Esdras 2:1 - Bible in Tzeltal Bachajón

¹ Ha sbihilic ini te mach'atic hahchemic ta sq'uinal Judá te suhtic tal ta chuquel, ha te mach'atic chucotic bahel ta Babilonia yu'un te Nabucodonosor ajwalil yu'un Babilonia, te suhtic tal ta Jerusalén soc Judá, jujutuhl ta pueblo yu'un.

Bible in Tzeltal de Oxchuc y Tenejapa

¹ Ja' lista yu'un te israeletic te ayinemiquix ta Jerusalén soc ta yantic lumetic ta sq'uinal Judá, te cha'sujt'ic xan loq'uel tel ta Babilonia. Ja'ic nix te ac'bot yijq'uitay slumal soc sme'-static, te c'alal ic'otic bael ta namey yu'un Nabucodonosor, te muc' ajwalil ta Babilonia.

Esdras 2:1 ပူးပေါင်းရင်းမြစ်များ

2 Reyes 25:11

Te Nabuzaradán la yic'ticlan bahel ta chuquel te mach'atic hilemic ta pueblo, te mach'atic jun yac'oj sbahic soc te ajwalil yu'un Babilonia soc te hich yipal xan hilemique.

1 Crónicas 9:1

Spisil Israel ahtaybilic ta jujuchahp sts'umbalic soc ts'ihbabil hilel ta libro yu'un te ajwaliletic yu'un Israel. Te mach'atic ayic ta Judá chucotic bahel ta Babilonia ta scaj te ma junuc yo'tanic ta stojol Dios.

1 Crónicas 9:2

Te mach'atic nahil suhtic tal ta nahinel ta sq'uinal ta pueblohetic yu'unic, ha israeletic, sacerdotehetic, levitahetic, soc a'batetic ta templo.

Esdras 1:11

Ta spisil te biluquetic pasticlambil ta oro soc ta plata ay lajunwinic schanlajunbahc' (5,400). Spisil ini la yich' bahel te Sesbasar te c'alal hahchic bahel ta Babilonia te jchuqueletic te bahtic ta Jerusalén.

Esdras 2:2

Te mach'atic talic soc te Zorobabel: ha te Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana. Hich ay te jaytuhl winiquetic yu'un te pueblo Israel:

Esdras 2:70

Te sacerdotehetic, levitahetic, te mach'atic yu'un te pueblo, te jc'ayojetic, jcanan-ti'nahiletic soc a'batetic ta templo nahinic ta pueblohetic yu'unic. Hich spisil Israel nahinic ta pueblo yu'unic.

Esdras 5:8

Ac'a sna' te ajwalil te bohotcotic ta sq'uinal Judá, ta sna te muc'ul Dios, te ya yich' pasel ta muc'ul tonetic. Yaquix ta ochel te ste'el te spahc'ule; sujoj sbahic ta a'tel, ora nax ta hu'el te a'tele.

Esdras 6:2

La yich' tahel ta sna ajwalil ta Ecbatana te ay ta jsehp q'uinal yu'un Media, ta jun libro te hich ts'ihbabil: Sna'ojibal:

Esdras 8:35

Te mach'atic te suhtic tal ta chuquel la yaq'uic scohtol chic'bil mahtaniletic ta stojol te Dios yu'un Israel: ha lahchaycoht (12) jcolel torohetic, waclajuneb yo'winic (96) ta coht tat tuminchijetic, huclajuneb schanwinic (77) ta coht jcolel tuminchijetic, soc lahchaycoht (12) tat tentsunetic scuenta stojel mulil, spisilic scuenta scohtol chic'bil mahtaniletic ta stojol te Jehová.

