Ester 1:3 - Bible in Tzeltal Bachajón

³ Ta yoxebal ha'bil yochel ta ajwalil a la spasbe q'uin spisil te príncipaletic yu'un soc te mach'atic ay ya'telic; soc tey nix ay a te jtsobaw-soldadohetic yu'un Persia soc Media, te gobernadoretic soc príncipaletic yu'un jujusehp q'uinal,

Bible in Tzeltal de Oxchuc y Tenejapa

³ Ta yoxebal ja'wil yich'bel yat'el ta muc' ajwalil a te Asuero, la spasbey sq'uin swenta yich'jibalic ta muc' ta spisilic te mach'atic ay yat'elic te ya xcoltayot ta at'el yu'une, te capitanetic yu'un soldado-persiaetic soc mediaetic, te ajwaliletic, soc jwentainwanejetic ta juju-jpam q'uinal,

Ester 1:3 ပူးပေါင်းရင်းမြစ်များ

Génesis 40:20

Ta yoxebal c'ahc'al c'oht sc'ahc'alel te loc' ya'bilal te faraón, la spas q'uin yu'un spisil te a'batetic yu'une. La ya'be stehc'anlan sbahic te jcuentahinwanej yu'un te sc'asesej-copa soc jcuentahinwanej yu'un te jpas-panetic ta stojol te a'batetic yu'une.

1 Reyes 3:15

C'alal cux yo'tan te Salomón, la sna' te yac ta wayich. Patil baht ta Jerusalén, la stehc'an sba ta stojol te scaxahul te chapbil-c'op yu'un Jehová soc la yac' scohtol chic'bil mahtaniletic soc mahtaniletic scuenta lamal q'uinal. Soc la spasbe bayel we'elil spisil te a'batetic yu'une.

Esdras 1:2

Hich ya yal te Ciro ajwalil yu'un Persia: Te Jehová te Dios ta ch'ulchan, ya'beyejon ta jcuenta spisil ta ban c'alal smacoj te ajwaliletic ta bahlumilal; soc ha la yalbon mandar te ya jpasbe sna ta Jerusalén te ay ta sq'uinal Judá.

Ester 1:14

Te mach'atic te mero nopol soc te ajwalil, ha te Carsena, Setar, Admata, Tarsis, Meres, Marsena soc Memucán, huqueb príncipaletic yu'un Persia soc yu'un Media, ha'ic te j'ac'-o'taniletic yu'un te ajwalil soc ha toyol ya'telic ta stojol te nación.

Ester 1:4

scuenta yu'un ta balunwinic (180) c'ahc'al ya ya'be yilic te c'ax bayel sc'ulejal ban c'alal scuentahinej, soc te yutsil soc smuc'ul yip ta ajwalil.

Ester 2:18

Te ajwalil la spasbe muc'ul q'uin yu'un Ester spisil te príncipaletic soc a'batetic yu'une. Soc la spehc'an te pataniletic ta jujusehp q'uinal soc la spucticlan bayel mahtaniletic, ha chican bin yilel yutsil o'tanil yu'un te ajwalil.

Ester 3:7

Ta shachel u, ha te u Nisán, ta slahchayebal (12) ha'bil yochel ta ajwalil a te Asuero, la stuhunic te pur, ha te seña ta na'el, ta stojol te Amán scuenta sna'el bin c'ahc'alil soc bin uhil te hich ya xc'oht ta pasel. Ha c'oht ta slahchayebal (12) u, ha te u Adar.

Isaías 21:2

La ya'bon quil tulan nahalsit: Te j'ac'aw ta c'abal ya x'ac'awan ta c'abal, te jlajinwanej ya xlajinwan. ¡Mohan, Elam! ¡Joytaya, Media! Ya cac' lahmajuc spisil ahcan.

Jeremías 51:11

¡Huxbeyahic sni'il te ya'tejibalul t'ihmalte'! ¡Ich'ahic te mahquilaletic yu'un guerra! Te Jehová la stijbeyix yo'tanic te ajwaliletic yu'un Media, como snopoj te ya sjin te Babilonia. Ha'ix te spacol yu'un Jehová ha te spacol yu'un te templo yu'une.

Daniel 5:1

Te ajwalil Belsasar la spas muc'ul q'uin yu'un lajunwinic yoxbahc' (1,000) ta tuhl príncipaletic yu'un, soc la yuch' vino ta stojolic.

Daniel 5:28

PARSIN: te ban c'alal acuentahinej jatem soc ya x'a'bot ta scuenta te medohetic soc persahetic, xchi.

Daniel 6:1

Lec la ya'iy te Darío te ya ya'be ya'telic wacwinic (120) ta tuhl schebal ajwaliletic yu'un ya scuentahinic ta spisil ban c'alal scuentahinej te ajwalile.

Daniel 8:20

Te tat tuminchij te ay cheb xulub te la awile, ha te ajwaliletic yu'un Media soc Persia.

San Marcos 6:21

Buen ora c'oht sc'ahc'alel te c'alal Herodes, ta yorahil q'uin yu'un loc' ya'bilal, la stsob tal ta we'el principaletic, comandantehetic soc mach'atic ay ya'telic ta Galilea.