Daniel 9:18 - Bible in Tzeltal Bachajón

¹⁸ Ac'a achiquin a, Dios cu'un, a'iya awa'iy; jama asit, ilawil te jinel cu'uncotic soc te muc'ul pueblo te yich'oj te abihile. Ma yu'unuc te ay bin ya jc'ambatcotic ta scaj te toj bin ya jpascotic, pero ta scaj bayel sc'uxul awo'tan.

Bible in Tzeltal de Oxchuc y Tenejapa

¹⁸ Ich'bon ta wenta te jc'ope, Dios cu'un, aiybon awaiy te jc'ope. Ac'a asit ta yilel te bitic jinem cu'untique, soc te lum te banti ya yich' alel wocol ta atojole. Ma yu'unuc lec cat'eltic te ya caltic wocol ta atojole; ja' nax smuc'ulinej co'tantic te smuc'ul xc'uxul awo'tan te ja'ate.

Daniel 9:18 ပူးပေါင်းရင်းမြစ်များ

1 Reyes 8:29

Jamaluc asit ta c'ahc'alel soc ta ahc'abal ta stojol te Na ini, te banti lugar te hich awaloj: Tey ya x'ayin a te jbihil, te xchihate, scuenta yu'un yac awa'iybe sc'op te a'bat awu'un te c'alal ya sc'oponat ta lugar ini.

2 Reyes 19:16

Ts'ehana achiquin, Jehová, a'iya me; jama asit, Jehová, ilawil; a'iybeya te sc'op la sticon tal te Senaquerib ta sbohlc'optayel te cuxul Dios.

Salmos 116:1

C'ux ta co'tan te Jehová yu'un la ya'iybon jc'op soc te bintic la jc'ambe,

Salmos 25:6

Na'a me, Jehová, te t'ujbil yutsil awo'tan soc te sc'uxul awo'tan te sbahtel q'uinal ayic.

Éxodo 3:7

Patil hich la yal te Jehová: Melel la jquilbeyix swocol te pueblo cu'un te ay ta Egipto, soc la jca'iybeyix yawic yu'un te jsujawetic yu'unic ta a'tel. Ya jna'be yo'bolil sbahic yu'un te swocolique.

Isaías 37:17

Ts'ehana achiquin, Jehová, a'iya awa'iy; jama asit, Jehová, ilawil; a'iya awa'iy spisil te c'opetic yu'un te Senaquerib te la sticon tal ta sbohlc'optayel te cuxul Dios.

Isaías 43:7

spisil te mach'atic yich'beyejonic te jbihile, te la jchicnajtes yu'un ya xchicnaj a te cutsilale, ha te mach'atic la jpas soc te la jchahpan, xchihon.

Isaías 64:12

Ta spisil ini, Jehová, ¿ma bal ayuc bin yac apas yu'un? ¿Ch'abalat bal soc jc'axel bal yac awa'botcotic castigo?

Isaías 64:6

Jpisilcotic hich ayotcotic te bin ut'il bin bohloben sc'oblal, spisil te bintic stojil jpasojcotic hich c'ohemic te bin ut'il bohloben pac'; jpisilcotic luhbajemotcotic cohel hich te bin ut'il ya'binal te', soc te bintic chopol jpasojcotic hich la stasotcotic bahel te bin ut'il ic'.

Jeremías 14:7

Aunque ya yalotcotic te jmulcotic, ¡pasa, Jehová, ta scuenta yich'el ta muc' te abihile! Como p'ohlem te toybahil cu'uncotic, jtahoj jmulcotic ta atojol.

Jeremías 14:9

¿Bin yu'un hichat te bin ut'il jtuhl winic te ma sna' bin ya spas, te hichat te bin ut'il jtuhl soldado te ma xhu' ya xcoltaywan? Pero ayat ta cohlilcotic, Jehová, quich'ojbatcotic te abihile, ma me xapihtesotcotic.

Jeremías 15:16

La yich' tahel te ac'ope, ho'on la jwe'; ha stse'elil co'tan c'oht te ac'ope soc ha yutsil co'tan c'oht, como quich'ojbat abihil, Jehová, Diosat te acuentahinej spisil.

Jeremías 25:29

Como ya xhahchon ta spasel bin chopol ta stojol te pueblo banti ya yich' halel te jbihile. ¿Yu'un bal ya xcolex te ha'exe? Ma ba ya xcolex, como ya jticon tal espada ta stojol spisil mach'atic nahinemic ta q'uinal, xchi te Jehová te scuentahinej spisil.

Jeremías 36:7

Ya wan xc'oht ta stojol Jehová te bin ya yalic wocol yu'un, soc jujutuhl ya wan yihquitayic hilel te chopol be yu'unique; como muc' te yilimba soc sc'ahc'al yo'tan te Jehová te ya xhul ta stojol te pueblo ini, xchi.

Jeremías 37:20

Awocoluc, ajwalil cu'un, a'iybon awa'iy te bin ya jc'ambat ta atojol: Ma xawac' te ya suhton bahel ta sna Jonatán te jts'ihbajel, scuenta yu'un ma ba ya xlajon tey a, xchi.

Ezequiel 36:22

Ha yu'un, halbeya te sna Israel: Hich yaloj te Jehová, te Ajwalil: Te bin ya jpas, ma ha'uquex ta acuentahic, sna Israel, pero ta scuenta te jch'ul bihil, te la abohlobtesbeyic sc'oblal ta yohlil te nacionetic te banti c'ohemexe.

Ezequiel 36:32

Na'a me te ma ha'uc hich ya jpas ta acuentahic, xchi te Jehová, te Ajwalil. ¡Q'uexawanic soc mela awo'tanic yu'un te achopolilique!

Daniel 9:7

Ha'at awu'un, Jehová, te bin toj ta pasel, pero ho'otcotic ayotcotic ta q'uexlal c'alal ora yo'tic, spisil mach'atic yu'un Judá, te mach'atic nahihenic ta Jerusalén soc spisil Israel, te nopol ayic soc te namal ayic, ta spisil q'uinal ta banti la apucticlan bahel ta scaj stoybahilic ta atojol.

Números 6:27

Hich ya yalbonic jbihil ta stojol te snich'nab Israel, hich ya ca'be bendición, xchi.

1 Corintios 1:2

ya jpatbecotic yo'tanic te iglesia yu'un Dios te ay ta Corinto, te mach'atic ch'uhltesbilic ta scuenta Cristo Jesús, te ic'bilic yu'un pajal ya yich'ic ch'ultesel soc spisil yantic ta bayuc te ya yalbeyic wocol ta scuenta sbihil te Cajwaltic Jesucristo, te Ajwalil yu'unic soc cu'untic.