya cac' bael te israeletique? Ma jna'bey sba te Awajwal ya awale. Ma xju' caq'uex bael —xi'.

Éxodo 5:2 ပူးပေါင်းရင်းမြစ်များ

2 Reyes 18:35

¿Mach'a diosil ta spisil te diosetic yu'un te q'uinaletic ini te hu' scoltaybel loq'uel ta jc'ab? ¿Bin ut'il ya xhu' yu'un te Jehová te ya scoltay loq'uel ta jc'ab te Jerusalén? xchi.

2 Crónicas 32:14

¿Mach'a diosil ta spisil te diosetic yu'un te nacionetic te lajinot yu'un te tatiletic cu'un te hu' yu'unic scoltayel ta jc'ab? ¿Bin ut'il c'an hu'uc yu'un scoltaybelex ta jc'ab te Dios awu'unique?

2 Crónicas 32:15

Ma me xawac' slo'loyex te Ezequías, te hich ya showiytesex. Ma me xach'uhunic, teme mayuc junuc dios yu'un spisil te nacionetic te hu' yu'un ya scoltay ta jc'ab soc ta sc'ab te tatiletic cu'une, ¿ha'uc to balix a te Dios awu'unic te ya xhu' yu'un scoltaybelex ta jc'ab? xchi.

2 Crónicas 32:19

La yalbeyic sc'oblal te Dios yu'un Jerusalén hich te bin ut'il la yalbeyic sc'oblal te diosetic yu'un te yantic nacionetic, te pasbilic ta sc'ab winiquetic.

Nehemías 9:10

La apas señahiletic soc jchahp a'teliletic ta scontrahinel te faraón, soc spisil te a'batetic yu'un, soc spisil te pueblo ta sq'uinal, como la ana' te ta scuenta stoybahilic la scontrahinic te jme'jtatcotic. La awac' te muc' c'oht abihil, hich te bin ut'il ta ora ini.

Job 15:25

como la shach sc'ab ta scontrahinel te Diose, la stoy sba ta stojol te Mach'a spisil ya xhu' yu'un;

Job 15:26

ste'anej snuc' ta ahnimal ta scontrahinel soc stulan mahquil yu'un guerra.

Job 21:15

¿Mach'a a te Spisil ya xhu' yu'un te ya cac' jbahtic ta a'batinel yu'une? ¿Bin ya jtahtic a te ya jc'opontique? xchihic.

Salmos 10:4

Te mach'a chopol yo'tan, ta scaj stoybahil ma ba ya sle te Diose; mayuc Dios ta spisil spensar.

Salmos 12:4

te mach'atic hich ya yalic: Ya me ca'iytic tsalaw ta scuenta jc'optic, ha cu'untic te quetic, ¿mach'a ajwalil cu'untic? te xchihique.

Salmos 12:5

Ya yal te Jehová: Ta scaj te uts'inel yu'un te pobrehetic soc te ahcan yu'un te mach'atic mayuc bin ay yu'unic, ya xhahchonix, ya jcoltay te mach'atic sc'anojic coltayel, xchi.

Salmos 14:1

Ya yal ta yo'tan te sonso: Mayuc Dios, xchi. Bohlobenic, ilobtic sba te ya'telic, mayuc mach'a ya spas te bin leque.

Éxodo 3:19

Ya jna' te ma xyaq'uex bahel te ajwalil yu'un Egipto ha to teme tulan ya xtenot ta yip c'abal.

Éxodo 7:17

Ha yu'un hich ya yal te Jehová: Hich me yac ana' te ho'on Jehovahon: ya jmaj te muc'ul-ha' ta nahbate'el ay ta jc'ab, ya xc'atp'uj ta ch'ich'.

Proverbios 30:9

yu'un teme ya xnoj jch'uht ya wan jmucat ta co'tan, soc hich wan ya cal: ¿Mach'a a te Jehová? xchihon; o teme pobrehon ya wan ca'iy elec', hich ya jbohlc'optaybe sbihil te Dios cu'une.

Jeremías 42:13

Yan teme hich yac awalic: Ma ba ya xhilotic ta q'uinal ini, teme xchihexe, te hich ma ba yac ach'uhumbeyic te sc'op Jehová te Dios awu'unic,

Jeremías 48:26

¡Yacubtesahic te Moab, como la stoy sba ta stojol te Jehová! ac'a sbal sba ta xe te Moab, soc ac'a yich' labanel.

Daniel 3:15

Yo'tic, teme yac awa'iybeyic sc'op te corneta, flauta, cítara, lira, salterio, gaita, soc spisil te a'tejibaletic yu'un música, ¿ya bal aquejan abahic soc ya bal ach'uhuntayic te loc'omba te jpasoje? Como teme ma ba yac ach'uhuntayique, ora nax yac awich'ic ch'ojel ochel ta horno banti yac ta tihlel c'ahc'. ¿Mach'a diosil ya xhu' ya scoltayex loq'uel ta jc'ab? xchi.

San Juan 16:3

Hich ya spasic ta scaj te ma sna'beyic sba te Tatil soc ma sna'bonic jba.

Romanos 1:28

Ta scaj te bin ut'il ma ba la sc'an la sna'beyic sba te Diose, hich ac'otic yu'un Dios te ya xbohlob spensaric, yu'un ya spasic te bin ma hichuc ya sc'an pasele.

2 Tesalonicenses 1:8

yu'un ya ya'be castigo te mach'atic ma ba la sna'beyic sba te Dios soc ma ba ya sch'uhunic spasel te lec yach'il c'op yu'un te Cajwaltic Jesucristo.

Jueces 2:10

Soc ha nix hich chamic spisil te mach'atic pajal scolelic soc; pero te patil al-nich'anetic ma ba la sna'beyic sba te Jehová soc te bintic la spas ta stojol Israel.

1 Samuel 2:12

Te snich'nab Elí mero chopol yo'tanic, ma ba la sna'beyic sba te Jehová.

1 Samuel 25:10

Pero te Nabal hich la sjac'be sc'opic: ¿Mach'a a te David, mach'a a te snich'an Isaí? Yo'tic ayix bayel a'batetic te yacalic ta ahnel ta stojol te yajwalique.