Esdras 4:2 - Bible in Tzeltal Bachajón

² talic ta stojol te Zorobabel soc te jtsobawetic yu'un jujuchahp sna sme'static, hich la yalic: Ya jcoltayexcotic ta spasel, como yac jlehbelcotic te Dios awu'unic, hich te bin ut'il te ha'exe, soc ha yac ca'bebelcotic milbil mahtaniletic c'alal ta yorahil Esarhadón ajwalil yu'un Asiria te la yic'otcotic tal li'i, xchihic.

Bible in Tzeltal de Oxchuc y Tenejapa

² jich ba yilic te Zorobabel, te Josué soc te jwentainwanejetic ta juju-jchajp na. Jich c'o yalbeyic: —Ac'botic permiso uuc ta spasel te nae, yu'un ya jcoltaytiquex, melel te jo'otique, ja' nix jichotic te bit'il ja'exe, melel ja' nix ya quich'tic ta muc' te Dios awu'unique. Ya cac'beytic milbil smajt'an ja' to nix te c'alal yorail Esar-hadón muc' ajwalil ta Asiria, te la yic'otic tel li' c'alale —xiic c'oel te controetique.

Esdras 4:2 ပူးပေါင်းရင်းမြစ်များ

Génesis 10:11

Loc' bahel tey a baht ta Asiria, c'oht spas te Nínive, te Rehobot-Ir, Cala,

2 Reyes 17:24

Te ajwalil yu'un Asiria la yic'ticlan tal ants-winiquetic ta Babilonia, Cuta, Ava, Hamat soc Sefarvaim, la yac'ticlan ta nahinel ta pueblohetic yu'un Samaria scuenta sjelol te snich'nab Israel. Hich la yu'untayic te Samaria soc nahinic tey ta pueblohetic yu'unique.

2 Reyes 17:41

Hich la yich'ic ta muc' te Jehová soc la yac' sbahic ta a'batinel ta stojol te loc'ombahetic yu'unique. Ha nix hich te snich'nab soc smamic, te bin la spasic te sme'static, hich yac spasbelic c'alal ora.

2 Reyes 19:37

Te c'alal yac ta sch'uhuntayel ta templo yu'un te sdios Nisroc a, te Adramelec soc Sarezer te snich'nab la smilic ta espada soc loq'uic ta ahnel ta sq'uinal Ararat. Ha och ta sjelol ta ajwalil te Esarhadón te snich'ane.

Esdras 1:5

Ha yu'un hahchic te jtsobawetic yu'un jujun sna sme'stat yu'un Judá soc Benjamín, soc te sacerdotehetic soc levitahetic, spisil te mach'atic tijbot yo'tanic yu'un Dios te ya xmohic bahel ta spasel te sna Jehová te ay ta Jerusalén.

Esdras 2:2

Te mach'atic talic soc te Zorobabel: ha te Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana. Hich ay te jaytuhl winiquetic yu'un te pueblo Israel:

Esdras 3:12

Tsobol te sacerdotehetic, levitahetic soc jtsobawetic yu'un jujuchahp sna sme'stat, soc te mamaletic te la yilic te Templo te ay ta nahilal, tulan oq'uic te c'alal la yilic te yac ta ochel te yich'o-ip te Templo ini; pero tsobol yantic yacalic ta aw ta scuenta yutsil yo'tanic.

Esdras 3:2

Te Jesúa snich'an Josadac soc te yermanotac sacerdotehetic, soc Zorobabel snich'an Salatiel soc te yermanotac, hahch spasic te scajtajib ta chiq'uel mahtanil yu'un te Dios yu'un Israel scuenta yu'un ya yich' aq'uel scohtol chic'bil mahtanil tey a hich te bin ut'il ts'ihbabil hilel ta ley yu'un Moisés te winic yu'un Dios.

Nehemías 9:32

Ha yu'un yo'tic, Dios cu'untic, muc' Diosat te ay awu'el, te ayat ta xi'el, te yac acanantay te chapbil-c'op soc te sc'uxul awo'tan, manchuc te peq'uel sc'oblal ta atojol spisil te wocol te c'ohtix ta stojol te ajwaliletic cu'uncotic, te príncipaletic, sacerdotehetic, jalwanejetic, jme'jtatcotic soc spisil te pueblo awu'un, c'alal ta yorahil te ajwaliletic yu'un Asiria ha to c'alal ta ora ini.

Salmos 73:8

Ya xlabanwanic, soc chopol bin ya yalic ta spasel uts'inwanej; ya xc'opojic ta toyba c'op.

Isaías 37:37

Ha yu'un te Senaquerib ajwalil yu'un Asiria suht bahel, baht ta nahinel ta Nínive.

Isaías 37:38

Ay jun c'ahc'al, c'alal yac ta sch'uhuntayel ta templo yu'un Nisroc te dios yu'une, te snich'nab, ha te Adramelec soc Sarezer, la smilic ta espada, patil ahnic bahel ta sq'uinal Ararat. Ha la sjelolin ta ajwalil te Esarhadón te snich'ane.

Oseas 14:3

Ma ba ya scoltayotcotic te Asiria; ma ba ya xmohotcotiquix ta cawu; ma ba hich ya calbecotiquix te bin jpasojtic ta jc'abcotic: Ha diosetic cu'uncotic, ma xchihucotic, como ha'at ta atojol ya sta c'uxultayel te me'ba' alal.

Gálatas 2:4

aunque muquen ochic ta cohlilcotic yu'un ya yotsesotic ta mosohil te mach'atic sp'isoj sbahic te ha quermanotactic yu'un ya stsahtayic bin ut'il ay te libre ayotic ta scuenta Cristo Jesús.

2 Timoteo 3:8

Hich te bin ut'il la scontrahinic Moisés te Janes soc te Jambres, ha nix hich ya scontrahinic te smelelil c'ope; ha winiquetic te chopol spensaric, mayuc sch'uhunel yo'tanic.