Ester 10:3 - Bible in Tzeltal Bachajón

³ Te judio Mardoqueo, ha schebal c'oht yu'un te ajwalil Asuero, ha muc' sc'oblal ta yohlil te judiohetic, soc ich'bil ta cuenta yu'un bayel te yermanotac, como la slehbe yutsil te pueblo yu'un soc la yac' lahmajuc q'uinal ta stojol spisil te sts'umbal.

Bible in Tzeltal de Oxchuc y Tenejapa

³ Te Mardoqueo, te judio-winic, ja' sbabial ac'bil ta mandalteswanej yu'un te muc' ajwalile. Mero muc' c'ot sc'oplal ta stojolic te judioetique, mero c'ux ta o'tanil yu'un te slumale, ja' yu'un te la slebey yutsilal te slumale, la yac' puersa ta sleel yutsilal te sts'umbale.

Ester 10:3 ပူးပေါင်းရင်းမြစ်များ

Génesis 41:40

Ha'at me yac acuentahimbon te jna soc ya me awal mandar ta stojol te pueblo cu'une. Ha nax ta huctajibal cu'un te ho'on xanix toyolon awu'un.

Génesis 45:10

Ya xnahinat ta sq'uinal Gosén soc ta nopol banti ayon, ha'at soc anich'nab soc amamatac, te chambahlametic, wacaxetic soc spisil bintic ay awu'unic.

Génesis 45:11

Tey ya jmac'linex a, como ay ho'eb xan ha'bil wi'nal, scuenta yu'un ma ba pobre ya xc'ohat soc te mach'atic ay awu'un ta ana soc spisil bintic ay awu'un, xchihex me.

2 Crónicas 28:7

Ha nix hich te Zicri, te bayel yip ta winiquil ta Efraín, la smilticlan te Maasías snich'an te ajwalil, te Azricam te mayordomo yu'un, soc Elcana te nahil smohlol ta a'tel te ajwalile.

Nehemías 2:10

Pero c'alal hich la ya'iyic te Sanbalat te talem ta Horón soc te Tobías te a'bat te talem ta Amón, c'ax ma lecuc la ya'iyic te ay mach'a tal slehbe yutsil slequil te snich'nab Israel.

Ester 2:5

Ta Susa, banti nahinem te ajwalil, ay nahinem jtuhl judio-winic, Mardoqueo snich'an Jair, snich'an Simei, snich'an Cis, sts'umbal Benjamín,

Ester 3:2

Spisil te a'batetic yu'un te ajwalil te ayic ta ti'nahil yu'un te sna ajwalil ya squejan sbahic soc ya snijan sbahic ta stojol Amán, como hich yaloj ta mandar te ajwalil. Pero te Mardoqueo ma ba la squejan sba soc ma ba la spehc'an sba ta stojol.

Daniel 5:16

Pero ca'iyej te ya xhu' awu'un yalbeyel sc'oblal soc schahpanel bintic chuhcul ta chahpanel. Teme ya xhu' yac awil te bin ts'ihbabil li'i soc te yac awalbon te sc'oblale, ya x'a'botat alap chi'in-yaxal c'u'ul, ya x'a'botat awuhan cadena pasbil ta oro, soc ha yoxebal ajwalil ya xc'ohat ta ban c'alal jcuentahinej, xchi.

Daniel 5:29

Hich te Belsasar la yal mandar te ya x'a'bot slap chi'in-yaxal c'u'ul te Daniel, te ya x'a'bot yuhan cadena pasbil ta oro soc te ya yich' puhquel ta halel te ha yoxtuhlul ajwalil ya xc'oht te ban c'alal scuentahinej te ajwalile.

Daniel 6:3

Te Daniel lec xan ya'tel te bin ut'il te schebal ajwaliletic soc te gobernadoretic como yich'oj espíritu te c'ax lec xan a, hich te ajwalil la snop te ya ya'be scuentahin spisil ban c'alal scuentahinej.

Romanos 10:1

Quermanotac, te bin ya sc'an co'tan soc te yacon ta sc'oponel Dios yu'un, ha te yacuc xcol te Israel.

Romanos 14:18

como te mach'a hich ya yac' sba ta a'batinel yu'un Cristo, lec yo'tan Dios yu'un soc lec sc'oblal yu'un ants-winiquetic.

1 Samuel 18:16

Pero ta spisil Israel soc Judá c'ux ya ya'iyic ta yo'tanic te David, como ha ya x'ic'otic bahel ta guerra soc ya x'ic'otic suhtel tal yu'un.

1 Samuel 23:17

hich la yalbe: Ma xiwat, ma ba ya stahat te jtat Saúl. Ha'at me ya x'ochat ta ajwalil yu'un Israel, yan te ho'one patil ya xc'ohon awu'un. Hich nix sna'ojix te jtat Saúl, xchi.