Ester 3:4 - Bible in Tzeltal Bachajón

⁴ Jujun c'ahc'al hich la yalbeyic, pero ma ba ich'otic ta cuenta. Ha yu'un baht yalbeyic ya'iy te Amán yu'un ya yilic teme ma ba ya sut sc'op te Mardoqueo, como halbotiquix yu'un te ha judio-winic.

Bible in Tzeltal de Oxchuc y Tenejapa

⁴ Ta spisil ora ta jujun c'aal jich ya sjojc'obeyic, pero ma'yuc sc'oplal ta yo'tan ya yaiy. Ja' yu'un ba yalbeyic yaiy te Amán, swenta yu'un ya me yilic teme ma ba ya sut sc'op te Mardoqueo, melel albotiquix yu'un a te judio-winic stuquele.

Ester 3:4 ပူးပေါင်းရင်းမြစ်များ

Génesis 39:10

Jujun c'ahc'al yac ta swulilanel te José; pero ma ba la sch'uhumbe sc'op te yacuc xway soc, o te ya sjoquin.

Esdras 1:3

Mach'ayuc a ta awohlilic te ha pueblohex yu'un, Dios ac'a joquinotuc yu'un, mohan bahel ta Jerusalén te ay ta Judá, pasa te sna Jehová te Dios yu'un Israel, ha te Dios te ay ta Jerusalén.

Ester 3:3

Te a'batetic yu'un te ajwalil te ayic ta ti'nahil la sjoc'obeyic te Mardoqueo: ¿Bin yu'un yac ac'axuntaybe smandar te ajwalil? xchihic.

Ester 3:5

Te c'alal la yil te Amán te ma ba ya squejan sba soc ma ba ya spehc'an sba ta stojol, mero ilin yu'un.

Daniel 3:12

Ay judio-winiquetic te la awa'be ya'telic ta jsehp q'uinal yu'un Babilonia, ha te Sadrac, Mesac soc Abed-nego; te winiquetic ini ma xyich'at ta cuenta, ajwalil, ma ba ya sch'uhuntayic te diosetic awu'un soc ma ba ya sch'uhuntayic te loc'omba pasbil ta oro te atehc'anej.

Daniel 6:13

Hich la sjac'beyic te ajwalil: Te Daniel, te jtuhl te ic'ot loq'uel tal ta chuquel ta Judá, ma ba ya yich'at ta cuenta, ajwalil, o te mandaril te la awac' afirma a, oxeb buelta jujun c'ahc'al ya sc'opon te Dios yu'une, xchihic.

Jonás 1:9

La sjac' te Jonás: Te ho'one hebreohon, quich'oj ta muc' te Jehová te Dios ta ch'ulchan, te la spas te mar soc te lumq'uinal, xchi.