Daniel 9:3 - Bible in Tzeltal Bachajón

³ La jsut jsit quelaw ta stojol Cajwaltic Dios, la jcalbe wocol soc la jcom jwe'el, la jlap ch'ixal-pac' soc la juhcan sba ta stanul c'ahc'.

Bible in Tzeltal de Oxchuc y Tenejapa

³ La jc'opon Dios soc la calbey wocol te Cajwaltic Diose, la jcom jwe'el soc la jlap ch'ixal pac', soc la najc'an jba ta stanul c'ajc'.

Daniel 9:3 ပူးပေါင်းရင်းမြစ်များ

2 Samuel 12:16

Te David tulan la sc'opon Dios yu'un te alale, la scom swe'el, och ta sna, metsel ta lum a c'ax yu'un te ahc'abal.

Esdras 10:6

Te Esdras loc' bahel ta sna Dios, baht ta scuarto te Johanán snich'an Eliasib. C'alal tey ay a ma ba la swe' pan soc ma ba la yuch' ha', como la smel yo'tan yu'un te ma junuc yo'tanic ta stojol Dios te mach'atic suhtemic tal ta chuquel.

Esdras 8:21

La jpuc ta halel te ya me jcom jwe'eltic tey ta ti'muc'ul-ha' Ahava scuenta yu'un ya jpehc'an jbahtic ta stojol te Dios cu'untic soc ya jc'ambetic te lecuc ya xc'oht te behel cu'untic soc te alaletic soc te biluquetic cu'untique.

Esdras 9:5

Ta yorahil yaq'uel te mahtanil ta tibiltic, hahchon, loc'on tey ta jwocol, jch'i'ojix a te jmuc'ul c'u' soc te jnahtil-c'u', la jquejan jba, la hach jc'ab ta stojol Jehová te Dios cu'un,

Nehemías 9:1

Ta chaneb scha'winic (24) c'ahc'al ta u nix a, te snich'nab Israel la stsob sbahic yu'un ya scom swe'elic, slapojic pac' yu'un mel-o'tan soc yac'ojic ts'ubil lum ta sjolic.

Ester 4:16

Bahan, tsoba spisil te judiohetic ayic ta Susa, coma awe'elic ta jcuenta. Ma me xwe' x'uch'ex oxeb c'ahc'al soc oxeb ahc'abal. Ha nix hichon soc te ach'ixetic cu'un ya jcom jwe'elcotic. Patil ya x'ochon bahel ta yilel te ajwalil, aunque ma hichuc ya yal te ley. Teme ya xlajon, lajucon, xchi.

Job 42:6

Ha yu'un ya quihlay jba soc ya jsuhtes co'tan ta ts'u'lum soc ta tan, xchi te Job.

Salmos 35:13

Pero te ho'one, te c'alal tsacotic ta chamel, la jlap pac' yu'un mel-o'tan; la jcac' jwocol ta scomel jwe'el, suht ta jtojol te bin la jc'ambe Dios.

Isaías 22:12

Ha yu'un te Jehová te scuentahinej spisil, ta hich ora la yiq'uex yu'un ya x'oq'uex soc yac amel awo'tanic, yu'un yac aloq'uesic stsotsel ajolic soc yac alapic ch'ixal pac'.

Jeremías 33:3

Awtayawon, ya jac'bat, soc ya calbat bintic muc' sc'oblal soc te bintic muquen ay te ma ba ana'oje.

Ezequiel 36:37

Hich yaloj te Jehová, te Ajwalil: Ya to cac' te ya sc'ambon te sna Israel te hich ya jpasbe: ha te ya cac' p'ohluc te ants-winiquetic hich te bin ut'il ya xp'ohl te jtsohb tuminchijetique.

Daniel 6:10

Te c'alal la ya'iy te Daniel te yich'oj firma te mandare, baht ta sna, la sjam te ventanahetic ta banti ya xway, te ayic ta stojol bahel te Jerusalén, la squejan sba oxeb buelta jujun c'ahc'al, la sc'opon Dios soc la yalbe wocol, hich te bin ut'il ya spasulan spisil ora.

Daniel 9:2

ta shahchibal ha'bil yochel ta ajwalil a, ho'on Daniel, la jquil ta hunetic te bin halbot yu'un Jehová te Jeremías te jayeb ha'bil te ya xhalaj te jinel yu'un Jerusalén, ha lajuneb schanwinic (70) ha'bil.

Daniel 9:20

C'alal yacon ta sc'oponel Dios soc ta yalel ta jamal te jmul soc smul te jlumal Israel, soc ta yalel wocol ta stojol Jehová te Dios cu'un yu'un te ch'ul wits yu'une;

Daniel 9:4

La jc'opon te Jehová te Dios cu'un, hich la jcal: Cajwal, muc'ul Diosat, te ayat ta xi'el, te yac awac' c'ohtuc ta pasel te chapbil-c'op soc yac ac'uxultay te mach'atic c'uxat ta yo'tanic soc te ya sch'uhunic spasel te mandariletic awu'une.

Joel 1:13

Lapahic pac' yu'un mel-o'tan, oc'anic, sacerdotehetic, ahcanajanic, ha'ex te ya x'a'tejex ta scajtajib ta chiq'uel mahtanil; la'ic, wayanic ta pac' yu'un mel-o'tan, ha'ex te ya x'a'tejex ta stojol te Dios cu'une; como loq'uemiquix ta sna te Dios cu'untic te mahtanil harina soc te malbil mahtanil.

Joel 2:12

Yo'tic ini, xchi te Jehová, suhtanic tal ta jtojol soc spisil awo'tanic, suhtanic ta jtojol ta spisil awo'tanic, coma awe'elic, mela awo'tanic soc oc'anic.

Jonás 3:5

Te ants-winiquetic yu'un Nínive la sch'uhunic te Diose, la yalic mandar te ya scom swe'elic soc la slapic pac' scuenta mel-o'tan, muc' biq'uitetic.

San Mateo 17:21

Pero te pucujetic te hich stalelic bin ut'il ini, ma xhu' ta loq'uesel ha to teme ya yich' c'oponel Dios soc scomel we'elil.

San Lucas 2:37

hil ta me'ba'antsil, ayix chaneb yo'winic (84) ha'bil. Spisil ora ay ta Templo, c'ahc'al ahc'abal la sch'uhuntay te Dios ta scuenta sc'oponel Dios soc scomel swe'el.

Hechos 10:30

La sjac' te Cornelio: Ayix ta schanebal c'ahc'al ta hichilan ora yacon ta sc'oponel Dios ta jna, ta oxeb ora suhtel c'ahc'al a la jquil te hul stehc'an sba ta jtojol jtuhl winic te ay sts'anabul sc'u' spac',