Éxodo 13:9 - Bible in Tzeltal Bachajón

⁹ Te q'uin hich ac'a c'ohtuc awu'un te bin ut'il jun seña ta ac'ab soc sna'ojibal ta ati'ba, scuenta yu'un yac awalulan te ley yu'un Jehová; como ta scuenta yu'el sc'ab la sloq'uesat tal ta Egipto te Jehová.

Bible in Tzeltal de Oxchuc y Tenejapa

⁹ Jich me c'oem ta awo'tanic te ay smarcail ta ac'abic o ta ati'baique. Jich me ya ana'ic te ja' ya sc'an ya awalic spisil ora te mandaliletic yu'un te Cajwaltique. Melel swenta smuc'ul yu'el sc'ab te la sloq'uesotic tel ta Egipto.

Éxodo 13:9 ပူးပေါင်းရင်းမြစ်များ

Nehemías 1:10

Ha'ic te a'batetic soc te pueblohetic awu'un te la acoltay ta scuenta smuc'ul awu'el soc ta scuenta yip ac'ab.

Salmos 136:11

te la sloq'ues ta Egipto te Israel, como sbahtel q'uinal ay te sc'uxul yo'tan,

Salmos 136:12

ta scuenta yip sc'ab soc te sc'ab shachoj, como sbahtel q'uinal ay sc'uxul yo'tan;

Salmos 89:13

Ay yu'el te ac'ab; ay yip te ac'ab, toyol sc'oblal te awa'el-c'ab.

Éxodo 12:14

Te c'ahc'al ini ha sna'ojibal awu'unic ya xc'oht, ya me apasic scuenta q'uin ta stojol Jehová ta cajalcaj ats'umbalic bahel; ha mandaril te ma xlaj sc'oblal.

Éxodo 12:41

Ta mero sc'ahc'alel te ts'acay te jbahc' soc lajuneb scha'winic (430) ha'bil spisil te pueblo yu'un Jehová loq'uic bahel ta sq'uinal Egipto.

Éxodo 13:14

Te c'alal ya sjoc'obat te anich'an: ¿Bin scuentahil ini? teme xchihe, hich me xawalbe: Te Jehová, ta scuenta yu'el sc'ab la sloq'uesotic tal ta Egipto te banti ayotic ta mosohil;

Éxodo 13:16

Ha me seña ya xc'oht awu'unic ta ac'ab soc ha sna'ojibal ta ati'ba te bin ut'il Jehová la sloq'uesotic bahel ta Egipto ta scuenta yu'el sc'ab, xchi te Moisés.

Éxodo 13:3

Te Moisés hich la yalbe te pueblo: Na'ahic me te c'ahc'al ini, ha te bin ora loq'uex tal ta Egipto te banti ayex ta mosohil, como te Jehová la sloq'uesex tal ta scuenta smuc'ul yu'el sc'ab; ha yu'un ma me xawe'ic te bin yich'oj levadura.

Éxodo 3:20

Pero ya jach jc'ab, ya quehchentes te Egipto ta spisil te jchahp a'teliletic ya jpasbe tey a, hich ya yaq'uex bahel.

Éxodo 7:4

Te faraón ma ba ya ya'iybeyex ac'opic; pero ya cac' jc'ab ta stojol Egipto soc ya jloq'ues te jujuchahp cu'un, ha te pueblo cu'un, ha te snich'nab Israel, ta sq'uinal Egipto ta scuenta tulan castigohetic.

Proverbios 1:9

como yutsil sch'ahlel ajol ya xc'oht soc uhalil ta anuc'.

Proverbios 3:21

Jnich'an, ma me xawihquitay te bintic ay ini: canantaya te p'ijil-o'tanil soc te stsahtayel;

Proverbios 7:23

ha to c'alal ya xlowbot sch'uht ta ya'tejibal t'ihmalte'; hich te bin ut'il ha'mal mut ya xwihl bahel ta yaquil, ma ba ya sna' ya xlajimbot scuxlejal yu'un.

Cantares 8:6

Ac'awon hichuc sello ta awo'tan, hich te bin ut'il marca ta ac'ab; como hich ay yip te sc'uxul-o'tanil te bin ut'il te lajele, soc tulan te xut'xut'-o'tanil hich te bin ut'il te stsobojibal mach'atic chamenic. Te sc'ahc'ale ha muc'ul c'ahc', ha yat c'ahc' te bayel yip.

Isaías 27:1

Ta hich ora te Jehová ya me ya'be castigo ta espada yu'un te ha muc' soc te ay yip, ya me ya'be castigo te Leviatán, te chan te ya x'ahn bahel, te Leviatán, te chan te xotoj sba, ya me smil te dragón te ay ta mar.

