Éxodo 20:3 - Bible in Tzeltal Bachajón

³ Ma me ayuc yantic diosetic awu'un ta jtojol.

Bible in Tzeltal de Oxchuc y Tenejapa

³ “Ma me ayuc yan diosetic awu'un, melel jo'on nax me jtuquel te Dioson awu'une.

Éxodo 20:3 ပူးပေါင်းရင်းမြစ်များ

1 Reyes 11:4

Te c'alal mamalix a te Salomón, te antsetic yu'un la showiytesbeyic yo'tan ta stojol yantic diosetic, ma spisiluc yo'tan la yac' sba ta stojol te Jehová te Dios yu'un, ma hichuc te bin ut'il yo'tan te David te state.

Salmos 29:2

Halbeyahic yutsil sbihil te Jehová hich te bin ut'il ya sc'an pasele; ch'uhuntayahic te Jehová ta scuenta ch'ultesel te c'ax t'ujbil.

Salmos 73:25

¿Mach'a yan ay cu'un ta ch'ulchan? Ha'at nax atuquel. Mayuc bin yan ya jc'an ta bahlumilal, ha'at nax atuquel.

Salmos 81:10

Ho'on Jehovahon, te Dioson awu'un, te la jloq'uesat tal ta sq'uinal Egipto. Jama awe, ya jnojesbat.

Salmos 81:9

Ma me ayuc yanl diosetic ta awohlil, ma me xanijan aba ta stojol yan dios.

Éxodo 15:11

¿Mach'a ya spajat, Jehová, ta yohlil te diosetic? ¿Mach'a ya spajat, te c'ax bayel awutsilal te ch'ul Diosat, te xiweltic sba te yutsil awa'tel, te yac apas jchahp a'teliletic?

Éxodo 20:23

Ma me xapasic diosetic ta jtojol te pasticlambil ta oro o ta plata.

Éxodo 22:19

Mach'ayuc a te ya scuch sba soc chambahlam, ya me yich' milel.

Éxodo 23:24

Ma xaquejan aba ta stojol te diosetic yu'unic, ma xawac' aba ta a'batinel yu'unic, ma xapas te bin ya spasic, jc'axel me xalajinlan soc jc'axel me xawuyticlan te bahlal tonetic tec'ajtic yu'unique.

Éxodo 32:8

Ora nax la yihquitayic hilel te be te ho'on la jcalbeyic ta mandar. La spasiquix sloc'omba jcolel toro ta uhltesbil oro, la sch'uhuntayic, la ya'beyic milbil mahtaniletic, soc la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchi.

Éxodo 34:14

Ma me xanijan aba ta stojol junuc yan dios, como te Jehová, te ha Xut'et te sbihile, ha Dios te xut'et yo'tan.

Isaías 26:4

Ha'uc me smuc'ul awo'tanic spisil ora te Jehová, como ha ahnibal sbahtel q'uinal te Cajwaltic Jehová.

Isaías 42:8

¡Ho'on Jehovahon, ha me te jbihile! mayuc mach'a ya ca'be te cutsilale, ni ma ba ya ca'be te loc'ombahetic te yutsil jc'oblal te ya yich' halele.

Isaías 43:10

Hich ya yal te Jehová: Ha'ex testigohex cu'un, soc a'batex cu'un te la jtsahex, scuenta yu'un yac ana'bonic jba soc yac ach'uhunic soc yac ana'ic te ho'on abi. Mayuc yan dios pasbil te ha nahil cu'un, soc mayuc yan te ha patil cu'un.

Isaías 44:8

Ma me xnihc awo'tanic, ma me xiwex. ¿Ma bal lajuc calbeyex awa'iyic, ma bal lajuc calbe sc'oblal c'alal ta namey? Ha'ex testigohex cu'un. ¿Ay bal yan dios ta jtojol? ¡Mayuc yan Muc'ul Ton! ¡Mayuc yan te ya jna'be sba! xchi.

Isaías 46:9

Na'ahic me te bintic c'ohem ta pasel ta namey; ho'on Dioson, mayuc yan; ho'on Dioson, mayuc yan pajalon soc.

Jeremías 25:6

Ma me xat'unic bahel yantic diosetic yu'un yac awac' abahic ta a'batinel yu'unic soc yac ach'uhuntayic; soc ma me xawac' ilinucon ta scaj ya'tel ac'abic. Hich mayuc bin chopol ya jpasbe, xchihic.

