Daniel 9:26 - Bible in Tzeltal Bachajón

²⁶ C'alal ya xc'ax te cheb schanwinic (62) semana, ya yich' milel te mach'a malbil ta aceite, mayuc bintic ya xhil yu'un. Te ants-winiquetic yu'un te príncipal te ya xtal ya me sjinic te pueblo soc te ch'ul awilal; hich ya xtal slajibal te bin ut'il snojel ha', ya xhalaj te jinel ha to c'alal ya xlaj te guerrahe.

Bible in Tzeltal de Oxchuc y Tenejapa

²⁶ C'alal ya xc'ax te cheb xchanwinic (62) semana, ya me smilic te ch'ul jwentainwaneje. Te Jerusalén ya me yich' lajinel soc ya me yich' lajinel uuc te templo, ja' me ya slajin te swinictac te muc' ajwalil ya xtale. Te slajibale ora me ya xc'ot ta pasel, jich me ya xtal te bit'il snojel ja'; ja' to me c'alal slajibal te guerra soc te jinele, ja' te chapal nix sc'oplal ae.

Daniel 9:26 ပူးပေါင်းရင်းမြစ်များ

2 Samuel 21:5

Hich la sjac'beyic te ajwalil: Te winic te ya c'an slajinotcotic soc te la snop te jc'axel mayuc mach'a ya xhil cu'uncotic ta spisil sq'uinal Israel,

Salmos 22:15

Taquij quip hich te bin ut'il xeht'elul oxom, soc la slap' sba cac' ta jpa'jaj. ¡La awac'on ta ts'u'lum yu'un lajel!

Isaías 28:2

Ilawil, te Jehová ay mach'a ay yu'un te ay yip soc ay yu'el: hich te bin ut'il ic'al ha'al te ay sbatul, hich te bin ut'il sutu-ic' te ya xlajinwan, hich te bin ut'il tulan ic'al ha'al te soc yip ya xmahl loq'uel. Tulan me ya sch'oj cohel ta lum,

Isaías 28:22

Ha yu'un yo'tic ma me xawa'iyic labanwanej, scuenta yu'un ma ba tulan xan yax xc'oht te bin ya schuquex a; como la jca'iy ta stojol Jehová te scuentahinej spisil te halbilix mandar te ya xc'oht jinel ta stojol spisil te nación.

Isaías 53:8

Ta scuenta uts'inel soc chahpanel te ic'ot bahele. ¿Mach'a ya xhu' ya yalbe sc'oblal te sts'umbale? Como la yich' loq'uesel ta yohlil mach'atic cuxulic, ehchentesot ta scaj te c'axun-mandar yu'un te pueblo cu'une.

Isaías 8:7

ha yu'un te Jehová ya me yac' mohuc tal ta stojolic snojel ha' yu'un te muc'ul-ha' Éufrates te bayel yipic, ha te ajwalil yu'un Asiria soc spisil te yipe. Ya xmahl loq'uel ta be-ha' yu'un, ya xloc' bahel spisil ta sti'il,

Jeremías 46:7

¿Mach'a a te yac ta nojel mohel hich te bin ut'il te Nilo, hich te bin ut'il muc'ul-ha' te ya syuc' sbahe?

Jeremías 51:42

Mucot yu'un mar te Babilonia, mucot yu'un te yip stselajan.

Daniel 11:10

Pero te snich'nab te ajwalil ta norte ya schahpan sbahic yu'un guerra, ya stsobic bayel soldadohetic. Ora ya xtal hich te bin ut'il snojel ha', ya xc'ax bahel; patil ya suht tal ta ya'beyel guerra c'alal ta ahnibal ts'ahc yu'un te ajwalil ta sur.

Daniel 11:17

Ya me snop ta yo'tan te ya xtal soc spisil yip ban c'alal scuentahinej. Ya schap sc'op soc te ajwalil ta sur, ya ya'be yihnamin jtuhl yantsil-nich'an scuenta yu'un ya sjimbe ya'tel te ajwalil, pero ma ba ya xc'oht ta pasel yu'un.

Daniel 11:22

Bayel soldadohetic ya yich'ic mesel bahel ta stojol hich te bin ut'il snojel ha', pajal ya yich'ic lajinel soc te príncipal yu'un te chapbil-c'ope.

Daniel 11:36

Te ajwalil ya me spas te bin ya sc'an yo'tan. Ya me stoy sba soc toyol ya yac' sba yu'un spisil diosetic, soc ay bintic c'ax chopol ya yal ta stojol te Dios yu'un te diosetique. Lec ya xc'oht ha to c'alal ts'acal ya xc'oht te yorahil ilimba, como ya me xc'oht ta pasel te bin chapale.

Daniel 9:27

Ta jun xan semana ya schap sc'op soc tsobolic, ta j'ohlil semana ya scom ta aq'uel te milbil mahtanil soc te mahtanil yu'un harina. Ya me stehc'an bin ilobtic sba te ya xjinawan, ha to c'alal ya xc'oht ta stojol te jinaw te lajinel te chapal ya yich'e, xchi.

