Esdras 9:2 - Bible in Tzeltal Bachajón

² Como yic'beyejic yihnaminic te yantsil-nich'nabic soc hich nix la spasic te snich'nabique. Hich la scap sbahic te ch'ultesbil ts'umbalil soc te ants-winiquetic ta q'uinal. Te mach'atic nahil la spasic te mulil ini, ha'ic te príncipaletic soc te gobernadoretic, xchihic.

Bible in Tzeltal de Oxchuc y Tenejapa

² Ja'ic soc snich'nabic te nujbinic soc te yantsil-nich'anic te winiquetic in to. Ja' yu'un te lum yu'un te Diose la scap sba soc te jyanlum-ants-winiquetique. Te mach'atic sbabial la spasic te mulil in to, ja'ic te mach'atic jwolwanejetic soc te mach'atic ay yat'elique —xi'.

Esdras 9:2 ပူးပေါင်းရင်းမြစ်များ

Génesis 6:2

te yal-snich'nab Dios la yilic te buen t'ujbilic te yantsil-nich'nab ants-winiquetic, hich la yic' yihnaminic te banti la smulanique.

1 Reyes 11:1

Te ajwalil Salomón ma ha'uc nax c'ux ta yo'tan te yantsil-nich'an faraón, c'ux la ya'iy ta yo'tan bayel jyanlum antsetic te talemic ta Moab, Amón, Edom, Sidón, soc hetea-antsetic;

Esdras 10:2

Ha yu'un te Secanías snich'an Jehiel, te ha sts'umbal Elam, hich la yalbe te Esdras: Te ho'otcotic ma junuc co'tancotic ta stojol te Dios cu'untic, la jquic' quihnamincotic jyanlum-antsetic. Aunque hich ay, ay to bin ya xhu' ta pasel ta stojol Israel.

Esdras 9:12

Ha yu'un ma me xawa'beyic te awantsil-nich'nabic te squerem-nich'nabic soc ma me xawa'beyic yic' te yantsil-nich'nabic te aquerem-nich'nabic, soc ma me xalehbe lamal q'uinal ta stojolic soc te bin lec ya xc'ohtic yu'une; scuenta yu'un tulan ya xc'ohex soc yu'un yac awe'ic te sit te c'ax lec ya yac' te q'uinal soc yac awa'be yich'ic hilel sbahtel q'uinal te ats'umbalique.

Esdras 9:14

¿Ya to bal jcha'c'axuntaybatcotic te mandariletic awu'un, soc ya bal quic' jbahcotic soc te yantic pueblohetic te ya spasic te bintic ilobtic sbahe? ¿Ma bal hichuc ya x'ilinat ta jtojolcotic te yac alajinotcotic ta c'axel, te mayuc mach'a cuxul ya xhil?

Nehemías 13:17

Ha yu'un la jtijticlan ta c'op te mach'atic ich'bilic ta muc', hich la jcalbeyic: ¿Bin a te chopol yaquex ta spasel te yac abohlobtesbeyic sc'oblal te sc'ahc'alel cux-o'tan?

Nehemías 13:28

Ay jtuhl snich'nab Joiada, snich'an te muc'ul sacerdote Eliasib, la jten loq'uel ta jtojol yu'un ha snihal te Sanbalat te horon-winic.

Éxodo 19:6

Soc ha'ex pueblo yu'un sacerdotehetic soc ch'ul nación ya xc'ohex cu'un. Ha me te c'op ini te yac awalbe te snich'nab Israel, xchi.

Éxodo 22:31

Ch'ultesbil winiquetic cu'un ya xc'ohex. Ha yu'un ma me xati'ic chambahlam te laj ta ti'el yu'un ti'awal chambahlametic; ya me ach'ojbe bahel sti' te ts'i'etique.

Éxodo 34:16

o yac awa'be yic' yihnamin te aquerem-nich'nab te yantsil-nich'nabic, soc te c'alal te yantsil-nich'nabic ya yac' sbahic ta antsinel c'ohem yu'un te diosetic yu'unic, ya me yaq'uic te ha nix ya yantsin sbahic c'ohem te aquerem-nich'anic soc te diosetic yu'unique.

Isaías 6:13

Teme ay ya xhil jun ta slajunebal, ya me yich'ic jinel; pero hich te bin ut'il te jihte' soc te sac-jihte' ya xhil schumante'el c'alal ya yich' ts'etel, ha nix hich schumante'el ya xc'oht te ch'ultesbil ts'umbalil, xchi.

Levítico 21:15

scuenta yu'un ma ba ya xbohlob sc'oblal a te sts'umbal ta yohlil te slumale, como ho'on, Jehovahon, te ya jch'ultes, xchi.

Malaquías 2:11

Judá ma junuc yo'tan ta stojol Dios, la spas te bin ilobtic sba ta Israel soc ta Jerusalén, como te Judá la sbohlobtesbe sc'oblal te ch'ul awilal yu'un Jehová te c'ux ta yo'tan, te bin ut'il nuhpun soc yantsil-nich'an jun dios yu'un jyanlumetic.

Malaquías 2:15

¿Ma bal junuc nax pasbil yu'un Dios, te ha sbaq'uetal soc sch'uhlel? ¿Soc bin ya sle? Ha ya sle ts'umbalil te jun yo'tanic ta stojol Dios. Canantaya awo'tanic, ma me xch'ay te jun awo'tan ta stojol awihnam te la ata c'alal queremat to ahe.

1 Corintios 7:14

como te smamalal te ma ba sch'uhunej Dios ch'ultesbil ya xc'oht ta scuenta te yihname, soc ha nix hich te ants te ma ba sch'uhunej Dios, ch'ultesbil ya xc'oht ta scuenta te smamalal. Te manchuque, bohloben sc'oblal te awal-anich'nabic, pero yo'tic ch'uhltesbilic.

2 Corintios 6:14

Ma me junuc yugo awu'unic soc te mach'a ma ba sch'uhunejic Dios, como ¿bin ut'il jun ya xc'oht soc te bin stojil te bin ma stojiluc? Soc ¿bin ut'il jun ya xc'oht te sacal q'uinal soc te yihc'al q'uinale?

Deuteronomio 14:2

Como te ha'ate ch'ul pueblohat yu'un te Jehová te Dios awu'un, soc te Jehová la stsahat loq'uel ta yohlil spisil te pueblohetic ta q'uinal scuenta yu'un ha'at nax atuquel pueblohat yu'un ya xc'ohat.

Deuteronomio 7:6

Como te ha'ate, ch'ul pueblohat yu'un Jehová te Dios awu'une. Ha la stsahat ta yohlil spisil te pueblohetic ta swohlol bahlumilal scuenta yu'un mero pueblohat yu'un ya xc'ohat.

Josué 22:15

C'alal c'ohtic ta banti ay te sts'umbal Rubén, Gad soc te j'ohlil sts'umbal Manasés ta sq'uinal Galaad, hich la yalbeyic:

Josué 23:12

Como teme ya suhtex bahel ta apatic, teme jun ya xc'ohex soc te nacionetic te hilemic ta awohlilic, teme ya xnuhpunex soc, teme yac acap abahic soque,