Éxodo 27:9 - Bible in Tzeltal Bachajón

⁹ Ha nix hich ya me apasbe yamaq'uil te Nahilpac' Templo. Ta stojol sur ya me yich' maquel bahel ta jalbil lino, ho'winic (100) xuhc'ubil snahtil te jlehbe.

Bible in Tzeltal de Oxchuc y Tenejapa

⁹ “Pasbeya yamac'ul te Nailpac' Templo. Te amac' ya me awac'bey scorralil-pac' te pasbil ta ts'otbil lino. Ya me yich' lich'el bael jo'eb yoxwinic (45) metro ta stojol sur.

Éxodo 27:9 ပူးပေါင်းရင်းမြစ်များ

1 Reyes 6:36

Soc te sts'ahcul amac' te ay ta yutil la spas ta oxchohl walubil tonetic soc jchohl ts'amte'etic yu'un cedro.

1 Reyes 8:64

Ha nix ta yorahil a, te ajwalil la sch'ultes te yohlil te amac' te ay ta stojol te sna Jehová, yu'un tey la ya'be a te scohtol chic'bil mahtaniletic soc te mahtanil harina soc te sjuhp'el te mahtanil scuenta lamal q'uinal, como tut te scajtajib smahtan Dios pasbil ta bronce te ay ta stojol Jehová, ma ba och tey a spisil te scohtol chic'bil mahtaniletic, te mahtaniletic harina soc te sjuhp'el te mahtaniletic scuenta lamal q'uinal.

2 Crónicas 33:5

Soc la spasticlan scajtajib ta chiq'uel mahtaniletic yu'un spisil bintic ayic ta ch'ulchan ta schebal te yamaq'uil sna Jehová.

2 Crónicas 4:9

Soc la spas te amac' yu'un te sacerdotehetic, te muc'ul amac' soc te puertahetic yu'un, soc la spotsticlan ta bronce.

Salmos 100:4

Ochanic bahel ta ochibaletic yu'un soc halbeyahic wocol, ochanic ta amaq'uetic yu'un soc halbeyahic yutsil sc'oblal. ¡Halbeyahic wocol, halbeyahic yutsil sc'oblal te sbihile!

Salmos 116:19

ta amaq'uetic yu'un te sna Jehová, ta awohlil, ha'at Jerusalén. ¡Aleluya!

Salmos 84:10

Ha lec te jun c'ahc'al ta amaq'uetic awu'un te bin ut'il jmil c'ahc'al ta yan lugar. Ha lec ya ca'iy te ha jcanan-puertahon ta sna te Dios cu'un, te bin ut'il te ya xnahinon ta sna te mach'atic chopolic.

Salmos 92:13

ts'umbilic ta sna Jehová, ya me xnichinic ta amaq'uetic yu'un te Sna te Dios cu'untique.

Éxodo 27:10

Te jtahb yoyal soc te jtahb scajtajib ya me yich' pasel ta bronce, te sganchohil soc te sc'atal-te'el ya yich'ic pasel ta plata.

Éxodo 35:17

te paq'uetic yu'un te amac', te yoyaletic soc snactajibic, te pac' yu'un te yochibal te amac';

Éxodo 36:17

La spasbe lajuneb yoxwinic (50) schiquin ta sti'il te slajibal pac' ta sba chahpale; soc yan xan lajuneb yoxwinic (50) schiquin ta sti'il te slajibal pac' ta scha'chahpale.

Éxodo 39:40

te paq'uetic yu'un te amac', te oyetic yu'un soc scajtajib, te pac' yu'un te yochibal te amac', te lazohetic soc te ts'acticlambil yich'o-ip yu'une; soc spisil te bin ya xtuhun yu'un te a'tel ta Nahilpac' Templo, ha te Nahilpac' Templo yu'un tahojibal;

Éxodo 40:33

Ta slajibal, la schahpan te spac'al amac' ta sjoyobal te Nahilpac' Templo soc te scajtajib ta chiq'uel mahtanil, soc la sjohc'ambe spac'al te yochibal te amaq'ue. Hich la shu'tes te a'tel te Moisés.

Éxodo 40:8

Ya me achahpan te amac' ta sjoyobal soc ya me ajihpan te pac' ta yochibal.

Ezequiel 40:14

La sp'is te jujun smarcohil soc yoyal te yochibal te amac', ay oxwinic (60) xuhc'ubil

Ezequiel 40:17

Patil la yic'on ochel ta shahchibal amac'. Tsahlaltsahl ay, soc limbil ton ta sjoyobal, ay lajuneb scha'winic (30) ta tsahl ta sjoyobal te amac'.

Ezequiel 40:20

La sp'is te snahtil soc te sjamalil te ochibal te ay ta stojol norte yu'un te shahchibal amac'.

Ezequiel 40:23

Te yochibal te amac' ta yutsil snuhp'usitayej sba soc te ochibal ay ta stojol norte, hich te bin ut'il ay ta stojol banti ya xloc' tal c'ahc'al. La sp'is c'alal ta ochibal c'alal ta yan ochibal, ay ho'winic (100) xuhc'ubil.

Ezequiel 40:28

Patil la yic'on ochel ta amac' ta yutil ta ochibal ta stojol sur. La sp'is, ha pajal sp'isol soc te yantic ochibaletic.

Ezequiel 40:32

La yic'on bahel ta amac' ta yutil ta stojol banti ya xloc' tal c'ahc'al. La sp'is te ochibal, pajal sp'isol soc te yantique.

Ezequiel 40:44

Ta amac' ta yutil, ta spat te ochibal ay cheb stsalul, te tsahl ay ta sts'ehl te ochibal ay ta stojol norte te yiloj bahel ta stojol sur, te yane ay ta sts'ehl te ochibal ay ta stojol banti ya xloc' tal c'ahc'al te yiloj bahel ta stojol norte.

Ezequiel 42:3

Ay tsahlaltsahl te snuhp'usitayej sba soc te jtahb xuhc'ubil yu'un te amac' ta yutil, soc te snuhp'usitayej sba soc te limbil ton te ay ta shahchibal amac'; te jujuchohl tsahlaltsahl snuhp'usitayej sbahic, soc oxcajal ayic.

Números 3:26

te paq'uetic yu'un te yamaq'uil, te pac' yu'un te yochibal te yamaq'uil ay ta sjoyobal te Nahilpac' Templo soc te scajtajib ta chiq'uel mahtanil, soc te lazohetic yu'un; spisil bintic ya sc'an pasel tey a.

Números 4:26

te paq'uetic yu'un te amac', te smahquil pac' ta yochibal te amac' ay ta sjoyobal te Nahilpac' Templo soc te scajtajib ta chiq'uel mahtanil, te schuhquil soc spisil te biluquetic te ya xtuhun yu'un ya'telic; ya me spasic spisil te bin ay ta pasel tey a.

Números 4:32

te oyetic yu'un te amac' ta sjoyobal soc scajtajibic, te ts'apbil yich'o-ip, schuquilic soc spisil sbiluc soc spisil bintic ya xtuhun tey a. Ya me awa'be sna' jujutuhl bintic a te ya yich'ic bahele.