Ester 4:3 - Bible in Tzeltal Bachajón

³ Soc ta spisil ta jujusehp q'uinal te banti c'oht te mandaril yu'un te ajwalil ay bayel mel-o'tan ta stojol te judiohetic, la scom swe'elic, ay oq'uel soc xjuyetic ta oq'uel; bayel wayic ta stanul c'ahc' soc ta ch'ixal-pac'.

Bible in Tzeltal de Oxchuc y Tenejapa

³ Soc ta spisil ta juju-jpam q'uinal te banti c'ot sc'op soc te smandal te muc' ajwalile, bayal la smel yo'tanic te judioetique. La scom swe'elic, oq'uic, bic'tal-c'opojic, ay tsobolic la smejts'an sbaic ta stanul c'ajc' soc la slapic ch'ixal pac', jich la yaq'uic ta ilel te smel-o'tanique.

Ester 4:3 ပူးပေါင်းရင်းမြစ်များ

Ester 1:1

Ta yorahil te Asuero, ha te Asuero te la scuentahin c'alal India ha to ta Etiopía, huqueb shucwinic (127) ta sehp q'uinal,

Ester 3:12

Ha yu'un ta yoxlajunebal (13) c'ahc'al ta shachel u la yich'ic iq'uel te secretariohetic yu'un te ajwalil, la yich' sts'ihbayel spisil te bintic la yal ta mandar te Amán, la sticonlambe ta stojol te gobernadoretic ta jujusehp q'uinal soc te príncipaletic yu'un jujun pueblo, ta jujusehp q'uinal chican bin yilel te sts'ihbajelic soc ta jujun pueblo ha chican te sc'opique. La yich' ts'ihbayel ta scuenta sbihil te ajwalil Asuero soc la yich' te sello yu'un sch'ocow.

Ester 4:16

Bahan, tsoba spisil te judiohetic ayic ta Susa, coma awe'elic ta jcuenta. Ma me xwe' x'uch'ex oxeb c'ahc'al soc oxeb ahc'abal. Ha nix hichon soc te ach'ixetic cu'un ya jcom jwe'elcotic. Patil ya x'ochon bahel ta yilel te ajwalil, aunque ma hichuc ya yal te ley. Teme ya xlajon, lajucon, xchi.

Ester 4:2

C'oht c'alal ta yochibal sna te ajwalil, pero ma x'ac'ot ochel tey a te mach'a slapoj pac' yu'un mel-o'tan.

Ester 4:4

Te ach'ixetic soc te eunucohetic yu'un te Ester baht yalbeyic ya'iy, mero c'ux la ya'iy te ajwalil-ants. La sticombe sc'u' spac' yu'un yacuc slap te Mardoqueo soc yacuc schol loq'uel te pac' yu'un mel-o'tan; pero te Mardoqueo ma ba la sc'an la yich'.

Ester 9:31

yu'un ya yich' halbeyel te ya me xc'oht te sc'ahc'alel Purim ta hich ora, hich te bin ut'il yaloj ta mandar te judio Mardoqueo soc te ajwalil-ants Ester ta stojolic, soc hich te bin ut'il ha'ic nix la schahpanic soc te sts'umbalic scuenta sna'ojibal te bin ora quehchaj te scomel we'el soc te oq'uel yu'unique.

Job 2:8

Te Job hucul ta tan a, la stsac xeht'elul oxom yu'un ya sjot' sba a.

Isaías 22:12

Ha yu'un te Jehová te scuentahinej spisil, ta hich ora la yiq'uex yu'un ya x'oq'uex soc yac amel awo'tanic, yu'un yac aloq'uesic stsotsel ajolic soc yac alapic ch'ixal pac'.

Isaías 22:4

Ha yu'un hich la jcal: Ihquitayawon, ac'awon ta tulan oq'uel; ma me xamuc'ubtesbon q'uinal ca'iy yu'un te jihnem te pueblo cu'un, xchihon.

Isaías 58:5

¿Hich bal scomel we'elil te la jc'an, te ay jun c'ahc'al te ya spehc'an sba te winic, te ha nax ya snijan sba hich te bin ut'il jalal soc te ya xway ta ch'ixal-pac' soc ta tan? ¿Ha bal scomel we'elil sbihil awu'unic soc sc'ahc'alel te lec yo'tan yu'un te Jehová?

Ezequiel 27:30

Ya me yaq'uic ta a'iyel sc'op ta atojol, soc pich'il yo'tanic ya x'awonic; ya me yac' ts'u'lum ta sjolic, soc ya me sbal sbahic ta tan.

Daniel 9:3

La jsut jsit quelaw ta stojol Cajwaltic Dios, la jcalbe wocol soc la jcom jwe'el, la jlap ch'ixal-pac' soc la juhcan sba ta stanul c'ahc'.

Jonás 3:6

Te c'alal c'oht te c'op ta stojol te ajwalil yu'un Nínive, la stehc'an sba ta banti hucul, la schol loq'uel te sc'u', la slap pac' scuenta mel-o'tan soc la shuhcan sba ta tan.

San Mateo 13:42

ya yotseslanic ta horno yu'un c'ahc'; tey ya xc'oht yoq'uetay sbahic a soc tey ya xc'oht sc'uxuxan yehic a.

San Mateo 22:13

Ha yu'un te ajwalil la yalbe te a'batetic yu'une: Chucbeyahic yoc sc'ab, ch'ojahic bahel ta fuera ta yihc'al q'uinal, tey ya xc'oht yoq'uetay sba a soc tey ya xc'oht sc'uxuxan ye a, xchi.

San Mateo 25:30

Ch'ojahic loq'uel ta yihc'al q'uinal te a'bat te ma xtuhune; tey ya xc'oht yoq'uetay sba soc tey ya xc'oht sc'uxuxan ye a, xchi te yajwale.

Josué 7:6

Ha yu'un te Josué soc te mamaletic yu'un Israel la sch'i' sc'u'ic yu'un soc la spahcan sbahic ta lum ta stojol te scaxahul te chapbil-c'op yu'un Jehová yalel c'alal ta stibiltayel, soc la yaq'uic tan ta sjolic.

1 Samuel 11:4

Te c'alal c'ohtic ta Gabaa yu'un Saúl te jpuc-c'opetic soc te la yalbe ya'iyic mach'atic ayic ta pueblo, spisil te pueblo hahchic ta oq'uel yu'un.