Jeremías 35:15

Bayel buelta la jticombeyex te jalwanejetic te a'batetic cu'une, yu'un hich ya yalbeyex: Jujutuhlex, ihquitayahic hilel te chopol be awu'unic, ach'ubtesa awa'telic; ma me xat'unic yantic diosetic yu'un yac awac' abahic ta a'batinel yu'unic. Hich ya xcuxajex ta q'uinal te la jca'beyex soc ame'atatic, xchihon. Pero ma ba la awa'iybonic jc'op soc ma ba la awich'onic ta cuenta.

Jeremías 7:9

Yac awa'iyic elec', milaw, antsiwej, yalel ta jamal lot, yac achic' pom ta stojol Baal soc yac at'unic bahel diosetic te ma ba ana'beyejic sba,

Daniel 3:18

Teme ma'uque, na'a me, ajwalil, te ma ba ya cac' jbahcotic ta a'batinel yu'un te diosetic awu'un soc ma ba ya jch'uhuntaycotic te loc'omba atehc'anej, xchihic.

Oseas 13:4

Pero Ho'on Jehovahon te Dios awu'un c'alal ayat to ta sq'uinal Egipto; mayuc yan dios te yac ana'be sba, mayuc yan jcoltaywanej, ho'on nax jtuquel.

San Mateo 4:10

La yal te Jesús: Loc'an, Satanás, como hich ts'ihbabil: Ha nax me xach'uhuntay soc ha nax me xawac' aba ta a'batinel yu'un te Cajwaltic te Dios awu'un, la yut.

1 Corintios 8:4

Te bin ut'il ay sc'oblal te we'elil te ya yich' aq'uel scuenta milbil mahtanil ta stojol loc'ombahetic, jna'ojtic te mayuc stuc ta q'uinal te loc'omba, te junax Dios ay.

1 Corintios 8:6

pero te ho'otique, jna'ojtic te junax Dios ay, ha te Tatil, te ha talem ta stojol spisil bintic ay soc te ha cuxulotic ta scuenta; soc junax Cajwaltic, ha te Jesucristo, te ha ta scuenta te la yich' pasel spisil bintic ay soc te ha cuxulotic ta scuenta.

Efesios 5:5

Como ana'ojic te ma xhu' ya x'ochic ta banti ay te cuentahinel yu'un Cristo soc yu'un Dios te j'antsinel soc j'antsiwej, te mach'a bohloben sc'oblal, o te ay sbic'tal yo'tan, te ha pajal soc sch'uhunel loc'omba.

Deuteronomio 5:7

Ma me ayuc yan diosetic awu'un ta jtojol.

Deuteronomio 6:14

Ma me xat'unic yantic diosetic, ha te diosetic yu'un te pueblohetic te nopol ayat soc,

Deuteronomio 6:5

C'ux me xawa'iy ta awo'tan te Jehová te Dios awu'un, ta spisil awo'tan, ta spisil ach'uhlel soc ta spisil awip.

Filipenses 3:19

Ch'ayel me ya xbahtic yu'un, ha dios yu'unic te sch'uhtic, soc te yutsilalic ha te bin q'uexlaltic sba, ha nax bahem ta yo'tanic te bintic scuenta bahlumilal.

Colosenses 2:18

Ma me xawac' spojbeyex te premio awu'unic te mach'a sp'isoj sba te peq'uel ay soc te ya sch'uhuntay ch'ul a'batetique. Ha ya slom ta halel te bin ma ba yiloj, tojol ya stoy sba yu'un te bin snopoj ta scuenta ch'ich'-baq'uet;

Apocalipsis 19:10

La jpahcan jba ta ye'tal yoc yu'un ya jch'uhuntay, pero la yalbon: ¡Ma me hichuc xapas! Pajal ayotic ta a'batinel soc nix te awermanotac te ay ta yo'tanic te testigo-c'op yu'un te Jesús. Ch'uhuntaya te Diose, xchi. (Te testigo-c'op yu'un Jesús ha te espíritu yu'un te sc'op-jalwanej.)

Apocalipsis 22:9

Pero la yalbon: ¡Ma hichuc xapas! Pajal ayotic ta a'batinel soc te awermanotac te jalwanejetic soc te mach'atic ya scanantayic te c'op te ay ta libro ini. ¡Ha me xach'uhuntay te Diose! xchi.

Jueces 6:10

Soc hich la jcalbeyex: Ho'on Jehovahon te Dioson awu'unic; ma me xawich'ic ta muc' te diosetic yu'un te amorreohetic te banti nahinemexix ta sq'uinalique, xchihon. Pero ma ba la ach'uhumbonic te jc'ope, xchi.