Éxodo 28:3 - Bible in Tzeltal Bachajón

³ Halbeya spisil te mach'atic ay sp'ijil yo'tanic, ha te mach'atic la jca'beyix sp'ijil yo'tanic, te ya me spasbeyic c'u'uletic yu'un Aarón te hich parte ya x'ac'ot scuenta sacerdote cu'un ya xc'oht.

Bible in Tzeltal de Oxchuc y Tenejapa

³ Ya me ata ta c'op spisilic te mach'atic ay sp'ijil yo'tanic, ja' te mach'atic cac'ojbeyix smajt'an ta spasele. Ja' me ya spasbeyic sc'u'-spac' te Aarón, jich me ya cu'unin ta abatinel ta sacerdoteil.

Éxodo 28:3 ပူးပေါင်းရင်းမြစ်များ

1 Reyes 7:14

Te Hiram, yal jtuhl me'ba' ants, sts'umbal Neftalí, yan te state, ha slumal te Tiro, la sna' a'tel ta bronce. Te Hiram ay sp'ijil yo'tan, ay snopojibal yu'un, soc ya sna' spisil a'tel ta bronce. Tal ta stojol te ajwalil Salomón, la spasbe spisil te ya'tele.

Éxodo 35:10

Spisil te mach'atic ta awohlilic te ay sp'ijil yo'tanic ya me xtalic, ya me spasic spisil te bintic yaloj ta mandar te Jehová:

Éxodo 35:25

Soc spisil te antsetic te ay sp'ijil yo'tanic la ya'iyic nahujel, soc la yich'ic tal te bin nahuybil yu'unic: ha te yax, chi'in-yax soc tsajal estambre, o ts'otbil lino.

Éxodo 35:30

Te Moisés hich la yalbe te snich'nab Israel: Ilawilic, te Jehová la stsa te Bezaleel snich'an Uri, snich'an Hur, sts'umbal Judá,

Éxodo 35:31

soc la snojesbeyix ta yo'tan te Espíritu yu'un Dios, soc sp'ijil yo'tan, sna'el bin ay ta na'el, soc sna'el spasel spisil bintic t'ujbil ay,

Éxodo 35:35

Ha la snojesbe ta yo'tanic scuenta sna'el spasel spisil bin t'ujbil ay soc scuenta sp'isel, soc sch'ahlel ta ts'isel ta yax, chi'in-yax soc tsajal estambre, ta ts'otbil lino, soc sjalel; ya xhu' yu'unic spasel spisil a'tel soc schahpanel bintic ay ta pasel.

Éxodo 36:1

Ha yu'un te Bezaleel, Aholiab soc spisil mach'atic ay smahtanic yu'un spasel bintic t'ujbil ta pasel, te ha a'botic sp'ijil yo'tanic yu'un Jehová ta sna'el spasel spisil te bintic ya xtuhun ta ch'ul awilal, ha'ic ya spasic spisil te bin la yal ta mandar te Jehová, xchi te Moisés.

Éxodo 36:2

Te Moisés la yic' tal te Bezaleel, Aholiab soc spisil te mach'atic ay sp'ijilic ta spasel te bintic t'ujbil ta pasel, te a'botic sp'ijil yo'tanic yu'un te Jehová, spisil te mach'atic tijbot yo'tanic yu'un ya xtal spasic te a'tel tey a.

Proverbios 2:6

Como Jehová ya yac' te p'ijil-o'tanil, soc ya xloc' tal ta ye te p'ijil-o'tanil soc te bin ay ta na'el.

Isaías 11:2

Te espíritu yu'un Jehová ya xhul ta stojol: ha te espíritu yu'un p'ijil-o'tanil soc sna'beyel scuentahil, te espíritu yu'un j'ac'-o'tanil soc yu'el, te espíritu yu'un bin ay ta na'el soc xi'el te Jehová;

Efesios 1:17

Ya jc'ambe te Dios yu'un te Cajwaltic Jesucristo, ha te Tatil yu'un utsilal, te yacuc ya'beyex espíritu yu'un p'ijil-o'tanil soc yu'un sna'el bin ac'bil ta na'el yu'un Dios, scuenta yu'un ya xhu' yac ana'beyic sba ta lec.

Deuteronomio 34:9

Te Josué snich'an Nun nojel ta yo'tan p'ijil-o'tanil, como te Moisés la scajambe sc'ab ta sjol. Te snich'nab Israel la sch'uhumbeyic smandar, hich la spasic te bin ut'il pasot ta mandar yu'un Jehová te Moisés.

Santiago 1:17

Spisil te bin lec a'bibilotic soc spisil lequil mahtanil talem ta toyol, ta stojol te Tatil yu'un sacal q'uinal, te ma xyanij hich te bin ut'il axinal.