Daniel 9:13 - Bible in Tzeltal Bachajón

¹³ Hich te bin ut'il ts'ihbabil ta ley yu'un Moisés, c'oht ta jtojolcotic spisil te bintic wocol ini; pero ma ba calbeyejcotic wocol Jehová te Dios cu'untic, ma ba la jquihquitaycotic te jchopolilcotic o ma ba la jquich'cotic ta cuenta te smelelil c'op awu'une.

Bible in Tzeltal de Oxchuc y Tenejapa

¹³ Ta spisil te bitic amen julem tel ta jtojoltic, ja' yac ta c'oel ta pasel te bila ts'ibubil ta mandaliletic yu'un Moisés. Pero te jo'otique, ma ba ya jleticat, Cajwal Dios cu'untic, ma ba quijq'uitayejtic te bila amen ya jpastique, ni ma ba t'unbil cu'untic te smelelil c'op awu'une.

Daniel 9:13 ပူးပေါင်းရင်းမြစ်များ

2 Reyes 22:16

Hich ya yal te Jehová: Ya cac' taluc ta stojol te lugar ini soc ta stojol te mach'atic nahinemic tey a spisil te wocol te ya yal te libro ini, te la yilix te ajwalil yu'un Judá,

Job 36:13

Te mach'atic chopol yo'tanic ya stsob yilimbahic, soc ma x'awonic ta sc'anel coltayel te c'alal chuculic yu'un.

Salmos 119:18

Jambon jsit yu'un ya quil te yutsilal ta Ley awu'une.

Salmos 119:27

A'bon jna' te sbehlal te mandariletic awu'un, hich ya jna'ulan te yutsil a'teliletic awu'une.

Salmos 119:73

Ha la spason te ac'ab soc la schahpanon; a'bon jna' yu'un hich ya jnop a te mandariletic awu'une.

Salmos 85:4

Cha'lecubtesawotcotic, Diosat yu'un te jcolelcotic, ac'a lahmajuc awilimba ta jtojolcotic.

Isaías 31:1

¡Ay me swocolic te mach'atic ya xcohic bahel ta Egipto ta slehel coltayel, te ha smuc'ulinej yo'tanic te cawuhetic, te ya smuc'ulin yo'tanic te bin ut'il ay bayel carretahetic yu'unic, soc te bin ut'il ay yipic te jmoheletic ta cawu, te ma ba ya yac' sitic ta stojol te Ch'ul Dios yu'un Israel, ma ba ya slehic te Jehová!

Isaías 42:9

Ilawil, c'ohtix ta pasel te bintic ay ta nahilal, soc ya calbe sc'oblal te bintic yach'ile; te c'alal ma to ba c'ohem ta pasel a ya calbeyex sc'oblal, xchi te Jehová.

Isaías 43:22

Pero ma ba la ac'oponon, Jacob, luhbat ta jtojol, Israel.

Isaías 64:6

Jpisilcotic hich ayotcotic te bin ut'il bin bohloben sc'oblal, spisil te bintic stojil jpasojcotic hich c'ohemic te bin ut'il bohloben pac'; jpisilcotic luhbajemotcotic cohel hich te bin ut'il ya'binal te', soc te bintic chopol jpasojcotic hich la stasotcotic bahel te bin ut'il ic'.

Isaías 64:7

Mayuc mach'a te ya sc'oponat ta abihil, o te ya spas tulan te ya sc'ambat coltayel; como la anac' asit ta jtojolcotic, soc la awac' te sayubotcotic yu'un te yip te jmulcotique.

Isaías 9:13

Pero te pueblo ma ba la suhtes yo'tanic ta stojol te mach'a a'bot castigo yu'une, ma ba la slehic te Jehová te scuentahinej spisil.

Jeremías 2:30

Tojol la jca'be castigo te anich'nabic, ma ba la yich'ic ta cuenta te tojobtesele. Te espada awu'unic la slajinlan te jalwanejetic hich te bin ut'il choj ya xbutsticlanwan.

Jeremías 30:14

Spisil te mach'atic smulanejat ya xch'ayat ta yo'tanic; ma ba ya slehat, yu'un la jquehchentesat hich te bin ut'il acontra, ha te castigo yu'un j'uts'inwanej, ta scaj te c'ax muc' achopolil soc te bayel amul.

