Eclesiastés 1:2 - Bible in Tzeltal Bachajón

² Tojol, tojol, xchi te Jp'ijubteswanej. Mero tojol, tojol ta spisil, xchi.

Eclesiastés 1:2 ပူးပေါင်းရင်းမြစ်များ

Job 11:12

Ya me sta sp'ijil yo'tan te sonso winic te bin ora te ha'mal burra ya yayintes jtuhl winic.

Salmos 144:4

Te ants-winic hich ay te bin ut'il jahc' ta o'tanil; te c'ahc'aletic yu'un hich ay te bin ut'il axinal te c'axel ay.

Salmos 89:47

¡Na'a me te com te jcuxlejal! ¿Bin yu'un te mayuc scuentahil te la apas spisil te ants-winiquetique?

Eclesiastés 11:10

Ha yu'un loq'uesa ta awo'tan te ilimba soc loq'uesa ta atojol te bin chopole, como te awach'ix-queremil tojol nax.

Eclesiastés 11:8

Aunque ay mach'a bayel ha'bil ya xcuxaj soc tse'el yo'tan yu'un spisilic, ac'a sna' te ay bayel c'ahc'al te yihc'al q'uinal, soc spisil te bintic quechel ta talele, tojol nax.

Eclesiastés 12:8

¡Tojol nax, tojol nax, xchi te Jp'ijubteswanej, tojol nax ta spisil! xchi.

Eclesiastés 2:11

Patil la jquil spisil te bintic jpasoj ta jc'ab soc te ca'tel te la jpase. Tojol ay soc ha snutsel te iq'ue; mayuc bin loc' a ta ye'tal ch'ulchan.

Eclesiastés 2:15

Ha yu'un hich la jcal ta co'tan: Te bin ya xc'oht ta stojol te mach'a ma sna' q'uinal, hich nix ya xc'oht ta jtojol. ¿Banti ya xtuhun cu'un hiche te ay bayel sp'ijil co'tan? Ha yu'un la jcal ta co'tan te ha nix hich tojol nax, xchihon.

Eclesiastés 2:17

Ha yu'un la jp'aj te cuxlejal, como te bintic ya yich' pasel ta bahlumilal, ma lecuc la jca'iy. Spisil tojol nax, ha snutsel te ic' c'ohem.

Eclesiastés 2:19

¿Mach'a ya sna' teme ay sp'ijil yo'tan o teme ma sna' q'uinal te mach'a ya scuentahimbon spisil te ca'tel te la jca'telin spasel ta bahlumilal soc sp'ijil co'tan? Ha nix hich tojol nax.

Eclesiastés 2:21

Como te winic ya x'a'tej soc sp'ijil yo'tan, ya sna' ta lec soc ya xhu' yu'un te a'tele, patil ya me ya'be hilel spisil te mach'a ma ba a'tej tey a. Ha nix hich tojol nax soc mero ma lecuc.

Eclesiastés 2:23

Spisil scuxlejal c'ux obol sba soc ay swocol yu'un te ya'tel; ni ha'uc ya scux yo'tan ta ahc'abal. Ha nix hich tojol nax ini.

Eclesiastés 2:26

Como Dios ya ya'be sp'ijil yo'tan, sna'ojibal soc yutsil q'uinal ya'iy te mach'a lec ta site; yan te jmulawil ya ya'be ya'tel ta stsobel soc ta sbusanel c'ulejalil yu'un ya ya'be hilel te mach'a lec ta o'tanil yu'un Dios. Ha nix hich tojol nax soc ha snutsel te iq'ue.

Eclesiastés 2:8

La jtsob bayel plata soc oro, soc c'ulejaliletic yu'un ajwaliletic soc yu'un yantic q'uinaletic. La jquic' jc'ayoj-winiquetic soc antsetic, soc bayel yantic antsetic, ha te bintic ya sc'an yo'tan te yal-snich'nab ants-winiquetic.

Eclesiastés 3:19

Como te bin ya xc'oht ta scuenta te ants-winiquetic soc te chambahlametic junax ta schebalic: ha te bin ut'il ya xcham te june, hich nix ya xcham te yane. Pajal ya yich'ic ic'; te ants-winic mayuc banti toyol yu'un te chambahlam, yu'un spisil tojol nax.

Eclesiastés 4:16

Ma xhu' ta ahtayel mach'atic la st'unic; pero te mach'atic patil ya xtalic ma ba tse'el yo'tanic ta stojol. Ha nix hich tojol nax soc ha snutsel te iq'ue.

Eclesiastés 4:4

Soc la jquil te spisil a'tel soc spisil te bin lec ya yich' pasel, tey ya xhahch tal a te sbic'tal yo'tan ta stojol te spat-xuhque. Ha nix hich tojol nax soc ha snutsel te iq'ue.

Eclesiastés 4:8

Ay jtuhl winic te stuquel ay, mayuc sjelol, mayuc snich'an o yermano; pero ma scom sba ta a'tel, ma xlaj yo'tan yilbel sc'ulejal; soc ma ba hich ya sjoc'oy: ¿Mach'a ya x'a'tejon yu'un, soc bin yu'un ma ba ya jpas te bin ya smulan te co'tane? ma xchihuc. Ha nix hich tojol nax soc tulan a'tel.

Eclesiastés 5:10

Te mach'a c'ux ta yo'tan te taq'uine, mayuc bin ora ya yal te tic' a; te mach'a c'ux ta yo'tan te c'ulejalil, mayuc bin ora ya yal te tiq'uix a. Ha nix hich tojol nax.

Eclesiastés 6:11

Ta banti ay bayel c'opetic, ya xp'ohl te bin tojol nax. Mayuc bin ya xloc' a.

Romanos 8:20

Te bintic pasticlambil ac'ot ta cuentahinel yu'un te bin tojol nax, ma ha'uc nix hich la sc'an, pero ha ta scaj te Mach'a la yac' ta cuentahinel yu'un te bin yac smahliybel.