Éxodo 33:3 - Bible in Tzeltal Bachajón

³ Bahanic tey ta q'uinal te banti ya x'oquin leche soc chab. Yan te ho'one ma ba ya joquinex bahel, teme repente ya jlajinex hilel ta be, como ha'ex pueblohex te tulan awo'tanic, xchi.

Bible in Tzeltal de Oxchuc y Tenejapa

³ Tey xbaex a ta bay ya x'oquin leche soc chab c'oem. Te jo'one ma ba ya joinex bael teme repente ya jlajinex jilel ta be, melel ma xapejc'an abaic ta jyalel, ma xach'uunic mandal —xi'.

Éxodo 33:3 ပူးပေါင်းရင်းမြစ်များ

2 Reyes 17:14

Pero ma ba la yich'ic ta cuenta, mero tulan la yac' sbahic, hich te bin ut'il te sme'static, te ma ba la sch'uhunic te Jehová te Dios yu'unique.

Salmos 78:8

te ma hichuquix te bin ut'il te sme'static, te jcaj ts'umbalil te tulan yo'tanic soc jtoybahetic, te mayuc yip yo'tanic ta stojol Dios soc ma ba jun yo'tanic ta stojol.

Éxodo 13:5

Te c'alal Jehová ya yiq'uex ochel ta sq'uinal te cananeo, heteo, amorreo, heveo soc te jebuseohetic, ha te q'uinal te jc'axel yalbeyej ta jamal te antiguo ame'atatic te ya ya'beyex, ha te q'uinal te banti ya x'oquin leche soc chab, ya me apasic te q'uin ta u ini.

Éxodo 23:21

Ich'a ta cuenta soc a'iybeya te sc'ope; ma me xatoy aba ta stojol, yu'un ma ba ya spasbeyex perdón yu'un atoybahilic, como yich'oj te jbihile.

Éxodo 3:17

Soc la jcalix te ho'on ya jcoltayex ta libre yu'un te wocol ta Egipto, ya quiq'uex bahel ta sq'uinal te cananeo, heteo, amorreo, ferezeo, heveo, soc te jebuseo, ta q'uinal te banti ya x'oquin leche soc chab, xchihat.

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

Éxodo 32:14

Ha yu'un te Jehová la suhtes yo'tan yu'un te bin chopol yaloj te ya spasbe te pueblo yu'une.

Éxodo 33:5

como te Jehová la yalbeyix te Moisés: Halbeya te snich'nab Israel: Te ha'ex pueblohex te mero tulan awo'tanic; te yacuc xtal joquinex jts'ihnuc, ya jlajinex te hichuque. Ha yu'un loq'uesahic te ach'ahlelic, scuenta yu'un ya jnop bin ya cutex, xchi.

Éxodo 34:9

Hich la yal: Cajwal, teme melel lec c'ohemon ta atojol, ac'a sjoquinotcotic bahel te Cajwaltique. Aunque tulan yo'tanic te pueblo ini, pasbotcotic perdón yu'un te jchopolilcotic soc te jmulcotic, soc ic'awotcotic te ha awu'un ya xc'ohotcotique, xchi.

Isaías 48:4

Como jna'oj te tulan awo'tan, te ha bahlal taq'uin te anuc', soc ha bronce te ati'bahe.

Jeremías 11:5

Hich ya jc'ohtes ta pasel te bin la jcalbe ta jamal te ame'atatic te ya ca'be te q'uinal te banti ya x'oquin leche soc chab, hich te bin ut'il ta ora ini, xchihon. La jac': Hichuc, Jehová, xchihon.

Ezequiel 20:6

Te bin ora la jach jc'ab, te la jcal jba ta jamal te ya quic'ticlan loq'uel tal ta sq'uinal Egipto yu'un ya xbahtic ta q'uinal te tsahbil cu'un, ha te q'uinal banti ya x'oquin leche soc chab soc c'ax hich t'ujbil a te bin ut'il spisil q'uinaletic,

Levítico 20:24

Pero hich la jcalbeyex te ha'exe: Ya me awu'untayic te slum sq'uinalic, ho'on ya ca'beyex yu'un yac awu'untayic, ha te q'uinal te banti ya x'oquin leche soc chab. Ho'on, Jehovahon, te Dioson awu'unic te parte la jcaq'uex yu'un te yantic nacionetique.

Jonás 3:10

Te Dios la yil te bin la spasic, ha te la suhtes yo'tanic yu'un te chopol be yu'unique, hich la suht sc'op yu'un te bin chopol yaloj te ya spasbe.

Jonás 3:4

Te Jonás hahch bahel ta yutil te muc'ul pueblo, jun c'ahc'al behen ochel, hich yac ta yalel: Ta cha'winic c'ahc'al ya me xlaj te Nínive, xchi.

Números 13:27

Soc hich la yalbeyic: C'ohotcotic ta q'uinal te la aticonotcotic bahel ta yilel, te mero melel ya x'oquin leche soc chab; ha me ini te sit ts'unub-awalil yu'une.

Números 14:12

Ya quehchenteslan ta jmilawal-chamel soc ya jlajinlan; yan te ha'ate jun nación ya xc'ohat cu'un te c'ax hich smuc'ul soc c'ax hich yip a, xchi.

Números 14:8

Teme lec yo'tan cu'untic te Jehová, ya me yic'otic ochel soc ya ya'botic jq'uinalintic te q'uinale; ha q'uinal banti ya x'oquin leche soc chab.

Números 16:13

¿Ma bal tic'uc yac awa'iy a te la awic'otcotic loq'uel ta q'uinal ta banti ya x'oquin leche soc chab scuenta yu'un yac awac'otcotic ta lajel ta jochol taquin q'uinal, yu'un bal yo'tic yac ac'an yac acuyix aba ta ajwalil cu'uncotic?

Números 16:21

Loc'anic bahel ta yohlil te pueblo ini, yu'un ya jlajinlan ta ora, xchi.

Números 16:45

Loc'anic bahel ta stojol te pueblo ini, ya me jlajin ta ora, xchi. La spahcan sbahic ta lum yu'un.

Hechos 7:51

¡Tulan awo'tanic, ma ba yich'oj circuncisión awo'tanic soc achiquinic! Spisil ora yac amaquic te Ch'ul Espíritu, pajalex soc te ame'atatique.

Deuteronomio 4:24

como te Jehová te Dios awu'un ha c'ahc' te ya xlajinwan, ha Dios te xut'et yo'tan.

Josué 5:6

Como te snich'nab Israel behenic cha'winic (40) ha'bil ta jochol taq'uin q'uinal ha to c'alal cham spisil te winiquetic te ya xhu' ya yaq'uic guerra te loq'uic tal ta Egipto. Chamic ta scaj te ma ba la sch'uhumbeyic sc'op te Jehová. Ha yu'un la yal ta jamal te Jehová te ma ba ya ya'be yilic te q'uinal te la yalbe ta jamal te sme'static te ya ya'be, ha te q'uinal ta banti ya x'oquin leche soc chab.

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.