Oseas 1:9

Te Jehová la yal: A'beya sbihilin Lo-ami, como te ha'exe ma ha'uquex pueblo cu'un, soc ma ho'uconix Dioson awu'unic.

Amós 8:8

¿Ma bal yacuc xnihc sba te q'uinal yu'un? ¿Ma bal yacuc x'oc' spisil mach'atic nahinemic tey a? Ya xmo bahel spisil te q'uinal hich te bin ut'il te muc'ul-ha' Nilo; ya syuc' sba soc ya xco bahel hich te bin ut'il te muc'ul-ha' yu'un Egipto.

Amós 9:5

Te Ajwalil, te Jehová te scuentahinej spisil, ya stij te q'uinal, ya x'uhl yu'un, soc ya x'oq'uic spisil te mach'atic ya xnahinic tey a; spisil te q'uinal ya xnoj bahel hich te bin ut'il muc'ul-ha', soc ya xco bahel hich te bin ut'il te muc'ul-ha' yu'un Egipto.

Nahúm 1:8

Pero hich te bin ut'il snojel ha' ya slajinlan te mach'atic ya xcontrahinot yu'un, ha ya snuts bahel ta yihc'al q'uinal te scontrataque.

San Mateo 22:2

Te cuentahinel yu'un te ch'ulchan hich c'ohem te bin ut'il jtuhl ajwalil te la spas q'uin yu'un ya xnuhpun te snich'ane.

San Mateo 22:7

C'alal hich la ya'iy te ajwalil, ilin yu'un, la sticon bahel soldadohetic yu'un, la slajin te jmilawetic soc la schic'be te pueblo yu'unique.

San Mateo 23:38

Jochol ya xhil te anahe,

San Mateo 24:2

Hich halbotic yu'un te Jesús: ¿Ya bal awilic spisil ini? Jamal ya calbeyex te mayuc cajal ya xhil junuc ton ta sba yan ton, spisil me ya yich' jinticlanel, xchi.

San Marcos 13:2

La yal te Jesús: ¿Chican bal yac awil te muc'ul nahetic ini? Mayuc junuc ton cajal ya xhil ta sba yan ton, spisil me ya yich' wuyel cohel, xchi.

San Marcos 13:7

Pero te c'alal yac awa'iyic te ay guerrahetic soc te ya xchicnaj ta halel te ya xhahch guerrahetic, ma me xnihc awo'tanic yu'un; como hich me ya xc'oht ta pasel, pero ma to ha'uc te slajibal c'ahc'ale.

San Marcos 9:12

La sjac' te Jesús: Melel nix a te ha nahil ya xtal te Elías soc ya scha'pasticlan xan spisil. Pero ¿ma bal hichuc ya yal te bin ts'ihbabil te bin ut'il te Nich'anil ay ta scuenta winic ya xc'ax bayel swocol soc ya xp'ajot?

San Lucas 21:24

Ya xlajic ta espada soc ya xbahtic ta chuquel ta spisil nacionetic, soc te Jerusalén ya yich' ts'o'el ta teq'uel yu'un jyanlumetic ha to c'alal ya sts'acay te yorahil yu'un te jyanlumetique.

San Lucas 21:6

Te bintic yac awilbelic, ya me sta yorahil te mayuc ya xhil junuc ton cajal ta sba yan ton te ma ba ya yich' jinele, xchi.

San Lucas 24:26

¿Ma bal hichuc la sc'an te ya xc'ax swocol te Cristo, soc patil ya x'och ta utsilal yu'un?

San Lucas 24:46

Hich la yalbe ya'iyic: Hich ts'ihbabil hilel te la sc'an te ya xc'ax swocol te Cristo soc ta yoxebal c'ahc'al ya xcha'cuxaj tal ta yohlil te mach'atic chamenic;

San Juan 14:30

Mayuquix bayel c'ahc'al ya jc'oponex, como yaquix ta talel te principal yu'un te bahlumilal. Mayuc bin yochelon a;

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

Gálatas 3:13

Cristo la scoltayotic loq'uel ta stojol te chopol c'oblalil yu'un te Ley, ha chopol sc'oblal c'oht stuquel ta jcuentatic, (yu'un hich ts'ihbabil: Chopol sc'oblalic spisil mach'atic ya yich'ic johc'anel ta te', xchi),

1 Pedro 2:21

Ha scuentahil te ic'bilex, como ha nix hich c'ax swocol te Cristo ta acuentahic, hich la ya'beyex hilel anopic yu'un hich yac at'unic bahel.

1 Pedro 2:24

Ha nix la scuchbotic jmultic ta sbaq'uetal ta te', scuenta yu'un ya xchamotic ta stojol te mulil soc ya xcuxajotic ta spasel te bin stojil ta pasele. ¡Ha ta scuenta te yehchen te lecubex!

1 Pedro 3:18

Como ha nix hich te Cristo jmehl nax laj ta scuenta mulil, ha laj te mach'a toj ta scuenta te mach'atic ma tojuquic, yu'un ya yiq'uex bahel ta stojol Dios. Ac'ot ta lajel ta sbaq'uetal, pero cuxaj ta scuenta espíritu,