Daniel 9:21 - Bible in Tzeltal Bachajón

²¹ c'alal yacon to ta sc'oponel Dios a, te Gabriel, te winic te la jquil ta nahalsit ta nahil, ahnimal tal ta wihlel ta banti ayon ta yorahil aq'uel te milbil mahtanil ta tibiltic.

Bible in Tzeltal de Oxchuc y Tenejapa

²¹ Te c'alal yacon to ta sc'oponel Dios a, te Gabriel, te chicnaj ta jtojol ta neelal to te c'alal ay bila yacon ta yilel la caiye, wil tel ta jtojol te banti ayone. Ja'ix yorail a te ya yich' aq'uel milbil smajt'an Dios yu'un te smalel c'aale,

Daniel 9:21 ပူးပေါင်းရင်းမြစ်များ

San Lucas 1:19

La sjac' te ch'ul a'bat: Ho'on Gabrielon te teq'uelon ta stojol te Diose, soc ticombilon yu'un ya calbat te lequil ach' c'op ini.

Daniel 8:16

Soc la jca'iy sc'op winic ta ti' muc'ul-ha' Ulai te hich la yal ta aw: Gabriel, halbeya sc'oblal te nahalsit ini, xchi.

Daniel 10:16

Pero te mach'a pajal yilel soc snich'an winic la spicbon sti'il que, hich la jam que soc c'opojon, hich la jcalbe te mach'a ay ta jtojol: Tatil, hahch jwocol yu'un te nahalsitil soc mayuc quip ya ca'iy.

1 Reyes 18:36

C'alal la sta yorahil te ya yich' aq'uel te scohtol chic'bil mahtanil, te jalwanej Elías nohpoj bahel, hich la yal: ¡Jehová, Dios yu'un Abraham, Isaac soc Israel, ac'a ta na'el yo'tic te ha'at Diosat ta Israel soc te ho'on awa'baton, soc te ta scuenta amandar te hich yacon ta spasel!

Hebreos 1:14

¿Ma bal meleluc te spisil te ch'ul a'batetic ha espírituhetic te ayic ta a'batinel, te ticombilic ta scoltayel te mach'atic ya yich'ic te colele?

Hechos 10:3

Oxeb wan ora suhtel c'ahc'al a, la yil ta snahalsit och tal jtuhl ch'ul a'bat yu'un Dios te banti ay, hich halbot yu'un: Cornelio, xchi.

Daniel 10:18

Hich te mach'a pajal yilel soc snich'an winic la scha'picon, la ya'bon quip,

Daniel 8:18

C'alal yac sc'opombelon a, c'ub jwayel yu'un, pacalon ta lum. Ha la spicon, la yac' tehc'ajucon.

Isaías 6:2

Ay serafínetic ta yahc'olal. Ay waqueb xic' jujutuhl: ta cheb ya smac yelawic a, ta cheb ya smac yoquic a, soc ta cheb ya xwihlic a.

Salmos 103:20

¡Halbeyahic yutsil sc'oblal Jehová, ha'ex ch'ul a'batetic yu'un, ha'ex te tulan awa'telic te yac apasic te bin ya yal, te yac ach'uhunic spasel te sc'ope!

Éxodo 29:39

Jcoht tuminchij yac awac' ta sab soc jcoht ta xtibiltay.

Hebreos 1:7

Soc hich la yalbe sc'oblal te ch'ul a'batetic: Ya yac' te pajal soc ic' ya xc'oht te ch'ul a'batetic yu'un, pajal soc yat c'ahc' ya xc'oht te a'batetic yu'une, xchi.

Hechos 12:7

Repente nax c'oht stehc'an sba ch'ul a'bat yu'un te Cajwaltic, soc xlipet sts'anabul ta yutil te cárcel; c'oht stijbe smochbaquel te Pedro, hich la yal: Hahchan ta ora, xchi. Ora pohl hilel te cadenahetic chucticlambil sc'ab a.

Hechos 10:9

Ta schebal c'ahc'al, te c'alal yacalic ta behel soc nopol ya xc'ohtiquix ta pueblo a, te Pedro mo bahel ta yamaq'uil scha'cajal na ta sc'oponel Dios, nopol sta ohlil c'ahc'al a.

Hechos 3:1

Te Pedro soc Juan bahtic ta Templo ta oxeb ora suhtel c'ahc'al a, ha te yorahil sc'oponel Dios.

San Mateo 27:46

Nopol sta oxeb ora suhtel c'ahc'al a, tulan awon te Jesús: Elí, Elí, ¿lama sabactani? xchi. (Dios cu'un, Dios cu'un, ¿bin yu'un apihtesejon? xchi te c'asesbile.)

Daniel 10:10

Ay c'abal te la spicon, la yac' jquejan hahchel jba ta sjol cacan soc ta stahn jc'ab.

Ezequiel 1:14

Te bintic cuxajtic ahnimal ya xtal ya xbahtic, pajal soc tsantsehwal.

Ezequiel 1:11

hich yilel te sit yelawique. Jujutuhl ay cheb xic' slichoj mohel te ya stahticlan sba soc yan. Te cheb xan xiq'uic smacoj sbaq'uetalic a.

Salmos 104:4

ya yac' te ha jal c'opetic yu'un te iq'uetic, soc ha a'batetic yu'un te yat c'ahc'.

San Lucas 1:26

Waqueb u ta patil te ch'ul a'bat Gabriel ticonot bahel yu'un Dios ta jun pueblo yu'un Galilea, Nazaret sbihil,

Apocalipsis 9:17

La jquil ta jnahalsit cawuhetic soc te mach'atic cajajtic tey a, ay smahquil stahnic te tsaj hich te bin ut'il c'ahc', te yax-el'el soc c'an hich te bin ut'il azufre. Te sjol te cawuhetic sjel ta sjol choj, soc yac ta loq'uel c'ahc' ta yehic soc ch'ahil soc azufre.

Salmos 141:2

Ac'a mohuc bahel ta atojol hich te bin ut'il pom te bin ya calbat; te jc'ab te jachoj mohel ta atojol hich ac'a c'ohtuc te bin ut'il milbil mahtanil ta tibiltic.

Ezequiel 14:14

te teyuc ay ta yohlilic a te Noé, Danel soc Job, ha nax ya xcolic ta libre ta yoxebalic te hichuque, ta scuenta te toj bin ya spasic, xchi te Jehová, te Ajwalil.

1 Reyes 18:29

C'ax ta ohlil c'ahc'al, tey noc'olic ta aw a c'alal ta yorahil yaq'uel te milbil mahtanil, pero mayuc chicnaj sc'op, mayuc mach'a la sjac', mayuc mach'a la yich' ta cuenta.