Ester 7:8 - Bible in Tzeltal Bachajón

⁸ Te c'alal suht tal te ajwalil ta ts'umbil nichimetic ta sna ajwalil soc och bahel ta stsahlul na banti yaquic ta we'el, te Amán nijilix a te banti metsel te Ester. Ha yu'un la yal te ajwalil: ¿Yu'un bal yac ac'an yac atsac te ajwalil-ants li' ta jna? xchi. Te c'alal hich la yal te ajwalil, la smucbeyic sit te Amán.

Bible in Tzeltal de Oxchuc y Tenejapa

^8-9 Te c'alal sujt' tel ta nichimaltic te muc' ajwalile, och bael ta yut na ta banti yacalic ta we'el swenta te q'uine, la yil te Amán, quejel ta stojol te Ester ta banti metsele. Jich la yal: —¡A! ¿Yu'un bal ya ac'an ya awuts'inbon ta jsit te antsil-ajwalil li' ta jna jiche? —xi'. Te bi ora jich la yal te muc' ajwalile, te jcananetic yu'un la smacbeyic sit te Amán. Te jtul yabat te ajwalil te Harbona sbiile, jich la yal: —Ta sna te Amán ay chapalix jun te', ay wan cheb xcha'winic (22) metro snajt'il, te ja' nix te Amán la yac' ta pasel yu'un ya yac' ta jijp'anel sc'oplal a te Mardoqueo, ja' te winic te mero lec bila la spas ta atojol te ja'at te muc' ajwalilate —xi'. —Jijp'anaic tey a jiche —xi' smandal te muc' ajwalile.

Ester 7:8 ပူးပေါင်းရင်းမြစ်များ

Ester 1:5

C'alal c'ax yorahil te q'uine, te ajwalil la spas yan q'uin huqueb c'ahc'al ta yamaq'uil te ts'umbil nichimaltic ta sna ajwalil; te q'uin ha yu'un spisil te pueblo, muc' biq'uit, te ayic ta Susa te capital.

Ester 1:6

Te amac' yich'oj ch'alel ta sac soc yaxal lino, jipajtic ta sacal lino soc chi'in-yaxal pac' te jipajtic ta xotbil plata te chucticlambil ta oyetic pasbilic ta mármol-ton. Te huctajibaletic pasbilic ta oro soc ta plata, te piso yich'oj limbeyel ta pórfido, mármol, alabastro, soc yantic t'ujbil tonetic.

Ester 6:12

Ta patil te Mardoqueo suht bahel ta yochibal sna te ajwalil, te Amán ora baht ta sna, yac ta mel-o'tan soc smacoj bahel sjol.

Ester 7:10

Hich la sjihpanic te Amán ta ts'apbil te' te ha nix la schahpan te ha yu'un sc'oblal te Mardoqueo. Hich lahmaj yilimba te ajwalil.

Job 9:24

Te q'uinal ya x'a'bot ta sc'abic te mach'atic chopolic, soc ha ya smacbe sit te juecetic yu'un. Teme ma ha'uc te Diose, ¿mach'a a?

Isaías 22:17

Ilawil, te Jehová namal ya sch'ojat bahel; ya me smacbat asit awelaw.

Isaías 49:23

Te ajwaliletic hich ya xc'ohtic te bin ut'il atatic, soc te ajwalil-antsetic yu'unic ha jcanan-alal ya xc'oht awu'unic. Ya me spahcan sbahic ta lum ta atojolic, soc ya me sleq'uic te stanul awoquic. Hich yac ana'ic a te ho'on Jehovahon; soc ma ba ya xq'uexawic te mach'atic smuc'ulinejon yo'tanic, xchi te Jehová.

Amós 3:12

Hich yaloj te Jehová: Hich te bin ut'il te jcanan-tuminchij ya spojbe loq'uel ta ye choj cheb yoc o sti'il schiquin, hich ya xcol te israeletic te nahinemic ta Samaria, te ya shuhcan sbahic ta sti'il swayib soc ta lequil huctajibal.

San Marcos 14:65

Ay hahch stuhbatayic te Jesús, soc la smacbeyic sit, la slowlowmajic ta sc'abic, hich la yalbeyic: Hala ca'iycotic, la yutic. Soc te jcananetic la smajbeyic yelaw.