Eclesiastés 7:4 - Bible in Tzeltal Bachajón

⁴ Te yo'tan te mach'a ay sp'ijil ay ta na banti ay mel-o'tan, yan te yo'tan te sonso ay ta na yu'un yac'oltayel q'uinal.

Bible in Tzeltal de Oxchuc y Tenejapa

⁴ Te mach'a ay sp'ijile bayal bi ya snop yu'un te ya xlaje; yan te mach'a ma sna' q'uinal, ya xbajt' ta yo'tan spasel q'uin.

Eclesiastés 7:4 ပူးပေါင်းရင်းမြစ်များ

2 Samuel 13:28

Te Absalón hich la yalbe te a'batetic yu'un: Ya me awilic ta lec te Amnón te c'alal yacubenix yu'un vino a. Te c'alal hich ya cal: Milahic te Amnón, teme xchihone, ya me amilic. Ma me xiwex, como ho'on jmandar. Ac'a fuersa, ayuc me yip awo'tanic ta spasel, xchi.

1 Reyes 20:16

Loq'uic bahel ta ohlil c'ahc'al, te c'alal jun yo'tan yacalic ta yacubel ta snahilpaq'uic a te Ben-adad soc te lahchayeb scha'winic (32) ajwaliletic sjoquinej.

Eclesiastés 2:1

Hich la jcal ta co'tan: Conic, ya jtsajat quil ta scuenta spasel te bintic ya smulan co'tan, yac awa'iy te bintic lec, xchihon. Pero ha nix hich, tojol.

Eclesiastés 7:3

Ha lec xan a te mel-o'tan te bin ut'il te tse'ej, yu'un teme ay ta mel-o'tan te sit yelaw ha lec ya xc'oht a te yo'tane.

Eclesiastés 7:5

Ha lec xan a te yac awa'iy te tsitsel yu'un te mach'a ay sp'ijil yo'tan, te bin ut'il yac awa'iybe te c'ayoj yu'un te mach'a ma sna' q'uinale.

Isaías 21:4

Sicubon ya ca'iy yu'un, ya xnihcon yu'un te xiwele; te yihc'ubal q'uinal te bayel la jmulan sutp'ijem ta xiwel.

Jeremías 51:39

C'alal ya x'och sq'uixinal ya jchahpambe bayel we'elil soc ya cac' te ya xyacubic, yu'un ya stse'ejinic soc ya x'och swayelic sbahtel q'uinal te ma xwihc' sitic yu'un, xchi te Jehová.

Jeremías 51:57

Ya jyacubtesbe te príncipaletic soc te p'ijil winiquetic yu'un, te jtsobawetic, te mach'atic ich'bilic ta cuenta soc te soldadohetic yu'une. Ya xwayic sbahtel q'uinal, ma ba ya xcuxix yo'tanic, xchi te Ajwalil, te Jehová te scuentahinej spisil te sbihile.

Daniel 5:30

Ha nix ta ahc'abal laj ta milel te Belsasar te ajwalil yu'un te caldeohetique.

Oseas 7:5

Ta sc'ahc'alel te q'uinal yu'un te ajwalil cu'untic, te príncipaletic la ya'beyic chamel ta scuenta sc'ahc'al te vino; jun yac'oj sba soc te jlabanwanejetique.

Nahúm 1:10

Hich ya xc'ohtic te bin ut'il ch'ixetic te sts'otoj sbahic, soc ts'ajal ta syacubelic, ya xlajic ta c'ahc' hich te bin ut'il taquin ha'mal.

1 Samuel 25:36

Te Abigail c'alal suht bahel ta stojol Nabal, yac ta pas-q'uin ta sna a hich te bin ut'il ajwalil. Tse'el yo'tan te Nabal soc buen yuch'oj, ha yu'un mayuc bin la yalbe ha to ta schebal c'ahc'al.

1 Samuel 30:16

Hich la yic' bahel te David. Te amalequetic spucoj sbahic ta q'uinal a, yacalic ta we'el uch'el soc ta pas-q'uin yu'un te bintic la spojic tal ta sq'uinal filisteohetic soc ta sq'uinal Judá.