Ester 7:3 - Bible in Tzeltal Bachajón

³ La sjac' te Ester: Ay ajwalil, teme lecon ta awo'tan soc teme lec ya ya'iy te ajwalil, ac'a cuxajucon, ha te bin ya jc'ambate; soc ac'a cuxajuc te pueblo cu'un, ha te bin ya sc'an te co'tane.

Bible in Tzeltal de Oxchuc y Tenejapa

³ La sjac' te Ester: —Te ja'at te muc' ajwalilate, teme lecon ta asit, teme c'uxon ta awo'tan, soc teme lec ya awaiybon te jc'ope, te bila mero ya sc'an co'tan ya jc'anbate, ja' te yacuc apasbon perdón soc te xcuxlejalic te jlumale, yu'un ja'at te muc' ajwalilate.

Ester 7:3 ပူးပေါင်းရင်းမြစ်များ

1 Reyes 20:31

Ha yu'un te a'batetic yu'un hich la yalbeyic: Ca'iybeyejtic sc'oblal te ajwaliletic yu'un Israel te ay sc'uxul yo'tanic. Ha yu'un ya me jchuctic ch'ixal pac' ta jch'uhtic soc lazo ta jnuc'tic, ya xbohotic ta stojol te ajwalil yu'un Israel, teme repente ya yac' xcuxajat, xchihic.

2 Reyes 1:13

Patil te ajwalil la scha'ticon xan ta yoxebal buelta yan capitán soc lajuneb yoxwinic (50) ta tuhl winiquetic. Pero te yoxebal capitán mo bahel, la squejan sba ta stojol te Elías, la yalbe wocol, hich la yal: Winicat yu'un Dios, ayuc me sc'oblal awu'un te jcuxlejal soc te scuxlejalic te lajuneb yoxwinic (50) ta tuhl a'batetic awu'une.

Ester 4:8

Soc la ya'be copia yu'un te mandaril te ac'bil ta Susa yu'un ya yich'ic lajinel, scuenta yu'un ya ya'be yil te Ester soc ya ya'be sna'. Soc la yalbe te yacuc xbaht ta stojol te ajwalil, te yacuc xc'opoj yu'un te slumale.

Ester 5:8

Teme lecon ta yo'tan te ajwalil, teme lec ya ya'iy te ajwalil te ya ya'bon te bin ya jc'ambe, ac'a taluc te ajwalil soc te Amán yan buelta ta we'el te ya jchahpambe; pajel ya calbe te ajwalile, xchi.

Ester 7:7

Hahch te ajwalil ta banti yaquic ta we'el, bayel ilinem a loc' bahel ta ts'umbil nichimetic ta sna ajwalil. Pero hil te Amán yu'un yalbeyel wocol yu'un scuxlejal ta stojol te ajwalil-ants Ester, como la yil te bin chopol ya xpasbot yu'un te ajwalil.

Ester 8:5

hich la yal: Teme lec ya ya'iy te ajwalil, teme lecon ta sit soc teme stojil ya ya'iy te ajwalil soc teme lecon ta yo'tan, ac'a yich' ts'ihbayel mandaril te ya slajimbe sc'oblal te cartahetic te la schahpan te Amán snich'an Hamedata, sts'umbal Agag, te la sts'ihbay yu'un slajinel te judiohetic te ayic ta jujusehp q'uinal yu'un te ajwalil.

Job 2:4

Te Satanás la yalbe te Jehová: ¡Nuhcul ta scuenta nuhcul! Spisil bintic ay yu'un te winic ya yac' yu'un te scuxlejale.

Jeremías 38:26

hich me xawalbe: La jcalbe wocol te ajwalil te ma ba ya sticonon xan bahel ta sna Jonatán scuenta yu'un ma xlajon tey a, ya me awut, xchi te Sedequías.