Ester 7:9 - Bible in Tzeltal Bachajón

⁹ Te Harbona, te eunuco te ya x'a'tej ta stojol te ajwalil, hich la yal: Ta sna te Amán ay chapalix ts'apbil te' yu'un jihpanel te ha lajuneb yoxwinic (50) xuhc'ubil stoyolil te Amán la schahpan yu'un Mardoqueo, te mach'a lec bin la yalbe sc'oblal te ajwalil, xchi. Jihpanahic tey a, xchi te ajwalil.

Ester 7:9 ပူးပေါင်းရင်းမြစ်များ

2 Reyes 9:32

La yil mohel te ventana, hich la yal: ¿Mach'a a te jun yo'tan ta jtojol? ¿Mach'a a? xchi. Cha'oxtuhl eunuco winiquetic la yilic cohel ta ventana.

Ester 1:10

Ta shuquebal c'ahc'al, te c'alal tse'el yo'tan a te ajwalil ta scaj te vino, la sticon bahel te Mehumán, Bizta, Harbona, Bigta, Abagta, Zetar soc te Carcas, huqueb eunuco-winiquetic te ayic ta a'batinel yu'un te ajwalil Asuero,

Ester 5:14

Te Zeres te yihnam soc spisil te yamigotac hich la yalbeyic: Ac'a yich' pasel ts'apbil te' te ha lajuneb yoxwinic (50) xuhc'ubil stoyolil, pajel yac ac'ambe te ajwalil te ya yich' jihpanel tey a te Mardoqueo. Hich me tse'el awo'tan ya x'ochat ta we'el soc a te ajwalil, xchihic. Lec la ya'iy te Amán, hich la yac' ta chahpanel.

Ester 6:14

Te c'alal yaquic ta c'op soc a, ora c'ohtic te eunucohetic yu'un te ajwalil yu'un ya yiq'uic bahel te Amán ta we'el te chahpambil yu'un te Ester.

Ester 6:2

Hich la stahic te banti ts'ihbabil te Mardoqueo la yac' chicnajuc te la schapbeyic sc'oblal ta milel te ajwalil Asuero te Bigtán soc Teres, te cha'tuhl eunucohetic te jcanan-ti'nahiletic yu'un te ajwalil.

Ester 8:7

Te ajwalil Asuero la sjac'be te ajwalil-ants Ester soc te Mardoqueo te judio-winic: Te ho'on la jca'beyix Ester te sna Amán, soc la sjihpanic te Amán ta ts'apbil te' yu'un jihpanel ta scaj te la shach sc'ab ta scontrahinel te judiohetique.

Ester 9:14

Te ajwalil la yal mandar te hich ya yich' pasele. La yich' halel ta mandar ta Susa, hich la sjihpambeyic sbaq'uetalic te lajuntuhl snich'nab Amán.

Ester 9:25

Pero c'alal c'oht ta stojol ajwalil te Ester, la yal mandar ta carta te ajwalil te ac'a suhtuc ta stojol Amán te bin chopol schapoj ta scontrahinel te judiohetic; soc ac'a yich' jihpanel ta te' soc te snich'nabe.

Salmos 141:10

Ac'a yahluquic ta syaquic te mach'atic chopolic, te c'alal ya xc'axon bahel te ho'one.

Salmos 35:8

¡Ch'ayaluc me yo'tanic a ac'a c'ohtuc ta stojolic te jinele, soc ha'uc nix ya xtsacot ta syaquic te snac'ojique! ¡Tey nix ac'a yahluquic a!

Salmos 73:19

¡Ora nax lajemic bahel, lajic bahel yu'un te xiwele!

Daniel 6:24

Patil te ajwalil la yal mandar ta iq'uel tal te winiquetic te la slehbeyic smul te Daniel, la yich'ic ch'ojel ochel ta sch'en chojetic soc yal-snich'nabic soc yihnamic. Ma to ba stahojic cohel a tsacotic yu'un te chojetic, la swuyticlambeyic spisil sbaquelic.

Daniel 6:7

Spisil te gobernadoretic yu'un te ban c'alal jcuentahinejtic, te j'il-a'teliletic, schebal ajwaliletic, príncipaletic soc capitanetic la schap sc'opic te ay bin ya yal ta mandar te ajwalil soc ya yac' te ya xc'oht ta pasel, ha te mach'ayuc a te ay bin ya sc'ambe jtuhl dios o jtuhl winic ta lajuneb scha'winic (30) c'ahc'al, te ma ba atuquel nax ya sc'ambat, ya yich' ch'ojel ochel ta sch'en chojetic.

1 Samuel 17:51

Ora baht ta ahnimal te David, la sjetuntay te filisteo, la stsacbe loq'uel te espada yu'un, jc'axel la slajin smilel soc la xot'be loq'uel sjol. Te c'alal la yilic te filisteohetic te lajix te jtsalaw-soldado yu'unic, loq'uic ta ahnel.