Esdras 1:3 - Bible in Tzeltal Bachajón

³ Mach'ayuc a ta awohlilic te ha pueblohex yu'un, Dios ac'a joquinotuc yu'un, mohan bahel ta Jerusalén te ay ta Judá, pasa te sna Jehová te Dios yu'un Israel, ha te Dios te ay ta Jerusalén.

Bible in Tzeltal de Oxchuc y Tenejapa

³ Ja' yu'un mach'auquex a te ayex ta swenta te lum yu'un te Ajwalile, Dios me ya scoltayex, baanic ta Jerusalén te ay ta sq'uinal Judá ta spasel te templo yu'un te Ajwalil te Dios yu'un Israel, te nainem ta Jerusalén.

Esdras 1:3 ပူးပေါင်းရင်းမြစ်များ

1 Reyes 18:39

C'alal la yilic spisil te pueblo, la squejan sbahic c'alal ta lum, soc la yalic: ¡Ha Dios te Jehová, ha Dios te Jehová! xchihic.

1 Reyes 8:23

hich la yal: Jehová, Dios yu'un Israel, mayuc yan dios ta ch'ulchan o ta bahlumilal hich te bin ut'il ha'at, te yac awac' c'ohtuc ta pasel te chapbil-c'op soc te sc'uxul awo'tan ta stojol te a'batetic awu'un te ayic ta atojol.

1 Crónicas 28:20

Te David la yalbe xan te Salomón te snich'ane: Ac'a fuersa soc ayuc me yip awo'tan, pasa te a'tele. Ma me xiwat, ma me xpehc'aj awo'tan, como te Jehová te Dios cu'un ya me sjoquinat. Ma ba ya yihquitayat soc ma ba ya spihtesat ha to c'alal ya xhu' ta pasel spisil te a'teletic te ya xtuhun ta sna Jehová.

Esdras 1:4

Soc spisil te mach'atic hilemic, bayuc lugaril te nahinemic, ac'a scoltayic ta oro, biluquetic, chambahlametic, soc mahtaniletic scuenta sc'anojel yo'tanic yu'un te sna Dios te ay ta Jerusalén, xchi.

Esdras 4:3

Pero te Zorobabel, te Jesúa soc te yantic jtsobawetic yu'un jujuchahp sna sme'static ta Israel hich la yalic: Ma spas te ya joquin jbahtic ta spasel te sna te Dios cu'uncotic. Ta jtuquelcotic ya jpascotic te sna Jehová te Dios yu'un Israel, hich te bin ut'il la spasotcotic ta mandar te Ciro ajwalil yu'un Persia, xchihic.

Esdras 5:13

Pero ta shahchel ha'bil ya'tel ta ajwalil te Ciro ajwalil yu'un Babilonia, ha nix la yal mandar te ya yich' cha'pasel xan te sna Dios.

Esdras 5:3

Ta hich ora te Tatnai gobernador yu'un te q'uinal ay ta jehch muc'ul-ha', soc te Setar-boznai soc te smohloltac hich la yalbeyic: ¿Mach'a la spasex ta mandar te yac acha'pasic xan te templo ini soc te sts'ahcule? xchihic.

Esdras 6:7

Ma me xcomic te a'tel ta sna Dios. Te gobernador yu'un te judiohetic soc te mamaletic yu'unic ac'a scha'pasic xan te sna Dios ta yawil.

Salmos 132:13

Como te Jehová ha stsahoj te Sión; ha la sc'an scuenta tey ya xnahin a.

Salmos 83:18

Ac'a sna'ic te ha Jehová te abihile, te ha'at atuquel te Mach'a toyol ayat ta stojol spahmal te q'uinale.

Isaías 37:16

Jehová te acuentahinej spisil, Diosat yu'un Israel te huculat ta ahuctajib ta yohlil te querubinetic, ha'at nax Diosat atuquel ta stojol spisil te nacionetic ta bahlumilal; ha'at la apas te ch'ulchan bahlumilal.

Isaías 44:28

Ho'on me te ya calbe sc'oblal te Ciro: Ha jcanan-tuminchij cu'un, ya spas spisil te bintic ya sc'an co'tan, hich ya yalbe te Jerusalén: Ya me awich' xan pasel, xchi, soc hich ya yalbe te templo: Ya me yich' pasel awich'o-ip, xchi.

Isaías 45:5

Ho'on Jehovahon, mayuc yan; mayuc yan dios ay ta jtojol. La jca'bat awip, aunque ma xana'bon jba,

Jeremías 10:10

Yan te Jehová ha Dios ta melel, ha cuxul Dios soc Muc'ul Ajwalil scuenta sbahtel q'uinal. Ya xnihc te lumq'uinal c'alal ya x'ilin, te nacionetic ma xcuhch yu'unic te yilimbahe.

Daniel 2:47

Te ajwalil hich la yalbe te Daniel: Melel te Dios awu'unic ha Dios yu'un yantic diosetic, ha Ajwalil yu'un ajwaliletic soc te mach'a ya yac' ta na'el bintic wocol ta na'el, como hu' awu'un te la awac' ta na'el te bintic wocol ta na'el ini, xchi.

Daniel 6:26

Ho'on ya cal tulan mandar te ta spisil te ban c'alal jcuentahinej spisilic ya me xiwic soc ya me yich'ic ta muc' te Dios yu'un Daniel. Como ha te cuxul Dios soc sbahtel q'uinal ay. Te ban c'alal cuentahimbil yu'un mayuc bin ora ya xlaj, soc te cuentahinel yu'un stalel ya xhalaj.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

Hechos 10:36

Dios la sticombe sc'op ta stojol te snich'nab Israel, la yalbe sc'oblal te lec yach'il c'op scuenta lamal q'uinal ta scuenta Jesucristo, ha te Ajwalil yu'un spisil.

Deuteronomio 32:31

Como te muc'ul ton yu'unic ma pajaluc soc te Muc'ul Ton cu'untic, hich nix sna'oj te jcontrahetique.

Josué 1:9

Ilawil, ya jpasat ta mandar te ac'a me fuersa soc ayuc me yip awo'tan; ma me xiwat soc ma me xpehc'aj awo'tan, como te Jehová te Dios awu'un ya me sjoquinat bayuc ya xbahat, xchi.