Ester 8:8 - Bible in Tzeltal Bachajón

⁸ Ts'ihbayahic hiche ta stojol te judiohetic ta scuenta sbihil te ajwalil te bin lec yac awa'iyic, soc a'beyahic sellohin ta sch'ocow te ajwalil, xchi. (Como te mandaril te ts'ihbabil ta scuenta sbihil ajwalil soc te yich'oj sellohil ta sch'ocow te ajwalil, ma xhu' ta lajimbeyel sc'oblal.)

Bible in Tzeltal de Oxchuc y Tenejapa

⁸ Yo'tic, ya cac'beyex permiso swenta yu'un ya apasic cartaetic ta swenta jbiil jo'on. Ya xju' ya ats'ibuyic ta jun te bila ya amulanic te yutsil-slequil ya xc'ot ya awaiyic a te judioetique. Ac'beyaic sello te cartaetic, ja' xatuuntesic te sello cu'un te muc' ajwalilone —xi'. (Te jun carta yich'oj pasel ta swenta te muc' ajwalile, soc teme ja' nix yich'oj te sello yu'une, mero ma xju' ta lajinel sc'oplal.)

Ester 8:8 ပူးပေါင်းရင်းမြစ်များ

1 Reyes 21:8

Ha yu'un te Jezabel la spas cartahetic ta scuenta sbihil Acab, la ya'be te sello yu'un, la sticombe te mamaletic soc te príncipaletic te nahinemic ta pueblo yu'un Nabot.

Ester 1:19

Teme lec ya ya'iy te ajwalil, ac'a yal mandar scuenta ajwalil te ya yich' ts'ihbayel ta leyetic yu'un Persia soc Media scuenta yu'un ma ba ya yich' c'axuntayel a, te hich ya yal: Te Vasti ma me ayuquix bin ora ya xtal xan ta stojol te ajwalil Asuero, xchi. Te ajwalil ac'a yotses yan ajwalil-ants te c'ax lec xan a.

Ester 3:12

Ha yu'un ta yoxlajunebal (13) c'ahc'al ta shachel u la yich'ic iq'uel te secretariohetic yu'un te ajwalil, la yich' sts'ihbayel spisil te bintic la yal ta mandar te Amán, la sticonlambe ta stojol te gobernadoretic ta jujusehp q'uinal soc te príncipaletic yu'un jujun pueblo, ta jujusehp q'uinal chican bin yilel te sts'ihbajelic soc ta jujun pueblo ha chican te sc'opique. La yich' ts'ihbayel ta scuenta sbihil te ajwalil Asuero soc la yich' te sello yu'un sch'ocow.

Ester 8:10

La sts'ihbay ta scuenta sbihil te ajwalil Asuero, la ya'be yich' sellohil ta sch'ocow te ajwalil, la sticonlan bahel te cartahetic ta scuenta winiquetic te mohemic ta cawu te mero ya xbehenic, te ha nix cawuhetic yu'un te ajwalil.

Ester 8:5

hich la yal: Teme lec ya ya'iy te ajwalil, teme lecon ta sit soc teme stojil ya ya'iy te ajwalil soc teme lecon ta yo'tan, ac'a yich' ts'ihbayel mandaril te ya slajimbe sc'oblal te cartahetic te la schahpan te Amán snich'an Hamedata, sts'umbal Agag, te la sts'ihbay yu'un slajinel te judiohetic te ayic ta jujusehp q'uinal yu'un te ajwalil.

Daniel 6:8

Yo'tic, ajwalil, pasa ta mandar soc pasa firmar scuenta yu'un ma xhu' ya yich' yanijtesel, hich te bin ut'il ay te ley yu'un Media soc Persia, te ma xhu' ta lajimbeyel sc'oblal, xchihic.

2 Timoteo 2:19

Pero stalel ay te yich'o-ip yu'un Dios soc yich'oj te sellohil ini: Te Cajwaltic ya sna'be sba te mach'atic yu'une, xchi, soc: Ihquitayahic te bin chopol spisil mach'atic ya yich'ic ta muc' sbihil te Cristo, xchi.