Daniel 8:25 - Bible in Tzeltal Bachajón

²⁵ Ta scuenta sp'ijil yo'tan ta lo'loywanej ya yac' te ya ya'iy tsalaw te lo'loyele; ya scuy sba ta muc', ya me smilticlan tsobolic te jun yo'tanic ayique. Ya xhahch scontrahin te Príncipal yu'un te príncipaletic, pero ya me yich' jinel, ma ha'uc ta sc'ab winic.

Bible in Tzeltal de Oxchuc y Tenejapa

²⁵ Ta swenta sp'ijil yo'tan ta lo'laywanej, ya xju' yu'un tsalaw. Ya me xnoj ta yo'tan toybail, bayal me ya smuquen-mil te mach'atic jun yo'tanic ta stojole. Ya me stoy sc'ab ta stojol te Ajwalil yu'un ajwaliletique. Pero jc'axel me ya xlajinot yu'un stuquel.

Daniel 8:25 ပူးပေါင်းရင်းမြစ်များ

Job 34:20

Jts'ihn nax ya xchamic, ta ohlil ahc'abal; ya yehchentes, ya xch'ayic bahel, te mach'a ay yip ya'tel ma ta scuentahuc c'abal ya yich' loq'uesel.

Jeremías 48:26

¡Yacubtesahic te Moab, como la stoy sba ta stojol te Jehová! ac'a sbal sba ta xe te Moab, soc ac'a yich' labanel.

Lamentaciones 4:6

C'ax hich smul c'oht a te jlumal te bin ut'il te smul Sodoma, te ora nax jinot, aunque mayuc mach'a tal ta contrahinel yu'un.

Daniel 11:12

Te c'alal tsalbilix yu'un te tsobol soldadohetic, ya stoy sba soc ya smilticlan bayel ta mil, pero ma ba ya xhalaj te yipe.

Daniel 11:45

Ya spas te nahilpaq'uetic yu'un ajwalil ta ohlil yu'un te mar soc te ch'ul wits te ay yutsilal; pero tey ya xlaj a, mayuc mach'a ya xcoltayot yu'un.

Daniel 7:26

Pero ya shuhcan sbahic ta chahpanwanej te jchahpanwanejetique, ya xloq'uesbot ya'tel ta cuentahinwanej, ya xjihnot soc ya xlajinot sbahtel q'uinal.

Daniel 7:8

Te c'alal yacon ta snopbeyel sc'oblal te xulubiletic, loc' talel yan tut xulubil ta yohlilic, soc la yich' bulel oxch'ix xulubil ta stojol te nahil ayique. Te xulub ay sit hich te bin ut'il sit winic soc ay ye te yac yalbel toyba-c'op.

Daniel 8:11

Muc' la yac' sba ta scontrahinel te príncipe yu'un te tsobolic yu'un te ch'ulchan; la yac' quehchajuc yac'ulanel te milbil mahtaniletic yu'un, soc la sjin cohel c'alal lum te ch'ul awilal yu'une.

Daniel 9:25

Na'a me soc ac'a c'ohtuc ta awo'tan: te c'alal ya yich' halel mandar te ya yich' cha'pasel xan te Jerusalén ha to c'alal ya xtal te príncipal te malbil ta aceite, ya xc'ax huqueb semana, soc cheb schanwinic (62) semana; ya yich' xan pasel te callehetic soc te sts'ahcul ta yorahil wocol.

Hechos 12:23

Ora ehchentesot yu'un ch'ul a'bat yu'un Cajwaltic te Herodes ta scaj te ma ba la yalbe yutsilal te Diose; tohc schanul, cham yu'un.

2 Tesalonicenses 2:3

Ma me ayuc mach'a ya slo'loyex ta biluc nax ut'il, como ma ba ya xtal ha to teme c'ohtix ta pasel te tsobol ya yihquitayic sch'uhunel Dios soc te ya xchicnaj te winic yu'un mulil, ha te mach'a ch'ayel ya xbaht,

2 Tesalonicenses 2:8

Tey ya xchicnaj a te mach'a chopol, ha te mach'a ya xjihnot yu'un te Cajwaltic ta sahb nax ye soc te ya xlajinot yu'un te sts'anabul c'alal ya xtale.

Apocalipsis 17:14

Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.

Apocalipsis 19:16

Ay sbihil ts'ihbabil ta smuc'ul-c'u' soc ta scub: Ajwalil yu'un ajwaliletic soc principal yu'un principaletic, xchi.