Éxodo 32:4 - Bible in Tzeltal Bachajón

⁴ La yich'ticlan te bin a'bot yu'unic, la spas ta cincel ta sloc'omba jcolel toro ta uhltesbil oro. Ha yu'un la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchihic.

Bible in Tzeltal de Oxchuc y Tenejapa

⁴ Jich la stsac jilel ta sc'ab. La yultes ta c'ajc' te oro, la yac' ta smoldeil, la spas xan ta cincel. Jich la spasbey sloc'ombail jcojt' alal toro a. Jich la yalic ta spisilic te israeletique: —¡Jlumal, ilawil, ja' dios cu'untic te la sloq'uesotic tel ta Egipto! —xiic.

Éxodo 32:4 ပူးပေါင်းရင်းမြစ်များ

1 Reyes 12:28

Te c'alal la ya'iybe sc'op te j'ac'-o'taniletic, la spas cheb jcolel torohetic ta oro, soc hich la yalbe te pueblo: Tic'aniquix a te ya xmohex bahel ta Jerusalén. Li' ay te diosetic awu'unic, Israel, te la sloq'uesex tal ta sq'uinal Egipto, xchi.

1 Reyes 12:32

Te Jeroboam la shach spasel q'uin ta ho'lajuneb (15) c'ahc'al ta swaxaquebal u, hich te bin ut'il te q'uin ya yich' pasel ta Judá, soc la yac' milbil mahtaniletic ta scajtajib ta chiq'uel mahtanil. Hich nix la spas ta Bet-el, la ya'be milbil mahtaniletic te jcolel torohetic te spasoje. Soc la ya'be ya'tel sacerdotehetic ta toyol awilaletic te pasbilic yu'une.

2 Reyes 10:20

Patil la yal te Jehú: Ch'ultesahic jun c'ahc'al scuenta q'uin yu'un Baal, xchi. Hich la spasic.

2 Reyes 10:29

Pero te Jehú ma ba la yihquitay te muliletic la spas te Jeroboam snich'an Nabat, te la ya'be sta smul a te Israel. La yihquitay hilel te jcolel torohetic pasticlambilic ta oro te ay ta Bet-el soc ta Dan.

2 Crónicas 11:15

Te Jeroboam la sle sacerdotehetic yu'un te toyol awilaletic, yu'un te pucujetic soc yu'un te jcolel torohetic te spasoje.

2 Crónicas 13:8

Yo'tic awo'tanuc yac acontrahinic te cuentahinel yu'un Jehová te ay ta sc'ab te sts'umbal David, como bayelex soc awich'ojic te jcolel torohetic pasbilic ta oro te la yac' scuenta diosetic te Jeroboam.

Nehemías 9:18

Aunque la spasic jcolel toro ta uhltesbil taq'uin, soc te la yalic: Ha te dios awu'un te la yic'at loq'uel ta Egipto, te xchihique, soc te la spasic bintic bayel ilobtic sba,

Éxodo 20:2

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Éxodo 20:23

Ma me xapasic diosetic ta jtojol te pasticlambil ta oro o ta plata.

Éxodo 20:4

Ma me xapasbe sloc'ombahil o biluc a te pajal yilel soc te bintic ay ta ch'ulchan, ta bahlumilal o ta ha'etic ta ye'tal bahlumilal.

Éxodo 28:11

Ya me ats'ihbabe ochel sbihilic te snich'nab Israel ta schebal tonetic hich te bin ut'il ya spas te mach'a ya'telinej spasel sello; pasbeya yawil te tonetic ta oro.

Éxodo 28:9

Ich'a cheb sacliplip tonetic soc ts'ihbabeya ochel tey a te sbihilic te snich'nab Israel;

Éxodo 32:1

Te c'alal la yilic te pueblo te ma ba co tal ta wits ta ora te Moisés, bahtic ta stojol Aarón soc hich la yalbeyic: Hahchan, pasbotcotic diosetic te ya xnahilij bahel cu'untic, como te Moisés, te winic te la sloq'uesotic tal ta Egipto, ma jna'tic bin la spas, xchihic.

Éxodo 32:24

Ha yu'un la jcalbe: Te mach'a ay oro yu'un, loq'uesahic tal, la jcut. Hich la ya'bonic tal, la jch'oj ochel ta c'ahc', hich loc' tal te tut toro ini, xchi.

