Éxodo 32:9 - Bible in Tzeltal Bachajón

⁹ Te Jehová hich la yalbe xan te Moisés: La jquilix te pueblo ini, mero tulan te yo'tanique.

Bible in Tzeltal de Oxchuc y Tenejapa

⁹ Te Cajwaltic, jich la yalbey xan te Moisese: —Yacon ta yilel te alumale. La jna'ix stojol te mero tulan te yo'tanique.

Éxodo 32:9 ပူးပေါင်းရင်းမြစ်များ

2 Reyes 17:14

Pero ma ba la yich'ic ta cuenta, mero tulan la yac' sbahic, hich te bin ut'il te sme'static, te ma ba la sch'uhunic te Jehová te Dios yu'unique.

2 Crónicas 30:8

Ma me tulanuc xawac' awo'tanic, hich te bin ut'il la spas te ame'atatique; ac'a abahic ta cuentahinel yu'un Jehová, soc la'ic ta ch'ul awilal yu'un te la sch'ultes scuenta sbahtel q'uinal. Ac'a abahic ta a'batinel yu'un te Jehová te Dios awu'unic, hich me ya xquehchaj a te yilimba ta atojolic.

Nehemías 9:16

Pero ha'ic soc spisil te jme'jtatcotic la stoy sbahic soc tulan la yac' sbahic, soc ma ba la yich'bat ta cuenta te mandariletic awu'une.

Nehemías 9:17

Ma ba la sc'an la ya'iyic soc ma ba la sna'ic te jchahp a'teliletic te la apasticlan ta yohlilic. Tulan la yac' sbahic, soc ta scuenta stoybahilic la snopic ya yotsesic mach'a ya yic'ticlan suhtel ta mosohil. Pero te ha'at Diosat te yac apas perdón, lec awo'tan soc sts'ujet awo'tan, ma orahuc ya x'ilinat, soc muc' te sc'uxul awo'tan, ha yu'un te ma ba la apihteslan.

Salmos 78:8

te ma hichuquix te bin ut'il te sme'static, te jcaj ts'umbalil te tulan yo'tanic soc jtoybahetic, te mayuc yip yo'tanic ta stojol Dios soc ma ba jun yo'tanic ta stojol.

Éxodo 33:3

Bahanic tey ta q'uinal te banti ya x'oquin leche soc chab. Yan te ho'one ma ba ya joquinex bahel, teme repente ya jlajinex hilel ta be, como ha'ex pueblohex te tulan awo'tanic, xchi.

Éxodo 33:5

como te Jehová la yalbeyix te Moisés: Halbeya te snich'nab Israel: Te ha'ex pueblohex te mero tulan awo'tanic; te yacuc xtal joquinex jts'ihnuc, ya jlajinex te hichuque. Ha yu'un loq'uesahic te ach'ahlelic, scuenta yu'un ya jnop bin ya cutex, xchi.

Éxodo 34:9

Hich la yal: Cajwal, teme melel lec c'ohemon ta atojol, ac'a sjoquinotcotic bahel te Cajwaltique. Aunque tulan yo'tanic te pueblo ini, pasbotcotic perdón yu'un te jchopolilcotic soc te jmulcotic, soc ic'awotcotic te ha awu'un ya xc'ohotcotique, xchi.

Proverbios 29:1

Te mach'a tulan ya yac' sba, teme ya yich' comel, ora nax ya yich' jinel, soc mayuc spoxil yu'un.

Isaías 48:4

Como jna'oj te tulan awo'tan, te ha bahlal taq'uin te anuc', soc ha bronce te ati'bahe.

Jeremías 13:27

ha te antsiwej awu'un soc te xhilajanat, te schopolil antsiwej awu'un ta sba te tsehletic. La jquil ta aquiltic te bintic ilobtic sba awu'une. ¡Obol aba, Jerusalén! ¿Jayeb xan c'ahc'al te ma ba ya xlecub ac'oblale? xchi te Jehová.

Oseas 6:10

La jquil ta sna Israel te bintic c'ax chopol: tey la ya'iy antsiwej a te Efraín, soc la sbohlobtes sba te Israel.

Números 14:11

Te Jehová la yalbe te Moisés: ¿Jayeb xan tiempo te ya spehc'ambon jc'oblal te pueblo ini? ¿Jayeb xan tiempo te ma ba ya sch'uhunonic, aunque bayel ta chahp a'teliletic la jpasix ta yohlilic?

Hechos 7:51

¡Tulan awo'tanic, ma ba yich'oj circuncisión awo'tanic soc achiquinic! Spisil ora yac amaquic te Ch'ul Espíritu, pajalex soc te ame'atatique.

Deuteronomio 10:16

Pasahic circuncisión ta awo'tanic, ma me xawac' tonobuc xan awo'tanic.

Deuteronomio 31:27

Como ya jna'bat atoybahil soc te tulan yac awac' aba. Teme yac atoy abahic ta stojol Jehová te cuxulon to ta awohlilic, ¿ha'uc to balix a te c'alal chamenonix ahe?

Deuteronomio 9:13

Soc hich la yalbon xan te Jehová: La jquilix te pueblo ini, mero tulan yo'tanic.

Deuteronomio 9:6

Ha yu'un ya me ana' te ma ta scuentahuc stojil awa'tel te ya ya'bat awu'untay te lequil q'uinal ini te Jehová te Dios awu'un, como mero tulan awo'tan te ha'ate.