Jeremías 31:18

La jca'iybe yoq'uel te Efraín, te hich la yal: La awa'bon castigo, hich la jquich'ix castigo te bin ut'il jcoht tut toro te ma ba c'ahytesbile. Ic'awon suhtel, hich ya suhton tal, como ha'at Jehovahat te Diosat cu'une.

Jeremías 44:23

Ta scaj te la achiq'uic pom soc la ata amulic ta stojol Jehová soc ma ba la ach'uhumbeyic sc'op te Jehová soc ma ba la at'unic te Ley o te mandariletic o te testigo-c'op yu'une, ha scuentahil te tal ta atojolic te bintic chopol ini, hich te bin ut'il ay c'alal ora ini, xchi.

Jeremías 44:27

como yacon ta yilel ta stojolic te ya ca'be te bin chopol, ma ha'uc te bin leque. Spisil te winiquetic yu'un Judá te ayic ta sq'uinal Egipto ya me xlajic ta espada soc ta wi'nal, ha to c'alal ya xlaj spisilic.

Jeremías 5:3

Jehová, ¿ma bal yacuc yil asit te bin melele? La amajticlan, pero ma ba c'ux la ya'iyic; la alajinlan, pero ma ba la sc'anic tojobtesel. La stulantes sit yelawic c'ax hich a te bin ut'il ton, ma ba la sc'an la suhtes yo'tanic.

Lamentaciones 5:21

Ic'awotcotic suhtel tal ta atojol, Jehová, yu'un hich ya suhtotcotic talel a; ach'ubtesbotcotic jcuxlejalcotic hich te bin ut'il ta nahil to.

Ezequiel 16:43

Te bin ut'il ma ba la ana' te c'alal ach'ixat to a, te la awac' hahchuc quilimba yu'un spisil ini, ha yu'un ya cac' taluc ta atojol te bintic apasoj, xchi te Jehová, te Ajwalil; ni ha'uc la ana' spisil te bintic ilobtic sba awu'une.

Daniel 9:11

Spisil Israel la sc'axuntaybat te Ley awu'un, la yihquitayic sch'uhunel ac'op. Ha yu'un tal ta jtojolcotic te bin ma lecuc sc'oblal soc te bin halbil ta jamal te ts'ihbabil ta ley yu'un Moisés, te a'bat yu'un Dios, como la jta jmulcotic ta stojol Dios.

Oseas 7:10

Te stoybahil Israel ha nix ya xhalot yu'un; pero ma ba ya suhtic tal, ma ba ya slehic te Jehová te Dios yu'unique.

Oseas 7:14

Ma ba la yawtayon soc spisil yo'tanic te c'alal oq'uic ta swayibic; la stsob sbahic ta scuenta trigo soc vino, la stoy sbahic ta jtojol.

Oseas 7:7

Spisilic hich sc'ahc'alic te bin ut'il horno, ya slajinic te jtsobawetic yu'unique. Hich yahlic spisil te ajwaliletic yu'unic, mayuc mach'a ya sc'oponon.

San Lucas 24:45

Hich la sjambe yo'tanic scuenta yu'un ya xc'oht ta yo'tanic te bin ya yal te Shun Diose.

San Juan 10:35

Teme, diosex, xchi sc'oblalic te mach'atic hul ta stojolic te sc'op Diose, (ma xhu' ya xch'ay te bin ts'ihbabil ta Shun Dios),

San Juan 6:45

Hich ts'ihbabil yu'un te jalwanejetic: Spisilic ya me xp'ijubtesotic yu'un Dios, xchihic. Ha yu'un spisil te mach'atic ya ya'iyic te Tatil soc te ya yich'ic p'ijubtesel yu'une, ya me xtalic ta jtojol.

San Juan 8:32

soc ya me ana'beyic sba te smelelil c'op, soc ha ya yaq'uex ta libre te smelelil c'ope, xchi.

Efesios 4:21

teme melel awa'iybeyejic sc'op soc teme la awich'ic p'ijubtesel ta scuenta, hich te bin ut'il ay te smelelil c'op ta stojol Jesús.

Deuteronomio 29:4

Pero c'alal ora yo'tic te Jehová ma ba ya'beyejex sp'ijil awo'tanic ta sna'el, o asitic ta yilel, o achiquinic ta ya'iyel.

Santiago 1:5

Teme ay mach'a mayuc sp'ijil yo'tan, ac'a sc'ambe Dios, ma p'isbiluc nax ya yac' stuquel soc mayuc mach'a ya sp'aj, ya me x'a'bot yu'un.