Éxodo 17:7 - Bible in Tzeltal Bachajón

⁷ La ya'be sbihilin Masah soc Meriba te lugar, yu'un tey la yut sbahic a te snich'nab Israel soc la yilbeyic yo'tan te Jehová c'alal la yalic: ¿Ay bal ta cohliltic te Jehová, o ma'uc? te xchihique.

Bible in Tzeltal de Oxchuc y Tenejapa

⁷ Meriba c'ot sbiil yu'un, melel tey jajch'ic ta ch'inlajanel a te israeletique. Soc Masah la yac'bey xan sbiil, melel tey la yilbey yo'tan a te Diose. Yu'un jich la yalic: —¿Sjoinejotic bal te Cajwaltique, o ma ba sjoinejotic? —xiic.

Éxodo 17:7 ပူးပေါင်းရင်းမြစ်များ

Salmos 106:32

Soc ha nix hich la yaq'uic ilinuc Dios ta ti' ha'etic yu'un Meriba; ha ta scajic te ma lecuc c'oht ta loq'uel te Moisés;

Salmos 78:18

La stsajic te Diose, ha te la sc'an swe'ic te bin la smulan yo'tanic.

Salmos 81:7

Awonat te c'alal ayat ta wocol, la jcoltayat; la jac'bat ac'op c'alal ta banti ya xt'ohm tal chahwuc; la jtsajat ta ti' ha'etic yu'un Meriba. Selah

Salmos 81:8

A'iya awa'iy, pueblo cu'un, ay bin ya ca'bat ana'. ¡Te yacuc awa'iybon jc'op, Israel!

Salmos 95:8

ma me xatulantes awo'tanic, hich te bin ut'il la apasic ta Meriba, hich te bin ta Masah ta jochol taquin q'uinal,

Éxodo 17:2

Te pueblo hahch stijic ta c'op te Moisés, hich la yalic: ¡A'botcotic ha' yu'un ya cuch'cotic! la yutic. ¿Bin yu'un yac atijonic ta c'op? ¿Bin yu'un yac awilbeyic yo'tan te Jehová? xchi te Moisés.

Éxodo 34:9

Hich la yal: Cajwal, teme melel lec c'ohemon ta atojol, ac'a sjoquinotcotic bahel te Cajwaltique. Aunque tulan yo'tanic te pueblo ini, pasbotcotic perdón yu'un te jchopolilcotic soc te jmulcotic, soc ic'awotcotic te ha awu'un ya xc'ohotcotique, xchi.

Isaías 12:6

C'ayojinanic soc awonanic soc yutsil awo'tanic, ha'ex te nahinemex ta Sión, como muc' te Ch'ul Dios yu'un Israel ta awohlilic, xchihat.

Miqueas 3:11

Te jtsobawetic yu'un ya schahpanwanic ta taq'uin, te sacerdotehetic yu'un tojbil ya xnohpteswanic, te jalwanejetic yu'un ta scuenta taq'uin ya yalic bin ya sna'ic, soc yich'oj yipic ta Jehová, hich ya yalic: ¿Ma bal sjoquinejotic te Jehová? Mayuc bin chopol ya xtal ta jtojoltic, xchihic.

Números 14:22

spisil te mach'atic la yilbonic cutsilal soc te jchahp a'teliletic la jpas ta Egipto soc ta jochol taquin q'uinal, te la spasonic ta prueba lajuneb buelta soc te ma ba la ya'iybonic te jc'ope,

Números 20:13

Ha sloq'uib ha' Meriba sbihil te banti la shachic bayel c'op te snich'nab Israel ta stojol Jehová, soc hich la yac' sba ta ilel ta yohlilic te ha ch'ul Dios stuquel.

Números 20:24

Ya xchamix te Aarón. Ma ba ya x'och bahel tey ta q'uinal la jca'be te snich'nab Israel, como ha'ex la atoy abahic ta sc'axuntayel jmandar ta banti sloq'uib ha' Meriba.

Números 27:14

Como la ac'axuntaybonic te jmandar ta jochol taquin q'uinal Zin te c'alal hahchic ta c'op te pueblo, ma ba la awich'onic ta cuenta te Ch'ul Dioson ta stojolic tey ta ha'etic, xchi. (Ha te ha'etic yu'un Meriba te ay ta Cades ta jochol taquin q'uinal Zin.)

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

Deuteronomio 31:17

Ha yorahil a te ya xtihl hahchel sc'ahc'al co'tan ta stojolic; ya me jch'ayic ta co'tan, ya jnac' jsit ta stojolic, hich me ya xlajic. Ya me xtal bayel swocolic soc mel-o'tan ta stojolic, ha me yorahil a te hich ya yalic: ¿Ma bal ha'uc yacon ta wocol yu'un te ma ba sjoquinejonix te Dios cu'un? xchihic.

Deuteronomio 33:8

Hich la yalbe sc'oblal Leví: Te Tumim soc Urim awu'un, ha'ic yu'un te winic te jun yo'tan ta atojol, ha te la apas ta prueba ta Masah, te mach'a la awut aba soc ta ha'etic yu'un Meriba;

Deuteronomio 6:16

Ma me xapasic ta prueba te Jehová te Dios awu'unic, hich te bin ut'il la apasic ta Masah.

Deuteronomio 9:22

Ha nix hich ta Tabera, ta Masah soc ta Kibrot-hataava la ahachbeyic yilimba te Jehová.

Josué 22:31

Te Finees snich'an sacerdote Eleazar, hich la yalbe te sts'umbal Rubén, Gad, soc te j'ohlil sts'umbal Manasés: Yo'tic c'ohtix ta co'tancotic te ay ta cohliltic te Jehová, yu'un ma hichuc nopbil awu'unic spasel te bin chopol ta stojol Jehová. Hich la acoltayiquix ta sc'ab Jehová te snich'nab Israel, xchi.