Ester 1:12 - Bible in Tzeltal Bachajón

¹² Pero te ajwalil-ants Vasti ma ba la sc'an la sch'uhumbe smandar te ajwalil te la yich' halbeyel yu'un te eunucohetique. Bayel ilin yu'un te ajwalil, c'ax c'ahc'ub yu'un.

Bible in Tzeltal de Oxchuc y Tenejapa

¹² Pero te yiname, ma ba la sc'an xch'uunbey smandal te muc' ajwalil c'ot ta alel yu'un te winiquetique. Te muc' ajwalil bayal ilin yo'tan yu'un, mero bayal slab yo'tan yu'un.

Ester 1:12 ပူးပေါင်းရင်းမြစ်များ

Génesis 3:16

Hich la yalbe te antse: Ya cac' tohyuc awocol ta alajel; ay awocol ya x'alajat. Ya xc'oht ta stojol amamalal te sc'anojel awo'tan, soc ha ya scuentahinat, xchi sc'oblal.

Ester 1:11

yu'un ya yiq'uic talel ta stojol te ajwalil te ajwalil-ants Vasti soc te corona yu'un, scuenta yu'un ya yac' ta ilel st'ujbilal ta stojol te ants-winiquetic soc te príncipaletic, como mero t'ujbil.

Ester 1:13

La sjoc'obe te mach'atic ya sna'ic ta lec te leyetic, como hich c'ahyem ta spasel te ajwalil te ya sjoc'obe spisil te mach'atic ya sna'ic te leyetic soc te bin stojil ta pasel.

Ester 7:7

Hahch te ajwalil ta banti yaquic ta we'el, bayel ilinem a loc' bahel ta ts'umbil nichimetic ta sna ajwalil. Pero hil te Amán yu'un yalbeyel wocol yu'un scuxlejal ta stojol te ajwalil-ants Ester, como la yil te bin chopol ya xpasbot yu'un te ajwalil.

Salmos 74:1

Dios cu'un, ¿bin yu'un te jc'axel apihtesejotcotic? ¿bin yu'un te tihlem sc'ahc'al awo'tan ta stojol te tuminchijetic awu'un ta aq'uinal?

Salmos 79:5

¿Bin to ora, Jehová? ¿Ya bal x'ilinat spisil ora? ¿Hich bal ya xtihl te xut'et awo'tan te bin ut'il c'ahc'?

Éxodo 32:19

Te c'alal c'oht ta campamento te Moisés soc la yil te jcolel toro soc te ahc'ot, mero ilin yu'un, la sch'oj cohel te cha'pehch ton ay ta sc'ab, la swuy ta ye'tal wits.

Éxodo 32:22

La sjac' te Aarón: Ma x'ilinat, cajwal. Yac ana'be sba te pueblo te hich yo'tanic te ya spasic te bin chopol.

Proverbios 19:12

Te yilimba te ajwalil hich ay te bin ut'il yaw choj, yan te yutsil yo'tan, hich ay te bin ut'il ts'ujul ta aquiltic.

Proverbios 20:2

Te sc'ahc'al yo'tan te ajwalil hich c'ohem te bin ut'il yaw choj; te mach'a ya shachbe yilimba, ha nix ya yuts'in sba.

Daniel 2:12

Ha yu'un te ajwalil soc sc'ahc'al yo'tan soc yilimba la yal mandar te ya yich'ic milel spisil te mach'atic ay sp'ijilic ta Babilonia.

Daniel 3:13

Ha yu'un te Nabucodonosor soc yilimba soc sc'ahc'al yo'tan la yal te ya x'ic'bot tal te Sadrac, Mesac soc Abed-nego. Ha yu'un ic'otic tal ta stojol ta ora.

Daniel 3:19

Hich te Nabucodonosor bayel ilin, yanij sit yelaw ta stojol te Sadrac, Mesac soc Abed-nego, la yal mandar te ya yich' xan q'uixnayel huqueb buelta te sc'ahc'al te horno te c'ahyemic ta spasele.

Nahúm 1:6

¿Mach'a ya xcuhch yu'un te yilimba? ¿Mach'a ya xhu' ya stehc'an sba ta stojol te sc'ahc'al yilimbahe? Te yilimba hich ya xmahl cohel te bin ut'il c'ahc', soc ya xwuy te tontiquil ta stojol.

Efesios 5:22

Te nuhpunem antsetic ac'a yac' sbahic ta cuentahinel yu'un te smamalalic, hich te bin ut'il ta stojol te Cajtwaltique,

Efesios 5:24

Hich te bin ut'il te iglesia ay ta cuentahinel yu'un te Cristo, ha nix hich te nuhpunem antsetic ya yac' sbahic ta cuentahinel yu'un smamalalic ta spisil.

Deuteronomio 29:20

Te Jehová ma ba ya spasbe perdón, ya me xtihl yilimba Jehová soc xut'et yo'tan ta stojol, ya xc'oht ta stojol spisil te bintic chopol halbilix sc'oblal ta hun ini, soc te Jehová ya me stup'be sbihil ta ye'tal ch'ulchan.

1 Pedro 3:1

Ha nix hichex, antsetic, ac'a abahic ta cuentahinel yu'un te amamalalic, scuenta yu'un teme ay ma ba ya sch'uhunic te sc'op Dios, ya me sch'uhunic, ma ha'uc ta scuenta ac'opic, ha ta scuenta te bin yac apasic,