Daniel 9:14 - Bible in Tzeltal Bachajón

¹⁴ Ha yu'un te Jehová la schahpan te bin chopol, la yac' tal ta jtojolcotic; como te Jehová te Dios cu'untic, stojil ay spisil bintic ya spas, pero ho'otcotic ma ba la jch'uhumbecotic te sc'ope.

Bible in Tzeltal de Oxchuc y Tenejapa

¹⁴ Ja' yu'un Cajwal, la achajban te bila amene, la awac' tel ta jtojoltic. Melel te ja'at Cajwal, Dios cu'untic, stojil ay stuquel spisil te bitic ya apase, pero jo'otic ma ba la jc'an caiytic te amandale.

Daniel 9:14 ပူးပေါင်းရင်းမြစ်များ

2 Crónicas 12:6

Ha yu'un te príncipaletic yu'un Israel soc te ajwalil la spehc'an sbahic, hich la yalic: Toj yo'tan te Jehová, xchihic yu'un.

Esdras 9:15

¡Jehová, Dios yu'un Israel, toj awo'tan! Ay mach'atic cuxul hilel cu'uncotic, hich te bin ut'il ta ora ini. Li' ayotcotic ta atojol soc te jmulcotic, ma spas te ya x'ayinotcotic ta atojol ta scaj te jmulcotic, xchi ta sc'oponel Dios.

Nehemías 9:33

Pero te ha'at, toj awo'tan yu'un spisil te bintic c'oht ta jtojolcotic; como toj bin la apas, yan te ho'otcotic chopol bin jpasojcotic.

Salmos 111:7

Te a'teliletic ya spas ta sc'ab ha smelelil soc stojil; spisil te mandariletic yu'un ya yac' smuc'ul-o'tanil;

Salmos 116:5

Te Jehová lec yo'tan soc toj yo'tan; bayel sc'uxul yo'tan te Dios cu'untique.

Salmos 119:137

Toj awo'tan, Jehová, soc toj ayic te bintic chahpambil awu'une.

Salmos 51:14

Coltayawon te manchuc ya ca'iy milaw, Dios cu'un, Diosat yu'un te jcolele; hich ya jc'ayojtaybe sc'oblal te stojil awa'tele.

Éxodo 9:27

Ha yu'un te faraón la sticon ta iq'uel te Moisés soc Aarón, hich la yalbe: Yo'tic la jtahix jmul. Te Jehová ha toj stuquel, yan te ho'on soc te jlumale chopolon soc.

Jeremías 12:1

Toj te bin yac apas, Jehová, te c'alal ya calbat te bin ut'il ayon. Pero ay bin ya joc'obat: ¿Bin yu'un te lec ya xc'oht ta loq'uel te mach'atic chopolic, soc te lec ayic te j'ac'awetic ta c'abal?

Jeremías 31:28

Hich te bin ut'il la jtsahtay ta sbulel loq'uel soc ta jinel cohel, ta slajinel, ch'ayel soc ta ya'beyel swocolic, ha nix hich ya jtsahtay ta spasel soc ta sts'unel, xchi te Jehová.

Jeremías 4:17

Ha ya sjoytayic hich te bin ut'il mach'atic ya scanantayic q'uinal, como la stoy sba ta jtojol, xchi te Jehová.

Jeremías 44:27

como yacon ta yilel ta stojolic te ya ca'be te bin chopol, ma ha'uc te bin leque. Spisil te winiquetic yu'un Judá te ayic ta sq'uinal Egipto ya me xlajic ta espada soc ta wi'nal, ha to c'alal ya xlaj spisilic.

Lamentaciones 1:5

Te scontratac ha príncipaletic c'ohtic, lec c'ohtic te mach'atic p'ajotic yu'un, como te Jehová la ya'be swocol yu'un bayel te smule. Te yal-snich'nab bahtic ta chuquel ta stojol te contrahe.

Ezequiel 16:43

Te bin ut'il ma ba la ana' te c'alal ach'ixat to a, te la awac' hahchuc quilimba yu'un spisil ini, ha yu'un ya cac' taluc ta atojol te bintic apasoj, xchi te Jehová, te Ajwalil; ni ha'uc la ana' spisil te bintic ilobtic sba awu'une.

Daniel 4:34

C'alal ts'acay te yorahil, ho'on Nabucodonosor, la jquil mohel ta ch'ulchan, la jna' xan q'uinal. La jcalbe wocol te Mach'a mero toyol ay, la jcalbe yutsil sc'oblal soc la jquich' ta muc' te Mach'a cuxul scuenta sbahtel q'uinal, hich la jcal: Sbahtel q'uinal ay te cuentahinel yu'un, ay ta ajwalinel ta cajalcaj ts'umbalil.

Daniel 9:7

Ha'at awu'un, Jehová, te bin toj ta pasel, pero ho'otcotic ayotcotic ta q'uexlal c'alal ora yo'tic, spisil mach'atic yu'un Judá, te mach'atic nahihenic ta Jerusalén soc spisil Israel, te nopol ayic soc te namal ayic, ta spisil q'uinal ta banti la apucticlan bahel ta scaj stoybahilic ta atojol.