Ester 8:3 - Bible in Tzeltal Bachajón

³ Ta patil te Ester la scha'c'opon xan te ajwalil, la spahcan sba ta ye'tal yoc, yac ta oq'uel soc ta yalbeyel wocol te yacuc slajimbe sc'oblal te bin chopol schapoj te Amán te sts'umbal Agag ta stojol te judiohetique.

Bible in Tzeltal de Oxchuc y Tenejapa

³ Ta patil te Ester la xcha'c'opon xan te muc' ajwalile, la spajc'an sba ta ye'tal yacan, soc yac ta oq'uel. La yalbey wocol te yacuc yal mandal te ya yich' jinel te sbol mandal Amán, soc te manchuc ya xc'ot ta pasel te bila chapal yu'un ta swenta slajinel te judioetique.

Ester 8:3 ပူးပေါင်းရင်းမြစ်များ

2 Reyes 4:27

C'alal c'oht te banti ay te winic yu'un Dios ta wits, la spetbe yoc. Nohpoj tal te Giezi, c'an sjits loq'uel, pero te winic yu'un Dios la yal: Ihquitaya, como ay ta wocol ta mel-o'tan. Te Jehová smucoj, ma ba ya'beyejon jna' bin scuentahil, xchi.

Ester 3:1

Ta patil ini, te ajwalil Asuero la stohytesbe ya'tel te Amán snich'an Hamedata, sts'umbal Agag, ha toyol xan c'oht yu'un spisil te príncipaletic te joquimbilic yu'une.

Ester 7:4

Como te ho'on soc te pueblo cu'un quich'ojcotiquix chonel scuenta lajinel ta jc'axel. Te ha'uc la jquich'cotic chonel scuenta mosohil, mayuc bin ya cal yu'un te hichuque; pero te lajel cu'uncotic ma xhu' ta suhtbeyel te bin ya xch'ay yu'un te ajwalil, xchi.

Ester 8:2

Te ajwalil la sloq'ues te sch'ocow te la yich'be hilel te Amán, la ya'be te Mardoqueo. Te Ester la ya'be scuentahin te bintic ay yu'un te Amán.

Ester 8:4

Te ajwalil la shach bahel ta stojol Ester te sbastón pasbil ta oro, hich hahch te Ester, la stehc'an sba ta stojol te ajwalil,

Isaías 38:2

Hich te Ezequías la sut bahel sit ta pahc', la sc'opon te Jehová, hich la yal:

Oseas 12:4

La stsac sba soc jtuhl ch'ul a'bat, soc la stsal; oc' soc la sc'an te ya xna'bot yo'bolil sba yu'une. Dios la sta ta Bet-el, tey c'opoj soc a;

Hebreos 5:7

Te c'alal ay ta bahlumilal ta scuxlejal a te Cristo, tulan awon soc oc' ta sc'oponel te Mach'a ya xhu' ya x'ac'to ta libre yu'un lajel, soc a'iybot sc'op ta scaj te peq'uel la yac' sba.

1 Samuel 25:24

La spahcan sba ta ye'tal yoc, hich la yal: Cajwal, ho'on ac'a c'ohtuc ta jcuenta te mulile. Awocoluc, ac'a sc'oponat te a'bat awu'un, a'iybeya awa'iy te sc'op te ya yalbate.