Efesios 2:3 - Bible in Tzeltal Bachajón

³ Ta jpisiltic hich nix tey cuxajotic ta nahil to a, ha baht ta co'tantic spasulanel te bintic la smulan spasel te jpoco'-taleltic yu'un mulil, la jpasbetic te bintic la sc'an yo'tan soc te bintic la snop. Ta scuenta te jtaleltic ini ayotic ta scuenta yich'beyel te yilimba Dios, hich te bin ut'il te yantique.

Nuevo Testamento Tzeltal de Amatenango

³ Y jich ayotik ta jpisilik ekꞌa te ay kꞌaale. Jaꞌ jtamojtik te tut ya skꞌan te jtiꞌbalultike, y jaꞌ la jpastik te tutik nax ya skꞌan te jmulawil tiꞌbalultike y sok te tutik ya jnoptike. Ta skaj te jich ayotike tey ya jtatik kastigo yuꞌun te Diose, jich tutꞌil te yanetike.

Bible in Tzeltal de Oxchuc y Tenejapa

³ Ta jpisiltic jich ayotic uuc ta neelal to. Ja' bajt' ta co'tantic spasel te bila la smulan spasel te jbaq'uetaltique. Ja' la jpasbeytic te bila ya sc'an yo'tan te jbaq'uetaltique soc te bila la jnop ta co'tantique. Ja' nax ayotic ta swenta yich'el tulan castigo, jich bit'il te yantique.

Efesios 2:3 ပူးပေါင်းရင်းမြစ်များ

Génesis 5:3

Ay lajuneb shucwinic (130) ya'bilal a te Adán, ayin snich'an te pajal yilel soc, Set la ya'be sbihilin.

Génesis 6:5

La yil te Jehová te bayel bintic chopol yac spasbelic te mach'atic ayic ta bahlumilal, soc te spisil ora ma lecuc te bintic ya snopticlan ta yo'tanic.

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

Job 14:4

¿Mach'a ya slecubtes te bin bohloben sc'oblal? ¡Mayuc!

Job 25:4

Ha yu'un ¿bin ut'il ya xhu' ya xhalbot te toj yo'tan ta stojol Dios te winique? ¿Bin ut'il c'an lecuc yo'tan te mach'a ayintesot yu'un ants?

Salmos 51:5

Chopolonix a c'alal ayinon, jmulawilon a c'alal hahchon ta sch'uht jnan.

Isaías 53:6

Jpisiltic howiyemotic hich te bin ut'il tuminchijetic, jujutuhl la jt'untic bahel te be cu'untique; pero te Jehová la ya'be scuchbotic jmultic ta jpisiltic.

San Marcos 4:19

pero te sna'el bintic ay ta bahlumilal, te lo'loyel yu'un te c'uhlejalil soc te bic'sitayel biluquetic, ha ya stenic te c'ope, hich ma ba ya yac' sitinuc.

San Juan 1:13

Ma ha'uc ya x'ayinic ta scuenta ch'ich'-baq'uet, o ta scuenta sc'anojel yo'tan winic, ha ya x'ayinic ta scuenta te Diose.

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

Hechos 14:16

Ta namey Dios la ya'be slajin yo'tanic ta spasel bintic la sc'an yo'tan te ants-winiquetique;

Romanos 1:24

Ha scuentahil te ihquitayotic yu'un Dios ta spasel bintic chopol ya snop ta yo'tanic, hich la sbohlobtes sbaq'uetalic a.

Romanos 11:30

Hich te bin ut'il ma ba la ach'uhumbeyic smandar Dios ta nahil to, pero ta ora ini la awich'iquix c'uxultayel ta scuenta te ma ba ya sch'uhumbeyic smandar Dios te israeletic,

Romanos 13:14

Ha me xawac' yu'untayex te Cajwaltic Jesucristo, ma me xanopic spasel mulil te ya smulan spasel te abaq'uetalique.

Romanos 2:14

Te jyanlumetic te ma ba yich'ojic te Ley, teme ya spasic te bin ya yal te Ley, ha'ic nix ley c'ohemic,

Romanos 5:10

como te c'alal jcontrahinej jbahtic soc a te Diose, la yac' te cha'lecub xan yo'tan ta jtojoltic ta scuenta te laj te Snich'ane, c'ax to xan hich ya xcolotic ta scuenta te scuxlejal, te bin ut'il junix co'tan jbahtic soque.