Isaías 40:10

Ilawil, tal soc yu'el te Jehová, ya xcuentahinwan ta scuenta yip sc'ab. Ilawil, ya xtal soc smahtan, joquimbil tal soc te stojole.

Isaías 44:5

Ay mach'a hich ya yal: Ho'on yu'unon Jehová, xchi, yan ya sbihilimbe sbihil te Jacob, yan hich ya sts'ihbay ta sc'ab: Yu'unon Jehová, xchi, soc ya sbihilimbe sbihil Israel, xchi.

Isaías 49:16

Ilawil, bojbil ochel ta ts'ihbayel ta jc'ab te abihile; spisil ora ay ta jtojol te ts'ahquetic awu'une.

Isaías 51:9

¡Hahchan, hahchan, lapa awu'el, ha'at c'abalat yu'un Jehová! Hahchan hich te bin ut'il ta namey, hich te bin ut'il ta cajalcaj ts'umbalil ta namey. ¿Ma bal ha'ucat te la asesen te Rahab, te la alow te dragón?

Isaías 59:21

Ha ini te chapbil-c'op cu'un ta stojolic, xchi te Jehová: Te espíritu cu'un te ay ta atojol, soc te c'opetic cu'un te la jca'bat ta awe, ma ba ya xch'ay ta awe soc ta ye te anich'nab o te amamatac, yo'tic soc ta spisil ora, xchi te Jehová.

Jeremías 22:24

¡Cuxulon, xchi te Jehová, aunque ha jch'ocow ta jwa'el-c'ab te Jeconías snich'an Joacim, ajwalil yu'un Judá, ya jloq'ues tey a!

Daniel 9:15

Yo'tic, Cajwaltic Dios, te la aloq'ues te pueblo awu'un ta sq'uinal Egipto ta scuenta yip ac'ab, soc te la awac' ta na'el abihil ha to c'alal ora yo'tic, la jta jmulcotic, la jpascotic te bin chopole.

Joel 2:11

Te Jehová ya yal mandar ta stojol te soldadohetic yu'un, c'ax muc' te campamento yu'unic, soc bayel yipic ya sch'uhunic spasel te smandare. Muc' soc xiweltic sba te sc'ahc'alel yu'un Jehová; ¿mach'a ya xcuhch yu'un?

Números 15:39

Ya xtuhun awu'unic te stsihtsimal, yu'un te c'alal yac awilic tey yac ana'ic a spisil te mandariletic yu'un Jehová; hich yac ach'uhunic spasel soc ma ba yac at'unic bahel te bin ya sc'an awo'tanic soc te bin ya yil te asit, te ha la yac' te yac awac' aba ta antsinel c'ohem.

San Mateo 23:5

Ya spas spisil ya'telic yu'un nax ya yac' sbahic ta ilel yu'un te ants-winiquetique. Ya smuc'ubtesic te yawil mandariletic soc ya snahtubtesic te smehyil paq'uique;

Romanos 10:8

Pero ¿bin ya yal? Hich ya yal: Nopol ay ta atojol te c'ope, ay ta awe soc ay ta awo'tan, xchi. Ha te c'op scuenta sch'uhunel-o'tanil ini te yacotcotic ta yalele:

Deuteronomio 30:14

Como mero nopol ta atojol te c'ope, ay ta awe soc ay ta awo'tan scuenta yu'un ya xhu' awu'un spasel.

Deuteronomio 5:15

Na'a me te ayat ta mosohil ta namey ta sq'uinal Egipto, te tey la sloq'uesat tal a te Jehová te Dios awu'un ta scuenta yu'el soc ta sc'ab shachoj. Ha scuentahil te Jehová te Dios awu'un la spasat ta mandar te yac acanantay te sc'ahc'alel cux-o'tan.

Deuteronomio 6:21

hich me xawalbe te anich'an: Ta nahil to ayotic ta mosohil yu'un faraón, pero te Jehová la sloq'uesotic tal ta Egipto ta scuenta yu'el sc'ab.

Deuteronomio 6:6

Ac'a ta awo'tan spisil te bintic la jcalbat awa'iy ta ora ini;

Deuteronomio 6:8

Ya me achuc ta ac'ab soc ta ati'ba scuenta seña;

Apocalipsis 18:8

Ha yu'un ta junax c'ahc'al ya me xc'oht ta stojol te swocole: ha te lajel, oq'uel, wi'nal, soc ya me yich' chiq'uel ta c'ahc'; como bayel yu'el te Cajwaltic Dios te ya yich'be sc'op, xchi sc'oblal.

Jueces 2:12

La yihquitayic te Jehová te Dios yu'un te sme'static te loq'uesotic tal yu'un ta sq'uinal Egipto, la st'unic bahel yantic diosetic yu'un te pueblohetic te ayic ta sjoyobalic; la squejan sbahic ta stojolic, hich la shachbeyic yilimba te Jehová.