Daniel 8:8 - Bible in Tzeltal Bachajón

⁸ Te tat tentsun c'ax muc' c'oht; pero c'alal bayelix yip a, wac' te smuc'ul xulube, tey loc' tal chanch'ix muc'ul xulubiletic a, te jujune yiloj bahel ta schanxuhcul te q'uinale.

Bible in Tzeltal de Oxchuc y Tenejapa

⁸ Te tat tentsun yantic yilel yac ta yich'el xan yip, pero te bi ora bayal yip a, c'as te jch'ix smuc'ul xulube. Tey ta yawil loc' tel yan chanch'ix xulub, jich baemic sni'il ta jujun ta xchanxujc'ul te q'uinale.

Daniel 8:8 ပူးပေါင်းရင်းမြစ်များ

2 Crónicas 26:16

Pero te c'alal la sta yip, la stoy sba, hich la sta jinel yu'un. Ma junuc yo'tan ta stojol Jehová te Dios yu'un, ha och bahel ta templo yu'un Jehová ta schiq'uel pom ta scajtajib ta chiq'uel pom.

Ester 9:4

Como te Mardoqueo mero muc' sc'oblal ta sna te ajwalil, soc puhc sc'oblal ta spisil ta jsehp q'uinal. Xquechcon ta muc'ubel sc'oblal te Mardoqueo.

Jeremías 49:36

Ya cac' tal ta stojol Elam te schanxuhcul iq'uetic te ya xtal ta schanxuhcul te ch'ulchane; ya pucticlan bahel ta schanxuhcul te iq'uetique. Mayuc nación te banti ma ba ya xbaht ta ahnel te mach'atic yu'un Elam.

Jeremías 5:27

Hich te bin ut'il na nojel ta mutetic, hich nojel ta lo'loywanej te snahique; hich muc' c'ohtic soc te ay sc'ulejalic.

Ezequiel 16:7

La jcac' muc'ubat hich te bin ut'il ha'mal ta q'uinal. Muc'ubat, muc' c'ohat, t'ujbil ants c'ohat. Muc'ubic achu' soc nahtub stsotsel ajol; pero mero watalat, mayuc ac'u'.

Ezequiel 28:9

¿Hich bal ya xc'opojat ta stojol te mach'a ya smilat: Ho'on dioson, xchihat bal? Ha'at winicat, ma diosucat ta sc'ab te mach'a ya smilate.

Daniel 11:4

Pero te c'alal hahchemix a, ya me yich' jimbeyel te ban c'alal scuentahinej soc ya yich' puhquel ta schanchahpal te ic' yu'un te ch'ulchan; ma ba ya x'a'bot te sts'umbal soc ma ba ya stahbe c'ohel yip te bin ut'il te yu'une, como ya me yich' bulel loq'uel, ha ya x'a'bot ta scuenta yantic.

Daniel 4:31

Yac to ta c'op a te ajwalil, chicnaj c'op ta ch'ulchan te hich la yal: Hich ya yalbat ac'oblal, ajwalil Nabucodonosor: La awich'ix loq'uesel ta awa'tel ta ajwalil.

Daniel 5:20

Pero c'alal la stoy sba soc te tulan la yac' sba yu'un te stoybahil, la yich' loq'uesel ta shuctajib soc la yich' pojbeyel te yutsilale.

Daniel 7:2

Hich la yal te Daniel: La jquil ta jnahalsit ta ahc'abal, te chanchahp ic' la stijbeyic te muc'ul mar.

Daniel 7:6

Patil la jquil yan chambahlam, pajal yilel soc c'anbo'olay choj te ay chaneb xic' ta spat soc ay chaneb sjol; a'bot ya'tel ta cuentahinwanej.

Daniel 8:22

Te xulubil te wac', te loc' chaneb xulubiletic tey a, ha sc'oblal te ya xloc' chanchahp nacionetic tey a, pero ma pajaluc yipic soc te shahchibal ajwalile.

Daniel 8:5

C'alal yacon ta sna'el ini, tal jcoht tat tentsun ta stojol smahlib c'ahc'al, yac ta c'axel ta q'uinal, ma ba la sta lum. Te tat tentsun ay xulub ta yohlil sti'ba te chican ta lec.

Daniel 8:7

La jquil te nohpoj tal ta stojol te tat tuminchij; soc sc'ahc'al yo'tan la scuj, la swac'be schebal te xulube. Te tat tuminchij mayuc yip te ya stsac sba soc. Te tat tentsun la sjip ta lum te tat tuminchij, la sts'o'ts'o'tec', mayuc mach'a hu' yu'un te ya scoltay ta yip.

San Mateo 24:31

Soc ya me sticonlan bahel te ch'ul a'batetic yu'un soc tulan yoq'uel corneta, ya stsobic tal ta schanebal ic' te mach'atic tsahticlambil yu'un, c'alal ta jehch ta jehch sti'il te ch'ulchane.

San Marcos 13:27

Ya me sticon bahel te ch'ul a'batetic yu'un ta stsobel tal te mach'atic tsahbilic yu'un ta schanebal ic', c'alal ta sjehchelul bahlumilal c'alal ta sjehchelul ch'ulchan.

Deuteronomio 31:20

Como te c'alal ya cac' ochel tey ta q'uinal te jc'axel la jcalbe ta jamal te sme'static, ha te q'uinal te banti ya x'oquin leche soc chab, ya me xwe'ic, ya xnoj sch'uhtic yu'un soc ya xjuhp'ic, ya suhtic xan ta stojol yantic diosetic soc ya me yac' sbahic ta a'batinel ta stojolic, ya me yilintayonic soc ya me sjinic te chapbil-c'op cu'une.

Apocalipsis 7:1

Patil la jquil chaneb ch'ul a'batetic tec'ajtic ta schanxuhcul bahlumilal, scomojic te chaneb ic' te ya xbehenic ta bahlumilal scuenta yu'un ma ba ya xbehen ic' ta q'uinal, ta mar o ta te'etic.