Ester 2:9 - Bible in Tzeltal Bachajón

⁹ Te Hegai buen lec la yil te ach'ix soc lec c'oht ta stojol, ha yu'un ta ora nax la yac' ta a'beyel te bintic ya spoxtay sba a soc swe'el scuenta st'ujbilal. Soc la ya'be huctuhl tsahbil ach'ixetic yu'un te sna ajwalil, la yic' bahel soc ta banti lequil lugar ta sna te antsetique.

Bible in Tzeltal de Oxchuc y Tenejapa

⁹ Te ach'ix Ester, bayal yutsil ta o'tanil yu'un te Hegai, buen lec ta o'tanil yu'un. Ja' yu'un te Hegai la yac'bey ta ora nax te bitic ya xchajban st'ujbilal a, soc ja' la yac'bey swe'elin te bitic mero leque. La yac'bey yabatin juctul buen lequil criadaetic te ayic ta sna muc' ajwalile. La yic' bael soc ta banti ay mero t'ujbil cuartoetic yu'un te spalacio te antsetique.

Ester 2:9 ပူးပေါင်းရင်းမြစ်များ

Génesis 39:21

Pero joquimbil yu'un Jehová te José, la ya'be yil sc'uxul yo'tan soc la yac' te lec ilot yu'un te jcuentahinwanej yu'un te cárcel.

Génesis 39:4

Te José lec ilot yu'un te yajwal, ha mayordomo c'oht yu'un te sna, la ya'be ta sc'ab spisil bintic ay yu'un.

1 Reyes 8:50

Soc pasbeya perdón te pueblo awu'un te la sta smul ta atojol, soc spisil te sc'axun mandar te la stoy sbahic ta atojol, ac'a ta c'uxultayel yu'un te mach'atic ic'otic bahel ta chuquel yu'un;

Esdras 7:6

hahch loq'uel ta Babilonia. Te Esdras p'ijuben ta lec yu'un te ley yu'un Moisés te a'bot yu'un Jehová te Dios yu'un Israel; soc ha a'bot yu'un te ajwalil spisil te bintic la sc'an, como te sc'ab te Jehová te Dios yu'un ay ta stojol te Esdras.

Nehemías 2:8

soc carta yu'un Asaf, te jcanan-tohyem te'etic yu'un te ajwalil, scuenta yu'un ya ya'bon te' yu'un ya jpas xan te puertahetic yu'un te sts'ahcul te Templo, te sts'ahcul te pueblo soc te na banti ya xnahinon, xchihon. Te ajwalil la ya'bon te bin la jc'ambe, como ay ta jtojol te sc'ab te Dios cu'une.

Ester 2:12

Lahchayeb (12) u ya yich chahpanel te ach'ixetic: waqueb u ya x'a'botic aceite yu'un mirra soc waqueb xan u ya x'a'botic perfumehetic soc cremahetic te ya stuhunic antsetic. Patil jujuthl ya xtal ta stojol te ajwalil

Ester 2:3

Te ajwalil ac'a sle winiquetic ta jujusehp q'uinal te ban c'alal scuentahinej te ya yiq'uic tal spisil te t'ujbil ach'ixetic ta sna antsetic ta Susa, banti nahinem te ajwalil. Ac'a yich'ic cuentahinel yu'un Hegai te eunuco-winic yu'un te ajwalil te ya scanantay te antsetic, soc ac'a ya'be te bintic ya spoxtay sbahic a scuenta st'ujbilalic.

Ester 5:2

Te ajwalil, te c'alal la yil te ajwalil-ants Ester te ay ta amac', lec c'oht ta yo'tan, la shach ta stojol Ester te sbastón pasbil ta oro ay ta sc'ab. Ha yu'un te Ester nohpoj bahel, la spicbe sni'il te sbastón.

Salmos 106:46

Ha la yac' te ya xc'uxultayotic yu'un spisil mach'atic chucotic yu'un.

Proverbios 16:7

Te c'alal lec yo'tan Jehová yu'un te behetic yu'un te winic, ya yac' te ya xlahmaj yo'tanic te scontratac ta stojol.

Daniel 1:9

Te Dios la yac' te lec yo'tan ta stojol Daniel te jtsobaw yu'un te eunucohetic;

Hechos 7:10

la scoltay ta spisil swocol, la ya'be sp'ijil yo'tan soc la yac' te lec yo'tan yu'un te faraón ajwalil yu'un Egipto, te la yotses ta gobernadoril yu'un Egipto soc ta scuentahinel spisil sna.