Esdras 4:7 - Bible in Tzeltal Bachajón

⁷ Te Bislam, Mitrídates, Tabeel soc te yantic smohloltac la sts'ihbabeyic carta te Artajerjes ta yorahil te ay ta ajwalil yu'un Persia. Ts'ihbabil ta arameo-c'op te carta soc c'asesbil ta sc'opic.

Bible in Tzeltal de Oxchuc y Tenejapa

⁷ Ta yorail te Artajerjes, muc' ajwalil ta Persia, te Bislam, Mitrídates, Tabeel soc te yantic sjo'taque la sticunbey jun te Artajerjes. Te carta yich'oj ts'ibuyel ta arameo-c'op, soc yich'oj c'asesel ta sc'opic.

Esdras 4:7 ပူးပေါင်းရင်းမြစ်များ

2 Reyes 18:26

Te Eliaquim snich'an Hilcías, te Sebna soc te Joa hich la yalic ta stojol te mach'a tulan ya'tel: Awocoluc, c'opona ta arameo-c'op te a'batetic awu'un, como ya ca'iycotic. Ma xac'oponotic ta hebreo-c'op te ya ya'iyic te mach'atic ayic ta ba ts'ahc, xchihic.

Daniel 2:4

Ha yu'un te mach'atic ay sp'ijilic hich la yalbeyic te ajwalil ta arameo: ¡Ajwalil, te yacuc xcuxajat sbahtel q'uinal! Halbeya te a'batetic awu'un te awayiche, hich ya calbatcotic te bin ya sc'an ya yal, xchihic.

Isaías 36:11

Hich te Eliaquim, Sebna soc te Joa la yalbeyic te capitan-soldado: Awocoluc, c'oponawotcotic ta arameo, como ya ca'iycotic. Ma xac'oponotcotic ta sc'op Judá como ya ya'iyic te mach'atic ayic ta ba ts'ahc, xchihic.

Esdras 4:17

Te ajwalil hich la sticombe bahel suhtib: Ya jpatbeyex awo'tanic soc lamaluc me q'uinal yac awa'iyic, gobernador Rehum, secretario Simsai soc te yantic amohloltac te nahinemic ta Samaria, soc te yantic te ayic ta jehch muc'ul-ha'.

Esdras 4:9

Ta hich ora la sts'ihbayic te carta te Rehum te gobernador, Simsai te secretario, soc te yantic smohloltac, ha te juecetic, gobernadoretic soc te mach'atic ay ya'telic, soc te mach'atic talemic ta Persia, Erec, Babilonia soc Susa, ha te elametic,

Esdras 5:6

Hich ay te carta te la sticombeyic te ajwalil Darío te Tatnai gobernador yu'un te q'uinal ay ta jehch muc'ul-ha', soc te Setar-boznai soc te smohloltac ta gobernadoril te ayic ta jehch muc'ul-ha'.

Esdras 4:1

Te c'alal la ya'iyic te scontratac te Judá soc Benjamín te yaquic ta scha'pasel te templo yu'un Jehová Dios yu'un Israel te mach'atic suhtemiquix tal ta chuquel,

Esdras 4:8

Te Rehum te gobernador soc Simsai te secretario la sts'ihbabeyic carta te ajwalil Artajerjes ta scontrahinel Jerusalén.

Esdras 8:36

Soc la ya'beyic te smandar te ajwalil te mach'atic yich'oj ya'telic ta cuentahinwanej soc te capitanetic ta jehch muc'ul-ha'; la scoltayic te pueblo soc te na yu'un te Diose.

Esdras 7:1

Ta patil a ini, te c'alal ay ta ajwalil a te Artajerjes ajwalil yu'un Persia, te Esdras te patil al-nich'an yu'un ta cajalcaj sts'umbal te Seraías, Azarías, Hilcías,

Nehemías 2:1

Ta u Nisán, ta jtahb (20) ha'bil yochel ta ajwalil a te Artajerjes, te c'alal tey ayix a te vino ta stojol, la jtsac soc la jca'be te ajwalil. Mayuc bin ora te jmeloj co'tan ta stojol,

Daniel 11:2

Yo'tic ya ca'bat ana' te bin smelelil. Ya to xchicnaj oxeb ajwaliletic ta Persia, te schanebal c'ax hich jc'ulej ya xc'oht a te bin ut'il spisil te yantique. Te c'alal ya sta yip ta scuenta sc'ulejal, ya shachbe yo'tan spisilic ta scontrahinel te nación Grecia.