Esdras 7:6 - Bible in Tzeltal Bachajón

⁶ hahch loq'uel ta Babilonia. Te Esdras p'ijuben ta lec yu'un te ley yu'un Moisés te a'bot yu'un Jehová te Dios yu'un Israel; soc ha a'bot yu'un te ajwalil spisil te bintic la sc'an, como te sc'ab te Jehová te Dios yu'un ay ta stojol te Esdras.

Bible in Tzeltal de Oxchuc y Tenejapa

⁶ Te Esdras, ja' maestro te sna'oj ta lec te mandalil yu'un te Cajwaltic, te Dios yu'un Israel, te ac'bot ta swenta yu'un te Moisese. Te Esdras coltaybil yu'un te Cajwaltique, jich ac'bot yu'un spisil te bitic la sc'anbey te muc' ajwalil Artajerjes. Jich loc' jajch'el ta Babilonia,

Esdras 7:6 ပူးပေါင်းရင်းမြစ်များ

Génesis 32:28

La yal te winic: Ma ba Jacob ya xhil abihil, Israel ya xc'ohtix, yu'un la atsac aba soc Dios soc winiquetic, la awa'iy tsalaw, xchi.

Esdras 5:5

Pero Dios yac yilbel te mamaletic yu'un Judá, hich ma ba hu' yu'unic scomel te a'tel ha to c'alal ya x'a'bot sna' te Darío soc te ya sticon tal te suhtibe.

Esdras 6:22

Huqueb c'ahc'al mero tse'el yo'tanic la spasic te Q'uin yu'un Pan te ma ba yich'oj levadura, como te Jehová la yac'ticlambe tse'el yo'tanic, soc la ya'beyix lecub yo'tan ta stojol te ajwalil yu'un Asiria yu'un ya scoltay ta a'tel ta scha'pasel te sna Dios, ha te Dios yu'un Israel.

Esdras 7:21

Ho'on, Artajerjeson ajwalilon, ya calbe mandar spisil te tesorerohetic te ay ta jehch muc'ul-ha' Éufrates, spisil te bintic ya sc'an te sacerdote Esdras te maestro te p'ijuben ta ley yu'un te Dios ta ch'ulchan, ora me yac awa'beyic,

Esdras 7:28

soc te la sc'uxultayon ta stojol te ajwalil, te j'ac'-o'taniletic yu'un soc spisil te príncipaletic te muc' ya'telic ta stojol te ajwalil. Hich la jta yip co'tan ta scuenta te la scanantayon te Dios cu'un, ha yu'un la jtsob te príncipaletic yu'un Israel scuenta yu'un ya sjoquinonic bahel ta Jerusalén.

Esdras 7:5

Abisúa, Finees, Eleazar soc Aarón te primero sacerdote,

Esdras 7:9

Ta sba c'ahc'alil yu'un te shahchibal u hahch loq'uel ta Babilonia, c'oht ta Jerusalén ta sba c'ahc'alil ta yo'ebal u, como ay ta stojol te sc'ab te Diose.

Esdras 8:1

Ha'ic ini te jtsobawetic yu'un chahpalchahp sna sme'static, te mach'atic ts'ihbabil sts'umbalic te la sjoquinon loq'uel tal ta Babilonia te c'alal ay ta ajwalil a te Artajerjes:

Esdras 8:18

Te bin ut'il ay ta jtojoltic te sc'ab Dios, la yiq'uic tal te Serebías, jtuhl winic te ay sp'ijil yo'tan, te ha sts'umbal Mahli snich'an Leví, snich'an Israel, soc te snich'nab soc yermanotac te Serebías, waxaclajuntuhl (18);

Esdras 8:22

Como q'uexawon ta sc'ambeyel te ajwalil soldadohetic soc jmoheletic ta cawu te ya scoltayotic ta stojol te jcontratic ta be; como hich calbeyejtic te ajwalil: Te sc'ab te Dios cu'uncotic ay ta stojol spisil mach'atic ya slehic, pero te yu'el soc te yilimba ya scontrahin te mach'atic ya yihquitayic, xchihotcotic.

Esdras 8:31

Hahchotic bahel ta ti'muc'ul-ha' Ahava ta slahchayebal (12) c'ahc'al ta shachel u, bohotic ta Jerusalén. Ay ta jtojoltic te sc'ab te Dios cu'untic, la scoltayotic ta sc'ab te contratac soc te j'eleq'uetic ta be.

Nehemías 12:26

Ha'ic ini cuxulic ta yorahil te Joiacim snich'an Jesúa, snich'an Josadac, soc ta yorahil te gobernador Nehemías soc te sacerdote-maestro Esdras.

Nehemías 12:36

soc te yermanotac, ha te Semaías, Azarael, Milalai, Gilalai, Maai, Natanael, Judá soc Hanani. Yich'ojic te a'tejibaletic yu'un música yu'un David te winic yu'un Dios. Ha nahil yu'unic te maestro Esdras.

Nehemías 2:12

hahchon ta ahc'abal, joquinej cha'oxtuhl winiquetic, mayuc mach'a la jcalbe te bin la yalbon ta co'tan te Dios te ya jpas ta Jerusalén. Mayuc yan cawu quic'oj, hip a te mohemon a.

Nehemías 2:18

Soc la jcalbe te bin ut'il lec ay ta jtojol te sc'ab te Dios cu'un, soc te bin la yalbon te ajwalil. Hich la yalic: Hachucotic ta scha'pasel, xchihic. Hich la yaq'uic fuersa ta spasel.