Romanos 5:9

Te bin ut'il halbilix te toj ayotic ta scuenta sch'ich'el, c'ax to xan hich ya xcolotic ta stojol te yilimba Dios ta scuenta Cristo,

Romanos 6:12

Ha yu'un ma me xawac' scuentahimbeyex abaq'uetalic te mulil, yu'un yac ach'uhunic spasel te bintic chopol ya smulan spasele;

Romanos 7:18

Ya jna' te mayuc bin lec ta jtojol, ha ta jbaq'uetal, como co'tanuc ya jpas te bin lec, pero ma xhu' cu'un spasel.

Romanos 9:22

¿Ha xan teme Dios, te bin ut'il la sc'an ya yac' ta ilel te yilimba soc te ya yac' ta na'el te yu'el, te cuhch yu'un te bayel la smahliy te vasohetic te ihlaybil yu'un, te chapal ya yich' jinele?

1 Corintios 4:7

como ¿mach'a ya yac'at te toyol ayat yu'un te yane? ¿Bin ay awu'un te ma ba awich'oj? Teme ha la awich'e ¿bin yu'un te yac atoy aba yu'un te sjel te ma ba awich'oje?

2 Corintios 7:1

Ha yu'un, quermanotac te c'uxex ta co'tane, te bin ut'il hich halbilotic yu'un Dios, ac'a jpoc jbahtic yu'un spisil bintic bohloben ta jbaq'uetaltic soc ta co'tantic; behbehuc me ac'a quich'tic ch'ultesel ta scuenta yich'el ta muc' te Diose.

Gálatas 3:22

Pero te Shun Dios ya yal te chucbil yu'un mulil spisil te bahlumilal, scuenta yu'un te bin yaloj Dios ya x'a'botic te mach'atic ya xch'uhunic te Jesucristo.

Efesios 2:2

te la apasic te c'alal la at'umbeyic stalel te bahlumilal soc la apasic te bin la sc'an te ajaw te scuentahinej te ic', ha te espíritu te yac ta a'tel ta stojol te al-nich'anetic yu'un c'axun-c'op.

Efesios 4:22

Cholahic loq'uel te apoco'-talelic te bin ut'il ayex ta nahil to, te yac ta bohlobel ta scaj lo'loyel ta mulil;

Colosenses 1:21

Ha nix hichex, ta nahil to namal ayex ta stojol Dios soc ha scontrahex ta scaj apensaric soc ta scaj chopol awa'telic,

1 Tesalonicenses 4:13

Quermanotac, ma jc'ancotic te ma xana'ic bin ut'il ay sc'oblal te mach'atic ya xway sbaq'uetalic, scuenta yu'un ma hichuc yac amel awo'tanic yu'un a te bin ut'il te mach'atic mayuc smuc'ul yo'tanique.

1 Tesalonicenses 5:6

Ha yu'un ma me xwayotic hich te bin ut'il te yantique, wiq'uiluc me jsitic soc p'ijuc me x'ayinotic.

1 Timoteo 6:9

Yan te mach'atic ya sc'an ya xc'uhlejubic ya xyahlic ta sujel soc ta yaquil, soc ta banti bayel bintic chopol te ya sc'an yo'tanic soc te ya xjinawan, te ya yac' ochuc ta jinel soc ta ch'ayel te winiquetique.

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

1 Pedro 1:14

Te bin ut'il al-nich'anex te yac ach'uhunic mandar, ma me pajaluc awo'tanic soc te bin la amulanic spasel ta nahil to te c'alal ma to ana'ojic q'uinal a.

2 Pedro 2:14

Te sitic nojel ta antsiwej, ma xquehchajic ta slehel smulic; ya smonic te mach'atic mayuc yip yo'tanic; c'ahyemic a te spisil bin ya xbic'taj yo'tanic yu'un, ha yal-snich'nab chopol c'oblalil.

2 Pedro 2:18

Ya xc'opojic ta toyba c'op soc tojol c'op, soc ta scuenta te bin chopol ya smulan ch'ich'-baq'uet ya smonic a te mach'atic ma to haluc ahnic loq'uel ta stojol te mach'atic howiyemic.

1 Juan 2:16

como spisil bintic ay ta bahlumilal, ha te bin ya smulan te baq'uet scuenta mulil, te bin ya smulan yilel te jsitic, soc te toybahil, ma ba talem ta stojol te Tatil, ha talem ta stojol te bahlumilale.

1 Juan 2:8

Pero ya jts'ihbabeyex yach'il mandaril, te chican ta stojol Cristo soc ta atojolic te ha smelelil, como yac ta c'axel bahel te yihc'al q'uinal soc chicanix te smelelil sacal q'uinale.