Ester 1:4 - Bible in Tzeltal Bachajón

⁴ scuenta yu'un ta balunwinic (180) c'ahc'al ya ya'be yilic te c'ax bayel sc'ulejal ban c'alal scuentahinej, soc te yutsil soc smuc'ul yip ta ajwalil.

Bible in Tzeltal de Oxchuc y Tenejapa

⁴ swenta yu'un ya yac'bey yilic te sc'ulejale, te smuc'ul yat'el ta muc' ajwalile, te jchajp yilel yutsilal soc te yip yat'el ta muc' ajwalile. Jalaj olil ja'wil te q'uine.

Ester 1:4 ပူးပေါင်းရင်းမြစ်များ

1 Crónicas 29:25

Te Jehová la smuc'ubtesbe sc'oblal te Salomón ta stojol spisil Israel, soc c'ax hich la ya'be yutsilal a te ya'tel ta ajwalil te bin ut'il te yantic ajwaliletic ta nahil ta Israel.

Ester 1:3

Ta yoxebal ha'bil yochel ta ajwalil a la spasbe q'uin spisil te príncipaletic yu'un soc te mach'atic ay ya'telic; soc tey nix ay a te jtsobaw-soldadohetic yu'un Persia soc Media, te gobernadoretic soc príncipaletic yu'un jujusehp q'uinal,

Ester 1:5

C'alal c'ax yorahil te q'uine, te ajwalil la spas yan q'uin huqueb c'ahc'al ta yamaq'uil te ts'umbil nichimaltic ta sna ajwalil; te q'uin ha yu'un spisil te pueblo, muc' biq'uit, te ayic ta Susa te capital.

Job 40:10

Ch'ala aba ta smuc'ul awu'el soc awutsilal, c'u'ina te ich'el ta muc' soc at'ujbilal.

Salmos 145:5

Ya me jna'ulan te t'ujbil yutsilal te smuc'ul awutsilal soc te yutsil awa'tele.

Salmos 21:5

Mero muc' yutsilal yu'un te tsalaw awu'un; la awa'be yich'el ta muc' soc smuc'ul yutsilal.

Salmos 45:3

Chuca ta ach'uht te espada awu'un, ha'at te ma xiwat, chuca aba soc awutsil soc muc' awutsilal.

Salmos 93:1

¡Ha ajwalil te Jehová! ¡Sc'u'inej yutsilal! ¡Te Jehová sc'u'inej yu'el! Yich'oj yip te bahlumilal, ma xhu' ta loq'uesel bahel.

Isaías 39:2

Te Ezequías tse'el yo'tan yu'un, la ya'be yilic te snahul sc'ulejal, te plata, oro, bintic sumet yic', lequil aceite, spisil te snahul a'tejibaletic yu'un guerra soc spisil te bintic q'uejbil yu'une. Mayuc bin ma ba la ya'be yilic ta sna soc ta spisil ban c'alal scuentahinej.

Ezequiel 28:5

Ta scuenta bayel sp'ijil awo'tan ta chombajel p'ohlix awu'un te ac'ulejal, soc ta scaj ac'ulejal la atoy aba yu'un.

Daniel 4:30

hich la yal: ¿Ma bal ha'uc ini te muc'ul Babilonia te la jpas ta scuenta bayel quip banti ya xnahin ajwalil, soc scuenta yich'el ta muc' te cutsilale? xchi.

Daniel 4:36

Ha nix yorahil a te la jna' xan q'uinal, te suht ta jtojol te smuc'ul yutsil te bin ut'il ajwalilon, te quich'el ta muc' soc smuc'ul jc'oblal. Tal slehonic te gobernadorehetic soc te j'ac'-o'taniletic cu'un; cha'ochon xan ta ajwalil soc c'ax hich to xan muc'ub ca'tel a te bin ut'il ta nahil to.

Daniel 5:18

Ajwalil, te Dios te mero toyol ay la ya'be ya'tel ta ajwalil te atat Nabucodonosor, la ya'be te smuc'ul c'oblal, yutsil sc'oblal soc smuc'ul yutsilal.

San Mateo 4:8

Yan buelta cha'ic'ot xan bahel yu'un te pucuj ta toyol wits, la ya'be yil spisil ta chahp nacionetic ayic ta bahlumilal soc te yutsilalic,

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

Romanos 9:23

¿Ha xan teme hich la spas scuenta yu'un ya yac' ta na'el te sc'uhlejal te yutsilal ta stojol te vasohetic c'uxultaybilic yu'un, te schapojix te ya yich'ic yutsilalic,

Efesios 1:18

Ya jc'ambe Dios te yacuc sjambeyex awo'tanic scuenta yu'un yac ana'ic bin a te yac amahlibelic te ha ic'bilex yu'une, soc yu'un yac ana'ic bin ut'il ay te yutsil sc'uhlejal te bin ya yich' hilel te Dios, ha te mach'atic ch'uhltesbilic,

Colosenses 1:27

Dios la sc'an ya ya'be sna'ic te yutsil sc'uhlejal te bin mayuc ta na'el ini te lec ta a'iyel ta yohlil te jyanlumetic, ha te ay ta awo'tanic te Cristo, te ha ta scuenta te ya me xchicnaj utsilal.

Apocalipsis 4:11

Cajwaltic Dios, hich ya sc'an te yac awich' awutsilal, ich'el ta muc', soc awu'el, como ha'at la apas spisil bintic ay, soc ta scuenta sc'anojel awo'tan cuxajtic soc la yich'ticlan pasel, xchihic.