Daniel 9:19 - Bible in Tzeltal Bachajón

¹⁹ ¡A'iya awa'iy, Cajwal! ¡Pasa perdón, Cajwal! ¡A'iya awa'iy, Cajwal, soc pasa! Ta scuenta sc'uxul awo'tan, ma xhalajat, Dios cu'un, como yich'oj abihil te Jerusalén soc te pueblo awu'une.

Bible in Tzeltal de Oxchuc y Tenejapa

¹⁹ ¡Cajwal, Cajwal! ¡Aiya jc'optic, pasbotic perdón yu'un te jmultique! Ich'awotic ta wenta, Cajwal. La' coltayawotic, ta awenta nix ja'at, Dios cu'un, soc ta swenta Jerusalén, soc ta swenta te lum awu'un, te ya yalic wocol ta atojole. La' me ta ora —xoon ta sc'oponel te Diose.

Daniel 9:19 ပူးပေါင်းရင်းမြစ်များ

2 Crónicas 6:21

Soc a'iybeya sc'op te a'bat awu'un soc te sc'op te pueblo Israel awu'un c'alal ya yac' sit yelaw ta stojol te lugar ini yu'un ya sc'oponat. A'iybeya sc'opic c'alal ta ch'ulchan, te banti nahinemat; a'iybeya sc'opic soc pasbeya perdón.

2 Crónicas 6:39

a'iybeya c'alal ta ch'ulchan ta banti nahinemat te sc'opic soc te bin ya yalbat wocol yu'un, pasbeya te bin stojil ya sc'an pasel soc pasbeya perdón te pueblo awu'un te la sta smul ta atojol.

Isaías 43:7

spisil te mach'atic yich'beyejonic te jbihile, te la jchicnajtes yu'un ya xchicnaj a te cutsilale, ha te mach'atic la jpas soc te la jchahpan, xchihon.

Jeremías 14:7

Aunque ya yalotcotic te jmulcotic, ¡pasa, Jehová, ta scuenta yich'el ta muc' te abihile! Como p'ohlem te toybahil cu'uncotic, jtahoj jmulcotic ta atojol.

Jeremías 14:9

¿Bin yu'un hichat te bin ut'il jtuhl winic te ma sna' bin ya spas, te hichat te bin ut'il jtuhl soldado te ma xhu' ya xcoltaywan? Pero ayat ta cohlilcotic, Jehová, quich'ojbatcotic te abihile, ma me xapihtesotcotic.

Jeremías 25:29

Como ya xhahchon ta spasel bin chopol ta stojol te pueblo banti ya yich' halel te jbihile. ¿Yu'un bal ya xcolex te ha'exe? Ma ba ya xcolex, como ya jticon tal espada ta stojol spisil mach'atic nahinemic ta q'uinal, xchi te Jehová te scuentahinej spisil.

Ezequiel 20:14

Pero ay bin la jpas ta scuenta yich'el ta cuenta te jbihile, scuenta yu'un ma ba ya xbohlob sc'oblal ta stojol te nacionetic te la yilic bin ut'il la jloq'uesic tal ta Egipto.

Ezequiel 20:22

Pero la jcom jc'ab ta scaj yich'el ta muc' te jbihile, scuenta yu'un ma ba ya xbohlob sc'oblal ta stojol te nacionetic te la yilic la jloq'uesic tal ta Egipto.

Ezequiel 20:9

Pero ta scuenta yich'el ta muc' te jbihile, scuenta yu'un ma ba ya xbohlob sc'oblal te jbihil ta stojol te nacionetic te banti nahinemic ta yohlilic, te banti la jcac' jba ta na'ele, ay bin la jpas yu'un ya jloq'uesic tal ta sq'uinal Egipto.

Ezequiel 36:22

Ha yu'un, halbeya te sna Israel: Hich yaloj te Jehová, te Ajwalil: Te bin ya jpas, ma ha'uquex ta acuentahic, sna Israel, pero ta scuenta te jch'ul bihil, te la abohlobtesbeyic sc'oblal ta yohlil te nacionetic te banti c'ohemexe.

Ezequiel 39:25

Ha yu'un, hich yaloj te Jehová, te Ajwalil: Yo'tic ya cac' suhtuc talel te jchuqueletic yu'un Jacob, soc ya jna'be yo'bolil sba spisil te sna Israel; soc ya cac' ta ilel te xut'et co'tan yu'un te jch'ul bihile.

Daniel 9:18

Ac'a achiquin a, Dios cu'un, a'iya awa'iy; jama asit, ilawil te jinel cu'uncotic soc te muc'ul pueblo te yich'oj te abihile. Ma yu'unuc te ay bin ya jc'ambatcotic ta scaj te toj bin ya jpascotic, pero ta scaj bayel sc'uxul awo'tan.

Amós 7:2

C'alal lajix swe'bel a te ya'malel q'uinal te c'ulubetic, hich la jcal: ¡Cajwal Jehová, pasa perdón! ¿Bin ut'il c'an cuhchuc yu'un te Jacob, te melel ha tut? xchihon yu'un.

Números 14:19

Pasbeya perdón yu'un smulic te pueblo ini ta scuenta te smuc'ul sc'uxul awo'tan, hich te bin ut'il la apasbe perdón te pueblo ini c'alal loq'uic tal ta Egipto c'alal ora, xchi.

Números 6:27

Hich ya yalbonic jbihil ta stojol te snich'nab Israel, hich ya ca'be bendición, xchi.

San Lucas 11:8

Ya calbeyex, aunque ma ba ya xhahch ya'be te bin ut'il ha yamigo, ha ya xhahch yu'un te ma xquehchaj ta c'op, hich ya ya'be spisil te bin ya xtuhun yu'une.

Hechos 15:17

scuenta yu'un ya slehic te Cajwaltic te yantic ants-winiquetic, soc spisil te jyanlumetic te yich'beyejon jbihil,

Efesios 1:12

scuenta yu'un ya xhalbot yutsil sc'oblal ta jcuentacotic, ho'otcotic te nahil smuc'ulinej co'tancotic te Cristohe.

Efesios 1:6

scuenta yu'un hich ya yich' halbeyel yutsil sc'oblal te yutsil yo'tan te la sc'uxultayotic a ta scuenta te Mach'a c'ux ta yo'tane.

Efesios 3:10

scuenta yu'un ta ora ini, ta scuenta te iglesia, spisil mach'atic ayic ta ch'ulchan te ay yu'elic soc te ay ya'telic ya me x'a'bot sna'ic te c'ax bayel sp'ijil yo'tan te Diose,