Daniel 9:16 - Bible in Tzeltal Bachajón

¹⁶ Cajwal, hich te bin ut'il stojil spisil te bintic yac apas, loq'uesa awilimba soc te sc'ahc'al awo'tan ta stojol Jerusalén te pueblo awu'un, te ch'ul wits awu'une; como ta scaj jmulcotic soc schopolil te jme'jtatcotic te tse'laybil c'oht te Jerusalén soc te pueblo awu'un yu'un spisil mach'atic ayic ta joyobalcotic.

Bible in Tzeltal de Oxchuc y Tenejapa

¹⁶ Cajwal, ya jna'tic te mero lec awo'tane. Wocoluc a, loq'uesaix ta Jerusalén te awilimba soc te sc'ajc'al awo'tane, melel ja' lum awu'un, soc ja' ch'ul wits awu'un. Ta spisil te yajwal yantic nacionetic te nopol ayotic soque, ya slabanic te Jerusalén, ja' te lum awu'une, ta scaj te jmultique, soc nix te smulic te antiguo jme'-jtatique.

Daniel 9:16 ပူးပေါင်းရင်းမြစ်များ

Nehemías 9:8

La awil te jun yo'tan ta atojol, la achap ac'op soc yu'un yac awa'be te sts'umbal te q'uinal yu'un te cananeo, heteo, amorreo, ferezeo, jebuseo soc te gergeseohetic. La awac' c'ohtuc ta pasel te bin la awal, como toj awo'tan.

Salmos 143:1

Jehová, a'iybon awa'iy jc'op, a'iya te bin ya calbat wocol yu'un. ¡Jac'bon jc'op te bin ut'il stalel jun awo'tan soc toj awo'tan!

Salmos 31:1

Ha'at smuc'ulinejat co'tan, Jehová; ma me ayuc bin ora ya jta q'uexlal. ¡Ac'awon ta libre ta scuenta stojil awo'tan!

Salmos 41:13

¡Bayel yutsil te Jehová, te Dios yu'un Israel, ta spisil ora soc ta sbahtel q'uinal! Hichuc, hichuc.

Salmos 71:2

Coltayawon, ac'awon ta libre te bin ut'il toj awo'tan; ac'a tal achiquin, coltayawon.

Salmos 79:4

Te jpat-xuhcotic ya slabanotcotic, ya stse'layotcotic te mach'atic ayic ta joyobalcotic.

Salmos 85:4

Cha'lecubtesawotcotic, Diosat yu'un te jcolelcotic, ac'a lahmajuc awilimba ta jtojolcotic.

Salmos 89:51

como te acontratac, Jehová, la slabanic, la slabanic te jujujihm yoc te mach'a tsahbil awu'une.

Éxodo 20:5

Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

Isaías 5:25

Ha scuentahil te tihl yilimba Jehová ta stojol te pueblo yu'un, soc te la shach sc'ab ta scontrahinel soc te la yehchentes; nihc te witsiltic, te schamen-baq'uetalic ch'ojbilic hilel ta callehetic. Ta spisil ini, ma ba quehchaj te yilimba Jehová, shachoj to te sc'ab ta yaq'uel castigo.

Jeremías 24:9

Ya cac' te ha xiweltic sba soc ha seña bin chopol ya xc'ohtic ta stojol spisil te nacionetic ta bahlumilal, soc tse'laybilic, p'ajbilic, labambilic soc ma lecuc sc'oblal ya xc'ohtic ta bayuc te ya jpucticlan bahele.

Jeremías 29:18

Ya jnutsticlan bahel ta espada, ta wi'nal soc ta jmilawal-chamel, soc ya cac' te xiweltic sba ya xc'ohtic ta stojol spisil te nacionetic ta bahlumilal, te ma lecuc sc'oblalic, te xiweltic sba, labambilic soc tse'laybilic ta stojol spisil te nacionetic ta banti la jpucticlan bahele.

Jeremías 32:31

C'alal hahch ta spasel te pueblo ini ha to c'alal ora yo'tic ha nax la shachbon te sc'ahc'al co'tan soc quilimba; ha yu'un ya jloq'ues bahel ta jtojol

Jeremías 32:32

ta scaj spisil bintic chopol la spasic te snich'nab Israel soc snich'nab Judá te la shachbonic quilimba a, ha te ajwaliletic, príncipaletic, sacerdotehetic, jalwanejetic yu'unic, spisil te winiquetic yu'un Judá soc te mach'atic nahinemic ta Jerusalén.

Ezequiel 22:4

La ata amul yu'un te ch'ich' amaloj soc la abohlobtes aba yu'un te loc'ambahetic te la apase; la awac' nohpojuc aworahil soc la awac' c'ohtuc yorahil te slajibal c'ahc'al awu'unique. Ha yu'un la jcac' te yac awich' bohlc'optayel yu'un te nacionetic, soc te yac awich' tse'layel yu'un spisil te q'uinaletique.

Ezequiel 5:14

Ya jc'atp'unat ta busul jinel soc ta labanel ta stojol te nacionetic te ayic ta ajoyobal, ta comon sitil spisil mach'atic ya xc'axic tey a.

Daniel 11:45

Ya spas te nahilpaq'uetic yu'un ajwalil ta ohlil yu'un te mar soc te ch'ul wits te ay yutsilal; pero tey ya xlaj a, mayuc mach'a ya xcoltayot yu'un.

Daniel 9:20

C'alal yacon ta sc'oponel Dios soc ta yalel ta jamal te jmul soc smul te jlumal Israel, soc ta yalel wocol ta stojol Jehová te Dios cu'un yu'un te ch'ul wits yu'une;

Joel 3:17

Hich me yac ana'ic a te ho'on Jehovahon te Dioson awu'unic, te nahinemon ta Sión, te ch'ul wits cu'une. Te Jerusalén ha ch'ul pueblo ya xc'oht, ma me ayuquix bin ora ya x'u'untayotix yu'un jyanlumetic.

Zacarías 8:3

Hich yaloj te Jehová: Ya suhton tal ta Sión soc ya xnahinon ta Jerusalén. Te Jerusalén ha pueblo yu'un bin Smelelil ya xc'oht sbihil, soc te wits yu'un Jehová te scuentahinej spisil, ha Ch'ul Wits ya xc'oht sbihil.

2 Tesalonicenses 1:6

Ha stojil ta stojol Dios te ya ya'be stoj ta wocol te mach'atic ya ya'beyex awocolic,

1 Juan 1:9

Yan teme ya caltic ta jamal te jmultique, Dios ya spasbotic perdón yu'un jmultic soc ya spocbotic loq'uel spisil bintic chopol, como stalel jun yo'tan soc toj yo'tan stuquel.

1 Samuel 2:7

Te Jehová ya x'ac'awan ta pobre soc ya x'ac'awan ta jc'ulej; ya spehc'ambe sc'oblal soc ya stohytesbe sc'oblal.