Nehemías 12:1

Ha te sacerdotehetic soc levitahetic ini te suhtic tal soc Zorobabel snich'an Salatiel, soc Jesúa: ha te Seraías, Jeremías, Esdras,

Ester 1:1

Ta yorahil te Asuero, ha te Asuero te la scuentahin c'alal India ha to ta Etiopía, huqueb shucwinic (127) ta sehp q'uinal,

Ester 1:11

yu'un ya yiq'uic talel ta stojol te ajwalil te ajwalil-ants Vasti soc te corona yu'un, scuenta yu'un ya yac' ta ilel st'ujbilal ta stojol te ants-winiquetic soc te príncipaletic, como mero t'ujbil.

Ester 1:3

Ta yoxebal ha'bil yochel ta ajwalil a la spasbe q'uin spisil te príncipaletic yu'un soc te mach'atic ay ya'telic; soc tey nix ay a te jtsobaw-soldadohetic yu'un Persia soc Media, te gobernadoretic soc príncipaletic yu'un jujusehp q'uinal,

Ester 1:8

Pero halbil ta mandar te mayuc mach'a sujbil ta yuch'el, yu'un te ajwalil hich yalbeyejix ta mandar spisil te mach'atic ya scuentahinic te sna: ha chican bin ya sc'an ya spasic jujutuhl.

Ester 8:9

Ha yu'un ic'otic tal te secretariohetic yu'un te ajwalil ta oxeb scha'winic (23) c'ahc'al ta yoxebal u, ha te u Siván. Spisil te bin la yal te Mardoqueo la yich' ts'ihbabeyel te judiohetic, te schebal ajwaliletic, gobernadoretic soc te príncipaletic yu'un te huqueb shucwinic (127) ta sehp q'uinal c'alal ta India ha to ta Etiopía, ha chican te sts'ihbajelic te jujusehp q'uinal, soc ha chican te sc'op te jujuntic pueblo; ha nix hich te judiohetic ha chican te sts'ihbajelic soc te sc'opique.

Isaías 48:20

¡Loc'anic ta Babilonia! ¡Ahnanic loq'uel ta stojol te caldeohetique! ¡Pucbeyahic sc'oblal ta aw soc yutsil awo'tanic, halbeyahic sc'oblal c'alal ta sti'il te q'uinale! Hich me yac awalic: Te Jehová la yaq'uix ta libre te Jacob te a'bat yu'une, chihanic me.

Jeremías 50:19

Ya quic' xan suhtel tal ta sq'uinal te Israel, ya swe'be yacul ta Carmelo soc ta Basán, ya xnoj sch'uht ta witsiltic yu'un Efraín soc ta Galaad.

Lamentaciones 1:3

Ic'ot bahel ta chuquel te Judá, ay swocol soc ay ta tulan mosohil; nahinemix ta yohlil te nacionetic, ma sta banti ya scux yo'tan. Spisil te jnutsawetic yu'un la stahic c'ohel ta yorahil swocol.

Lamentaciones 1:5

Te scontratac ha príncipaletic c'ohtic, lec c'ohtic te mach'atic p'ajotic yu'un, como te Jehová la ya'be swocol yu'un bayel te smule. Te yal-snich'nab bahtic ta chuquel ta stojol te contrahe.

Lamentaciones 4:22

Ts'acayix te castigo awu'un, yantsil-nich'anat Sión; ma ba ya xcha'ic'atix bahel ta chuquel. Pero ha'at yantsil-nich'anat Edom, ya ya'bat castigo yu'un amul, ya yac' chicnajuc te muliletic awu'une.

Sofonías 2:7

Ha yu'un ya xc'oht te mach'atic hilemic yu'un Judá, tey ya sta swe'elic a. Ya xwayic ta ahc'abal ta nahetic yu'un Ascalón, yu'un ya xna'botic yu'un te Jehová te Dios yu'unic, ha ya yac'ticlan tal te banti chuculique.

Hechos 23:34

C'alal laj yilbel a te carta te gobernador, la sjoc'obe te Pablo banti talem. C'alal la ya'iy te ha slumal te Cilicia,