Ester 9:2 - Bible in Tzeltal Bachajón

² Te judiohetic la stsob sbahic ta pueblohetic ta spisil ta jsehp q'uinal yu'un te ajwalil Asuero, yu'un ya ya'beyic guerra te mach'atic chapalic ya xlanijotic yu'unic. Mayuc mach'a la scomic, como spisil te pueblohetic u'untayotic yu'un xiwel.

Bible in Tzeltal de Oxchuc y Tenejapa

² Ta spisil ta jpam q'uinaletic yu'un te muc' ajwalil Asuero, te judioetic la stsob sbaic ta lumetic te banti nainemique, yu'un ja' la yac'beyic guerra te mach'atic chapalic yu'un ya xmilotic yu'un sc'oplale. Pero ma'yuc mach'a ochintayotic yu'un, melel spisil te lumetique u'uninotic yu'un xiwel.

Ester 9:2 ပူးပေါင်းရင်းမြစ်များ

Génesis 35:5

C'alal hahchic ta behel, tal tulan xiwel yu'un Dios ta stojol te pueblohetic ta sjoyobalic, hich ma ba la snutsic te snich'nab Jacob.

Ester 8:11

Ta cartahetic la yal te ajwalil te ya xhu' ya stsob sbahic te judiohetic ta spisil pueblohetic ta scoltayel scuxlejalic; te ya sjinic, ya smilic soc jc'axel ya slajinic spisil mach'atic ay ya'tejibic yu'un guerra ta pueblo o jsehp q'uinal te ya xtal scontrahinic, soc ya smilic te alaletic soc antsetic yu'unic soc ya spojbeyic te biluquetic yu'unique.

Ester 8:17

Ta jujusehp q'uinal soc ta jujun pueblo te banti c'oht te smandar ajwalil, te judiohetic bayel yutsil q'uinal soc tse'el yo'tanic yu'un, ay q'uin soc ha yorahil spasel te bin mulantic sba yu'unic. Bayelic ta yantic pueblohetic ta q'uinal la scuy sbahic ta judiohil, como la xi'ic te judiohetique.

Ester 9:10

ha te lajuntuhl snich'nab Amán snich'an Hamedata, te scontra te judiohetique. Pero ma ba la yich'beyic te biluquetic yu'unique.

Salmos 71:13

Ac'a stahic q'uexlal soc ac'a yich'ic lajinel te mach'atic ya scontrahinic te jcuxlejal; ac'a stahic bayel q'uexlal soc howiyel te mach'atic yo'tanuc ya yilbonic jwocol.

Salmos 71:24

Sjunal c'ahc'al ya me yal te cac' te bin toj yac apas; como te mach'atic yo'tanuc ya yilbonic jwocol, la yich'ic q'uexlaltesel soc howijtesel.

Éxodo 23:27

Ya me jnahiltes bahel awu'un te xiwtesel cu'un soc ya cac' xhowiy sjolic spisil te nacionetic banti ya xc'ohat, soc ya cac' te ya xloq'uic ta ahnel ta atojol te acontrataque.

Isaías 8:9

Tsoba abahic pueblohetic, ya me awich'ic jinel; a'iya awa'iyic apisilic te ayex ta namal q'uinal: chuca ach'uhtic, ya me awich'ic lajinel; chahpana abahic, ya me awich'ic jinel.

Deuteronomio 2:30

Pero te Sehón, ajwalil yu'un Hesbón, ma ba la sc'an ya yac'otic c'axel ta sq'uinal, como te Jehová te Dios awu'unic la stulantesbe yo'tan scuenta yu'un ya ya'beyex ta ac'abic, hich te bin ut'il c'alal ora.

Josué 11:20

Como ha nix Jehová te la ya'be tulanijuc yo'tanic scuenta yu'un ya ya'beyic guerra te Israel, scuenta yu'un jc'axel ya yich'ic lajinel, ma ba na'bot yo'bolil sbahic, hich te bin ut'il pasot ta mandar yu'un Jehová te Moisés.

Josué 2:9

Ya jna' te Jehová la ya'beyex te q'uinal ini, como tal bayel xiwel ta jtojolcotic awu'unic, soc spisil te yajwal te q'uinal lajemiquix ya ya'iyic yu'un xiwel ta acuentahic.