Daniel 8:9 - Bible in Tzeltal Bachajón

⁹ Ay tut xulub te loc' tal ta jun xulubil, te nahtub bahel ta stojol sur, ta stojol banti ya xloc' tal c'ahc'al, soc ta stojol te t'ujbil q'uinale.

Bible in Tzeltal de Oxchuc y Tenejapa

⁹ Pero ay jun te xulub te loc' xan tel yan ch'in xulubil tey a, te mero bayal najt'ub bael ta stojol sur, ta stojol sloq'uib c'aal, ta stojol te Lumq'uinal Mero T'ujbil te xi' sbiile.

Daniel 8:9 ပူးပေါင်းရင်းမြစ်များ

Salmos 105:24

Te Jehová la yac' te bayel p'ohl te pueblo yu'un, c'ax hich yip la ya'be a te bin ut'il te scontratac.

Salmos 48:2

¡Mero t'ujbil stoyolil, ha yutsil yo'tan swohlol bahlumilal te wits Sión, ta stojol norte, te muc'ul pueblo yu'un te Muc'ul Ajwalil!

Jeremías 3:19

Hich la jcal: Mero la jc'an te ya caq'uex ta al-nich'anetic cu'un soc te ya ca'beyex t'ujbil q'uinal, ha te q'uinal te c'ax hich yutsil a te bin ut'il te yich'ojic yantic nacionetic. La jcal te, Jtat, xchihuquex ta jtojol, te ma ba yac awihquitay aba at'umbelon.

Ezequiel 20:15

Ha nix hich la jach jc'ab ta jochol taquin q'uinal, la jcalbe ta jamal te ma ba ya cac'ticlan ochel ta q'uinal te ca'beyejic, ha te q'uinal banti ya x'oquin leche soc chab soc c'ax hich t'ujbil a te bin ut'il spisil q'uinaletic,

Ezequiel 20:6

Te bin ora la jach jc'ab, te la jcal jba ta jamal te ya quic'ticlan loq'uel tal ta sq'uinal Egipto yu'un ya xbahtic ta q'uinal te tsahbil cu'un, ha te q'uinal banti ya x'oquin leche soc chab soc c'ax hich t'ujbil a te bin ut'il spisil q'uinaletic,

Daniel 11:16

Te mach'a tal ta contrahinel ya me spas te bin ya sc'an yo'tan, mayuc mach'a ya xhu' ya stsac sba soc. Ya xhalaj ta t'ujbil q'uinal te ya xlajinot yu'un te yipe.

Daniel 11:21

Ya xchicnaj sjelol jtuhl winic te p'ajbil, te ma ba ac'ot ta ich'el ta muc' hich te bin ut'il ya sc'an ajwalil. Repente nax ya xtal soc ya yich' ya'tel ta ajwalil ta scuenta lo'loywanej.

Daniel 7:8

Te c'alal yacon ta snopbeyel sc'oblal te xulubiletic, loc' talel yan tut xulubil ta yohlilic, soc la yich' bulel oxch'ix xulubil ta stojol te nahil ayique. Te xulub ay sit hich te bin ut'il sit winic soc ay ye te yac yalbel toyba-c'op.

Zacarías 7:14

ha la jpucticlan bahel ta sutu-ic' ta stojol spisil te nacionetic te ma ba sna'beyejic sbahe. Jimbil hil te q'uinal c'alal ihquitayot yu'unic, mayuc mach'a xtal xc'ax tey a; hich la sc'atp'unic ta jochol taquin q'uinal te t'ujbil q'uinale, xchi.