Daniel 8:19 - Bible in Tzeltal Bachajón

¹⁹ Hich la yalbon: Ya calbat awa'iy te bin ya xc'oht ta pasel te c'alal c'axix a te ilimba; como ha sc'oblal te slajibal c'ahc'al.

Bible in Tzeltal de Oxchuc y Tenejapa

¹⁹ jich la yalbon: —Ya calbat awaiy te bila ya xc'ot ta pasel te c'alal c'axemix yorail a te yilimba te Diose. Melel te bila la awil la awaiye, ja' ya yalbey sc'oplal te slajibale.

Daniel 8:19 ပူးပေါင်းရင်းမြစ်များ

Salmos 102:13

Ya me xhahchat soc ya me ac'uxultay te Sión, como ha yorahil te ya yich' c'uxultayel, c'ohtix yorahil.

Daniel 11:27

Te cheb ajwaliletic ya snop ta yo'tanic spasel te bin chopol. Pajal ya shuhcan sbahic ta mesa, talel c'axel ya slo'tiy sbahic, pero mayuc bin ya xloc' a como ma to ba stahoj yorahil te ya xc'oht ta pasele.

Daniel 12:4

Pero ha'at, Daniel, maca te c'opetic, a'beya sello te libro ha to c'alal yorahil slajibal. Ay tsobolic te ya xtal xbahtic ta bayuc, soc ya xp'ohl te bintic ay ta na'el, xchi te Gabriel.

Daniel 8:23

C'alal nopol ya sta yorahil te ya xlaj te cuentahinel yu'unic, c'alal tohyix a te jc'axun-mandaretic, ya xchicnaj jtuhl ajwalil te toyba te sit yelaw, soc mero ya sna' lo'loywanej.

Habacuc 2:3

Aunque ma to xc'oht ta pasel te nahalsitil, ya xc'oht ta pasel ta mero yorahil, ma ba ya spas lot. Aunque ya xhalaj, mahliya, yu'un ya me xc'oht ta pasel, ma ba ya xhalaj.

San Lucas 21:23

Pero ¡obol sbahic te antsetic te swoloj yalic soc te mach'atic chu' to yalic a! Como ya me xtal bayel wocol ta bahlumilal soc ya xc'oht ilimba ta stojol te pueblo ini.

Apocalipsis 1:1

Ha te bin la yac' ta na'el te Jesucristo, te a'bot sna' yu'un Dios scuenta yu'un ya ya'be sna' te a'batetic yu'un te bintic c'ohel yac ta pasele. Ha la yac' ta na'el ta scuenta te ch'ul a'bat yu'un te la sticon tal ta stojol Juan, te ya'bat,

Apocalipsis 10:7

pero te bin ora ya yoq'uesin te corneta te shuquebal ch'ul a'bat, ya xc'oht ta pasel te bin muquen ay yu'un Dios, hich te bin ut'il la yalbe ya'iyic te a'batetic yu'un, ha te jalwanejetique.

Apocalipsis 11:18

Ilin yo'tanic te nacionetic, pero hulemix te awilimba; ha yorahilix te ya x'ochic ta ich'el ta c'op te mach'atic chamenic, yorahilix te ya x'a'bot stojol sc'abic te a'batetic awu'un, ha te jalwanejetic, te mach'atic ch'uhltesbilic, te ya yich'ic ta muc' te abihile, muc' biq'uit, soc yorahilix te yac ajinticlan te mach'atic ya sjinic te bahlumilale, xchihic.

Apocalipsis 15:1

La jquil yan seña ta ch'ulchan te muc' soc jchahp ta ilel: ha huqueb ch'ul a'batetic te yich'ojic te huqueb slajibal wocol, yu'un tey ya sts'acay a te yilimba te Diose.

Apocalipsis 17:17

Como Dios la ya'be ta yo'tanic te ya spasic te bin la sc'an yo'tan stuquel, ha te ya schap sc'opic ta yajwalinel te chambahlam te xiweltic sba ha to c'alal ts'acal ya xc'oht te sc'op te Diose.