Ester 9:5 - Bible in Tzeltal Bachajón

⁵ Te judiohetic la smilic ta espada spisil te scontrahic, jc'axel la slajinic soc hich la spasbeyic te scontrahic te bin ut'il la sc'an yo'tanic.

Bible in Tzeltal de Oxchuc y Tenejapa

⁵ Te judioetic la slajinic ta milel ta puñal spisil te scontroique. Jc'axel la slajinic spisilic, soc chican nax yo'tanic te bila la smulanic spasbeyel.

Ester 9:5 ပူးပေါင်းရင်းမြစ်များ

2 Tesalonicenses 1:6

Ha stojil ta stojol Dios te ya ya'be stoj ta wocol te mach'atic ya ya'beyex awocolic,

Jeremías 18:21

Ha yu'un ac'a ta wi'nal te yal-snich'nabic; ac'a hiluquic ta stojol te espada. Ac'a te mayuc yalatac te yihnamic soc te me'ba' ya xhilic, ac'a yich'ic milel te smamalalic, soc te queremetic yu'unic ac'a lajuquic ta espada ta guerra.

Ester 3:13

La yich' ticonel bahel cartahetic ta scuenta mach'atic ya yich'ic bahel cartahetic ta stojol te jujusehp q'uinal yu'un te ajwalil, te ya yal mandar te ya me yich' jinel, milel soc lajinel spisil te judiohetic, ta spisil ach'ix-queremetic soc me'el mamaletic, alaletic soc antsetic, soc te ya yich' pojbeyel te biluquetic yu'unic, ta junax c'ahc'al, ta yoxlajunebal (13) c'ahc'al ta slahchayebal (12) u, ha te u Adar.

Ester 9:6

Ta Susa te capital te judiohetic la smilic soc la slajinic ho'winic scha'bahc' (500) ta tuhl winiquetic.

Nehemías 9:24

Te yal-snich'anic och yu'untayic te q'uinal, la awa'be spehc'an sbahic ta stojolic te cananeohetic te nahinemic ta q'uinal, te la awac'ticlambe ta sc'abic soc te ajwaliletic yu'unic soc te pueblohetic ta q'uinal, yu'un ya spasbeyic te bin la sc'an yo'tanic.

Ester 8:11

Ta cartahetic la yal te ajwalil te ya xhu' ya stsob sbahic te judiohetic ta spisil pueblohetic ta scoltayel scuxlejalic; te ya sjinic, ya smilic soc jc'axel ya slajinic spisil mach'atic ay ya'tejibic yu'un guerra ta pueblo o jsehp q'uinal te ya xtal scontrahinic, soc ya smilic te alaletic soc antsetic yu'unic soc ya spojbeyic te biluquetic yu'unique.

Salmos 92:12

Te mach'a toj yo'tan hich me ya xnichinic te bin ut'il xahn, hich ya xmuc'ubic te bin ut'il cedro ta Líbano;