Éxodo 3:9 - Bible in Tzeltal Bachajón

⁹ Te yawic te snich'nab Israel c'ohtix ta jtojol, soc quilojix te swocolic a'botic yu'un te egipciohetique.

Bible in Tzeltal de Oxchuc y Tenejapa

⁹ Ya calbat awaiy, caiyojbeyix stojol sc'opic te alumale, soc quiloj te bayal ayic ta uts'inel yu'un te egipcioetique.

Éxodo 3:9 ပူးပေါင်းရင်းမြစ်များ

Génesis 16:11

Soc halbot xan yu'un te ch'ul a'bat yu'un Jehová: Hahchemix awal, ya x'ayin atut querem-al; ya me awa'be sbihilin Ismael, yu'un ya'iyej te Jehová te ay awocole.

Génesis 31:12

La yalbon: Toya asit, ya me awil te puro jisaltic yihc'al, pintohetic soc yantic yilel sch'ahlel te tat chambahlametic te yac scuchbel te yantsilelic, yu'un quilojix spisil te bin la spasbat te Labán.

2 Reyes 13:4

Te Joacaz la sc'opon te Jehová, a'iybot sc'op yu'un, como la yilbe swocol Israel te a'botic yu'un te ajwalil yu'un Siria.

2 Reyes 20:5

Suhtan bahel, halbeya te Ezequías te príncipal yu'un te pueblo cu'un: Hich ya yal te Jehová te Dios yu'un David te namey tatil awu'un: La jca'iybatix ac'op soc la jquilbatix te ya'lel asit; ya jlecubtesat. Li' ta oxeb c'ahc'al ya xmohat bahel ta sna Jehová.

Nehemías 9:9

La awilbe swocol te jme'jtatcotic ta Egipto, soc la awa'iybe yawic ta Mar Rojo.

Salmos 12:5

Ya yal te Jehová: Ta scaj te uts'inel yu'un te pobrehetic soc te ahcan yu'un te mach'atic mayuc bin ay yu'unic, ya xhahchonix, ya jcoltay te mach'atic sc'anojic coltayel, xchi.

Salmos 9:14

scuenta yu'un ya cal spisil te yutsil ac'oblal ta puertahetic yu'un Sión, soc te tse'el co'tan yu'un te colel awu'une.

Éxodo 1:11

Ha yu'un la yac' jpasawetic ta mandar ta stojol te israeletic scuenta yu'un ya ya'beyic swocolic ta tulan a'tel. La spasbeyic pueblohetic yu'un faraón scuenta sq'uejojibal we'elil, ha te Pitón soc Ramesés.

Éxodo 1:22

Ha yu'un te faraón la spas ta mandar spisil te pueblo yu'un: Ch'ojahic ochel ta muc'ul-ha' spisil te queremetic te ya x'ayinic, ac'a cuxajuc spisil te tut ach'ixetique, xchi.

Éxodo 1:8

Ta patil bahel och yan ajwalil ta Egipto te ma ba la sna'be sba te José. Hich la yalbe te pueblo yu'une:

Éxodo 2:23

Bayel c'ahc'al ta patil cham te ajwalil yu'un Egipto. Te snich'nab Israel yaquic ta ahcan yu'un swocolic ta mosohil, tulan awonic yu'un; c'oht ta stojol Dios te yahcanic yu'un te swocolic ta mosohil.

Éxodo 2:25

Ilotic yu'un Dios te snich'nab Israel, soc la sna'be yo'bolil sbahic.

Éxodo 3:7

Patil hich la yal te Jehová: Melel la jquilbeyix swocol te pueblo cu'un te ay ta Egipto, soc la jca'iybeyix yawic yu'un te jsujawetic yu'unic ta a'tel. Ya jna'be yo'bolil sbahic yu'un te swocolique.

Eclesiastés 4:1

La jquil yan buelta spisil te uts'inel te yac ta pasel ta ye'tal ch'ulchan: ha te ya'lel sitic te mach'atic uts'imbilic, mayuc mach'a ya xmuc'ubtesbot q'uinal ya ya'iyic yu'un; ay yip ta sc'abic te j'uts'inwanejetic yu'unic, mayuc jmuc'ubtesej q'uinal yu'unic.

Eclesiastés 5:8

Teme yac awil te ay banti ayic ta uts'inel te pobrehetic, soc te ma stojiluc ya xchahpanotic, ma me xchamuc awo'tan yu'un; como ay mach'a muc' ya'tel te ya x'ilot yu'un mach'a toyol xan yu'une, soc ay mach'a toyol xan yu'un schebalic.

Amós 4:1

A'iya awa'iyic te c'op ini, ha'ex wacaxetic yu'un Basán, te nahinemex ta wits yu'un Samaria, te yac awa'beyic swocol te pobrehetic soc yac awuts'inic te mach'atic mayuc bin ay yu'unique; te hich yac awalbeyic te amamalalic: Ich'ahic tal bin ya cuch'tic, te xchihexe.

Deuteronomio 26:7

Hich awonotcotic ta stojol Jehová te Dios yu'un te jme'jtatic; te Jehová la ya'iybotcotic jc'opcotic soc la yilbotic te jwocolcotic, te tulan ca'telcotic soc te uts'inel te ay jwocolcotic yu'une.

1 Samuel 9:16

Ta hichilan ora pajel ya jticombat tal jtuhl winic talem ta sq'uinal Benjamín, ha te mach'a yac amalbe aceite scuenta jcuentahinwanej ya xc'oht yu'un te jpueblo Israel. Ha me ya scoltay loq'uel ta sc'ab filisteohetic te pueblo cu'une; yu'un la jquilbeyix swocol te pueblo cu'un, c'ohtix ta jtojol te awetic yu'unique, xchi.