Nehemías 2:8

soc carta yu'un Asaf, te jcanan-tohyem te'etic yu'un te ajwalil, scuenta yu'un ya ya'bon te' yu'un ya jpas xan te puertahetic yu'un te sts'ahcul te Templo, te sts'ahcul te pueblo soc te na banti ya xnahinon, xchihon. Te ajwalil la ya'bon te bin la jc'ambe, como ay ta jtojol te sc'ab te Dios cu'une.

Nehemías 4:15

Te c'alal la ya'iyic te jcontratic te la jna'tiquix te bin chapal yu'unic soc te Dios jimbotix yu'un te bintic chapal yu'unique, jpisiltic suhtotic xan bahel ta ts'ahc, jujutuhl ta ya'tel.

Nehemías 8:1

Junax la tsob sbahic spisil te pueblo ta plaza te snuhp'usitayej sba soc te Yochibal Ha', la yalbeyic te maestro Esdras te yacuc yich' tal te libro yu'un te ley yu'un Moisés, te a'botic yu'un Jehová te Israel.

Nehemías 8:13

Ta schebal c'ahc'al spisil te tatiletic yu'un jujun na ta spisil te pueblo, soc te sacerdotehetic soc levitahetic, la stsob sbahic ta stojol te maestro Esdras yu'un ya snopic te bin ya yal te Ley.

Nehemías 8:4

Te maestro Esdras ay ta toyol limbil te' te ha stuc te yich'oj pasele. Tey ta swa'el ay te Matatías, Sema, Anías, Urías, Hilcías soc Maasías; ta sq'uexam ay te Pedaías, Misael, Malquías, Hasum, Hasbadana, Zacarías soc Mesulam.

Nehemías 8:9

Te gobernador Nehemías, te maestro-sacerdote Esdras soc te levitahetic te yac ya'bebelic sna'ic te pueblo, hich la yalbeyic spisil te pueblo: Ha ch'ul c'ahc'al ini yu'un te Jehová te Dios cu'untic; ma xamel awo'tanic soc ma x'oq'uex, xchihic. Como spisil te pueblo yac ta oq'uel yu'un te bin la yal te Ley.

Nehemías 9:13

Cohat tal ta wits Sinaí, la ac'oponlan c'alal ta ch'ulchan. La awac'ticlambe bintic stojil ay, smelelil leyetic, soc lequil chahpambil mandariletic soc mandariletic.

Salmos 109:27

Ac'a sna'ic te ha spasoj ac'ab ini, te ha'at la acoltayon, Jehová.

Salmos 147:19

La ya'be sna' Jacob te sc'op, la ya'be sna' Israel te mandariletic yu'un soc te bintic schapoj ta yo'tan.

Salmos 45:1

Nojel t'ujbil c'op ta co'tan; ya xc'ayojinon ta stojol te ajwalil; te cac' ha c'uc'um c'ohem yu'un te mach'a mero ya sna' ts'ihbajel.

Salmos 80:18

Hich ma ba ya jpit jbahcotiquix ta atojol; a'botic xan jcuxlejalcotic, hich me ya jc'oponatcotic ta abihile.

Proverbios 3:6

Ta spisil te bintic yac apas, na'a me te Jehová, ha ya stojobtesbat te behetic awu'un.

Isaías 50:2

¿Bin yu'un mayuc mach'a la jta te c'alal talon, o te c'alal la jquic'ticlan mayuc mach'a la sjac'bon? ¿Yu'un bal com jc'ab te ma xhu' ya sloq'uesex ta libre? ¿Yu'un bal mayuc quip te ya caq'uex ta libre? Teme ya cut te mar, ya xtaquij, soc ya jsutp'in ta jochol taquin q'uinal te muc'ul-ha'etic, ya xtuhub te schayul ta scaj mayuc ya'lel, ya xchamic yu'un taquinti'il

Isaías 59:1

Ilawil, ma ba comuben sc'ab te Jehová yu'un ya xcoltaywan, soc ma ba macal schiquin yu'un ya'iyel c'op;

Jeremías 8:8

¿Bin ut'il ya xhu' yac awal: Ho'otic ay jp'ijiltic, ay ta jtojoltic te ley yu'un Jehová, te xchihexe? Melel ha la sutp'in ta lot te lotil pluma yu'un te mach'atic ya xts'ihbajic.

San Mateo 13:52

Ha yu'un spisil escribano te snopbeyej sc'oblal te cuentahinel yu'un te ch'ulchan hich c'ohem te bin ut'il jtuhl yajwal na te ya stsa loq'uel tal ta yawil te bin yach'il soc te bin poco'ix, xchi te Jesús.

San Mateo 23:2

Te escribanohetic soc te fariseohetic ya xhuhcajic ta shuctajib Moisés.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

1 Corintios 1:20

¿Banti ay te mach'a p'ij? ¿Banti ay te escribano? ¿Banti ay te mach'a ya xtsalawan ta c'op ta bahlumilal? ¿Ma bal ha'uc te Dios la yac' ta howil c'op te sp'ijil mach'atic ayic ta bahlumilal?

1 Corintios 15:1

Yo'tic, quermanotac, ya calbeyex xan te lec yach'il c'op te calbeyejexix awa'iyique, te awich'ojiquix soc te jun awo'tan ach'uhunejique.

Deuteronomio 28:1

Teme yac awa'iybe sc'op te Jehová te Dios awu'un soc teme jun awo'tan yac apasbe spisil te mandariletic yu'un te yac calbelat ta ora ini, ha nix hich te Jehová te Dios awu'un ya me yac' te toyol ya xc'ohat yu'un spisil te nacionetic ta bahlumilal.

Deuteronomio 4:5

Ilawil, la jca'beyexix anopic te bintic chapal soc te bintic yaloj ta mandar, hich te bin ut'il la spason ta mandar te Jehová te Dios cu'un, scuenta yu'un hich yac apasic tey ta q'uinal te banti ya xc'oht awu'untayique.