Ester 4:1 - Bible in Tzeltal Bachajón

¹ Te c'alal la ya'iy te Mardoqueo te bin c'ohtix ta pasel, la sch'i' sc'u' yu'un, la slap pac' yu'un mel-o'tan soc la yac' stanul c'ahc' ta sjol, la sbehentay te pueblo, yac ta tulan aw.

Bible in Tzeltal de Oxchuc y Tenejapa

¹ Te c'alal la yaiy te Mardoqueo te bila c'otix ta pasel, la xch'i' sc'u' swenta seña mel-o'tan, la slap ch'ixal pac' soc la smojt'es tanul c'ajc' ta sjol. Jajch' sbeentay te lume, yac ta tulan aw soc xc'uxul mel-o'tan.

Ester 4:1 ပူးပေါင်းရင်းမြစ်များ

Génesis 27:34

C'alal la ya'iybe te sc'op stat te Esaú tulan awon scuenta muc'ul c'uxul mel-o'tan, hich la yal: A'bon bendición ec, jtat, xchi.

Génesis 37:34

Hich te Jacob la sch'i' sc'u', la slap ch'ixal pac', bayel c'ahc'al la yoq'uetay te snich'ane.

2 Samuel 1:11

Ha yu'un te David la stsac sc'u', la sch'i'; hich nix la spasic te winiquetic sjoquinejic.

2 Samuel 13:19

Te Tamar la yac' tan ta sjol, la sch'i' te snahtil-c'u' slapoj, la yac' sc'ab ta sjol, yac ta aw bahel.

Ester 4:2

C'oht c'alal ta yochibal sna te ajwalil, pero ma x'ac'ot ochel tey a te mach'a slapoj pac' yu'un mel-o'tan.

Ester 4:3

Soc ta spisil ta jujusehp q'uinal te banti c'oht te mandaril yu'un te ajwalil ay bayel mel-o'tan ta stojol te judiohetic, la scom swe'elic, ay oq'uel soc xjuyetic ta oq'uel; bayel wayic ta stanul c'ahc' soc ta ch'ixal-pac'.

Job 1:20

Ha yu'un te Job la stehc'an sba, la sch'i' snahtil-c'u', la sjoch stsotsel sjol yu'un, la squejan sba ta lum, la sch'uhuntay,

Job 2:8

Te Job hucul ta tan a, la stsac xeht'elul oxom yu'un ya sjot' sba a.

Job 42:6

Ha yu'un ya quihlay jba soc ya jsuhtes co'tan ta ts'u'lum soc ta tan, xchi te Job.

Isaías 15:4

Te Hesbón soc Eleale ya x'awonic, ya x'a'iybot sc'opic c'alal ta Jahaza. Ha yu'un te ya x'oq'uic te soldadohetic yu'un Moab, ya xnihc yo'tanic.

Isaías 22:4

Ha yu'un hich la jcal: Ihquitayawon, ac'awon ta tulan oq'uel; ma me xamuc'ubtesbon q'uinal ca'iy yu'un te jihnem te pueblo cu'un, xchihon.

Isaías 37:1

C'alal hich la ya'iy te ajwalil Ezequías, la sch'i' sc'u' yu'un, la slap ch'ixal-pac', baht ta templo yu'un Jehová.

Isaías 37:2

Soc la sticonlan bahel ta stojol te jalwanej Isaías snich'an Amoz te Eliaquim te jcanan yu'un te sna ajwalil, te Sebna te jts'ihbajel, soc te mamaletic yu'un te sacerdotehetic, spisil slapojic bahel ch'ixal-paq'uetic.

Isaías 58:5

¿Hich bal scomel we'elil te la jc'an, te ay jun c'ahc'al te ya spehc'an sba te winic, te ha nax ya snijan sba hich te bin ut'il jalal soc te ya xway ta ch'ixal-pac' soc ta tan? ¿Ha bal scomel we'elil sbihil awu'unic soc sc'ahc'alel te lec yo'tan yu'un te Jehová?

Ezequiel 21:11

Te espada ac'bil ta ch'ulel yu'un ya yich' tsaquel; huxbilix te espada soc ch'ulbilix yu'un ya yich' a'beyel ta sc'ab te jmilawe.

Ezequiel 21:6

Ha'at, snich'anat winic, ahcanajan soc sc'uxul wocol soc pich'il awo'tan ta stojolic.

Daniel 9:3

La jsut jsit quelaw ta stojol Cajwaltic Dios, la jcalbe wocol soc la jcom jwe'el, la jlap ch'ixal-pac' soc la juhcan sba ta stanul c'ahc'.

Miqueas 1:8

Ha yu'un te ya x'oc'on soc ya x'ahcanajon; mayuc jtep soc watalon a ya xbehenon; ya x'ahcanajon hich te bin ut'il ha'mal ts'i' soc ya x'awonon hich te bin ut'il avestruz-mutetic.

Sofonías 1:14

¡Nopolix te smuc'ul c'ahc'alel yu'un Jehová! ¡Nopolix yorahil! Ch'a ya xc'oht te aw ta sc'ahc'alel te Jehová, asta ya x'awon tey a te mach'a ay yip.

San Mateo 11:21

¡Ay me awocol, Corazín! ¡Ay me awocol, Betsaida! Te ha'uc la yich' pasel ta Tiro soc ta Sidón te jchahp a'teliletic te la yich' pasel ta atojolic, namey la suhtes yo'tanic, la slapiquix pac' yu'un mel-o'tan soc la shuhcanix sbahic ta tan te hichuque.

Hechos 14:14

C'alal la ya'iyic te jpuc-c'opetic Bernabé soc Pablo, la sch'i' sc'u'ic yu'un soc la sten ochel sbahic ta yohlil te ants-winiquetic, hich la yalbeyic ta aw:

Josué 7:6

Ha yu'un te Josué soc te mamaletic yu'un Israel la sch'i' sc'u'ic yu'un soc la spahcan sbahic ta lum ta stojol te scaxahul te chapbil-c'op yu'un Jehová yalel c'alal ta stibiltayel, soc la yaq'uic tan ta sjolic.

Apocalipsis 11:3

Ya calbe te cheb testigohetic cu'un te ya me xc'opojic ta sc'op-jalwanej oxbahc' soc oxwinic (1,260) c'ahc'al, slapojic pac' yu'un mel-o'tan a, xchi.