Éxodo 32:3

Ha yu'un spisil te pueblo la sloq'uesic te oro ay ta schiquinic, la yich'ic tal ta stojol Aarón.

Éxodo 32:35

Te Jehová la sticombe tal tulan swocol te pueblo ta scaj te bin la spasic soc te jcolel toro te la spas te Aarón.

Éxodo 32:5

C'alal hich la yil te Aarón, la spas scajtajib ta chiq'uel mahtanil ta stojol te jcolel toro, soc tulan la yal ta aw: ¡Pajel ay me q'uin yu'un Jehová! xchi.

Éxodo 32:7

Ha yu'un te Jehová la yalbe te Moisés: Bahan, cohan bahel, como te pueblo awu'un te la aloq'ues tal ta sq'uinal Egipto, bohlobix yo'tanic.

Éxodo 32:8

Ora nax la yihquitayic hilel te be te ho'on la jcalbeyic ta mandar. La spasiquix sloc'omba jcolel toro ta uhltesbil oro, la sch'uhuntayic, la ya'beyic milbil mahtaniletic, soc la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchi.

Isaías 30:22

Ha bohlobtesbil sc'oblal ya xc'oht awu'unic te loc'ombahetic awu'unic te potsbilic ta plata, soc te awahcananic macalic ta oro. Yac ach'ojticlanic bahel hich te bin ut'il pac' te bohloben sc'oblale, hich yac awalic: ¡Loc'anic bahel! xchihex.

Isaías 46:6

Ay mach'atic ya sloq'uesic oro ta yawil yu'un soc ya slicbeyic yalal te plata; ya schap sc'opic soc jten-taq'uin yu'un ya xpasbotic jun dios a, ya squejan sbahic ta stojol soc ya sch'uhuntayic.

Ezequiel 23:8

Ma ba la yihquitay hilel te antsinel yu'un ta Egipto, ta yach'ixlel to tsobol mach'atic wayic soc; la sjaxulambeyic ta mulambeyel schu' ta yach'ixlel soc bayel u'untaybot yo'tanic ta spasel mulil soc.

Oseas 10:5

Te mach'atic nahinemic ta Samaria ya xiwic ta scaj te jcolel toro ta Bet-avén. Ya x'oc' te pueblo ta scaj te jcolel toro, ha nix hich te sacerdotehetic te tse'el yo'tanic yu'un te yutsilal, te ya xch'ay bahele.

Oseas 13:2

Yacalic ta spasel xan mulil ta ora ini; ya spasic loc'ombahetic ta uhltesbil plata, ha chican bin yilel ya smulan yo'tan, ¡spisilic ha ya'tel mach'atic ya sna'ic spasel! Hich ya xhalbot sc'oblalic: Te mach'atic ya yaq'uic chic'bil mahtaniletic, ya yuhts'uyic torohetic, xchi sc'oblalic.

Hechos 17:29

Ha yu'un, te bin ut'il ha sts'umbalotic te Diose, ma me jcuytic te Dios te ha pajal soc oro, o plata o ton, te ha loc'omba pasbil ta sc'ab winiquetic te hich nax la snop shachel.

Hechos 7:41

Hich la spasic sloc'omba jcolel toro, la ya'beyic milbil mahtanil te loc'omba, tse'el yo'tanic yu'un te bin la spasic ta sc'abic.

1 Corintios 10:7

Ma me xach'uhunic loc'ombahetic, hich te bin ut'il ay la spasic stuquelic; hich te bin ut'il ts'ihbabil: Te pueblo la shuhcan sbahic ta we'el uch'el, patil hahch spasic q'uin, te xchihe.

Deuteronomio 9:16

La jquil te la atahix amulic ta stojol Jehová te Dios awu'unique; apasojiquix sloc'omba jcolel toro ta uhltesbil taq'uin, la awihquitayic hilel ta ora te be la spasex ta mandar te Jehová.

Jueces 8:24

Soc la yal xan: Ay bin ya jc'ambeyex: jujutuhlex a'bonic te staq'uinal chiquinil te la apojic, xchi. (Yu'un ay staq'uinal chiquiniletic pasbilic ta oro, como ha'ic ismaeletic.)

Jueces 8:27

Te Gedeón la spas ta efod te la yac' ta slumal ta Ofra. Spisil Israel la yac' sbahic ta antsinel c'ohem ta stojol te efod tey a. Ha sc'ohchinojibal c'oht yu'un te Gedeón soc spisil mach'atic ay yu'un ta sna.