Daniel 8:13 - Bible in Tzeltal Bachajón

¹³ Patil la jca'iy te c'opoj jtuhl mach'a ch'ultesbil, ay yan mach'a ch'ultesbil hich la sjoc'obe te mach'a c'opoj: ¿Bin to ora ya xlaj te nahalsitil sc'oblal te milbil mahtanil scuenta jujun c'ahc'al, sc'oblal te toybahil te ya yac' jinel, soc te ya x'ac'otic ta ts'o'ts'o'teq'uel te tsobolic soc te ch'ul awilal? xchi.

Bible in Tzeltal de Oxchuc y Tenejapa

¹³ Patil la caiy yac ta c'op jtul ch'ul abat, la sjojc'obey yan ch'ul abat, jich yac ta yalel: —¿Bi to ora ya xlaj te bila chican yac ta pasel ta scajtijib ta chiq'uel milbil smajt'an Dios swenta jujun c'aale? ¿Jayeb c'aal ya xjalaj te mulil ilaybil sbae, ja' te ay ta c'abal soc yac ta pech'el ta teq'uel te ch'ul awilal yu'un Cajwaltic soc te mach'atic ch'uunbil yu'une? —xi'.

Daniel 8:13 ပူးပေါင်းရင်းမြစ်များ

Salmos 74:10

Dios cu'un, ¿jayeb xan c'ahc'al ya xtse'lawan te contrahe? ¿Stalel bal ya sbohlc'optaybat abihil te contrahe?

Salmos 74:9

Ma ba chicanix te señahiletic cu'untic; mayuquix jalwanej, mayuc mach'a ay ta cohliltic te ya sna' jayeb xan c'ahc'al ya xhalaj ini.

Salmos 79:5

¿Bin to ora, Jehová? ¿Ya bal x'ilinat spisil ora? ¿Hich bal ya xtihl te xut'et awo'tan te bin ut'il c'ahc'?

Isaías 28:18

Ya xlajimbot sc'oblal te c'op achapojic soc te lajele, mayuc yip ya xc'oht te chapbil c'op awu'un soc te muquenal; c'alal ya xtal te tulan wocol, ha ya sts'o'ts'o'teq'uex.

Isaías 6:11

Hich la jcal: ¿Jayeb xan c'ahc'al, Cajwal? xchihon. La sjac'bon jc'op: Ha to c'alal jihnemix a te pueblohetic soc mayuquix yajwal a; ha to c'alal mayuquix ants-winic ta nahetic soc te jochol taquin q'uinal ya xc'oht te q'uinale;

Isaías 63:18

Te ch'ul pueblo awu'un ma ba hal c'ahc'al la yu'untay te ch'ul awilal awu'un, pero yo'tic te jcontratac sts'o'ojix ta teq'uel.

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

Jeremías 12:10

Bayel jcanan-tuminchijetic la sjimbonic te ts'usubil cu'un, la sts'o'ic ta teq'uel te bin quich'oje; la sutp'inic ta jochol taquin q'uinal te jq'uinal te mero t'ujbil.

Daniel 11:31

Te soldadohetic yu'un ya me sbohlobtesbeyic sc'oblal te ch'ul awilal soc te ahnibal ts'ahc, ya me scom ta aq'uel te chic'bil mahtanil scuenta jujun c'ahc'al soc ya yac' tey a te bin ilobtic sba te ya xjinawan.

Daniel 12:11

C'alal ya yich' comel ta aq'uel te chic'bil mahtanil scuenta jujun c'ahc'al ha to c'alal ya xtehc'anot te bin ilobtic sba te ya xjinawan, ha lajuneb yo'winic schanbahc' (1,290) c'ahc'al.

Daniel 12:8

La jca'iy, pero ma ba la jna'be scuentahil. Ha yu'un hich la joc'obe: Tatil, ¿bin yilel ya xc'oht te slajibal te bintic ay ini? xchihon.

Daniel 4:10

Hich ay te nahalsitil la jca'iy te c'alal ayon ta jwayib: La jquil ta yohlil te q'uinal jtehc' te' te mero toyol.

Daniel 4:13

La jquil ta nahalsitil, te c'alal ayon ta jwayib a, ay ch'ul j'il-q'uinal te yac ta cohel tal ta ch'ulchan.

Daniel 4:23

La awil, ajwalil, te ay ch'ul j'il-q'uinal te co tal ta ch'ulchan soc hich la yal: Ts'etahic te te' soc lajinahic; pero ihquitaybeyahic hilel ta lum te schumante'el soc te slohp', chucbil ta hierro soc ta bronce ta yohlil te ha'maltic; ac'a c'ohtuc sts'ujulil ch'ulchan ta sba, soc ac'a sjoquin ha'mal chambahlametic ha to c'alal ya xc'ax huqueb ha'bil, xchi.

Daniel 7:16

Nohpojon bahel ta sts'ehl jtuhl te mach'atic tey tec'ajtic a, la joc'obe bin sc'oblal spisil ini. La sc'oponon, la ya'bon jna' te bin sc'oblale:

Daniel 7:23

Hich la yal: Te schanebal chambahlam, ha schanebal ban c'alal ay ta cuentahinel te ya xchicnaj ta q'uinal, ma pajaluc soc spisil te yantique, ya sbic'ticlan c'ohem spisil te q'uinal, ya sts'o'ts'o'tec' soc ya sbutsticlan.

Daniel 9:27

Ta jun xan semana ya schap sc'op soc tsobolic, ta j'ohlil semana ya scom ta aq'uel te milbil mahtanil soc te mahtanil yu'un harina. Ya me stehc'an bin ilobtic sba te ya xjinawan, ha to c'alal ya xc'oht ta stojol te jinaw te lajinel te chapal ya yich'e, xchi.

Zacarías 1:19

La joc'obe te ch'ul a'bat yac sc'opombelon: ¿Bintic a ini? xchihon. Hich la sjac'bon: Ha te xulubiletic te la spucticlan bahel ta bayuc te Judá, Israel soc Jerusalén, xchi.

Zacarías 14:5

Ya me x'ahnex bahel ta spamlej yu'un te witsiltique, como te spamlej yu'un te witsiltic ya xc'oht c'alal ta Azal. Hich ya x'ahnex bahel te bin ut'il ahnex bahel ta scaj te nihquel ta yorahil Uzías, ajwalil yu'un Judá. Soc ya xtal te Jehová te Dios cu'un, sjoquinejix tal spisil te mach'atic ch'ultesbilique.

San Mateo 11:27

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatil te ya sna'be sba, soc mayuc mach'a ya sna'be sba te Tatil, ha nax te Nich'anil te ya sna'be sba soc te mach'atic ya sc'an ya x'a'botic sna'beyic sba yu'un te Nich'anil.

San Mateo 24:15

Ha yu'un te bin ora yac awilic ta ch'ul awilal te bin ilobtic sba te ya xjinawan, te la yalbe sc'oblal te jalwanej Daniel, (te mach'a ya yil te hun ini, ac'a me sna'be scuentahil),

San Marcos 13:14

Te c'alal yac awilic te bin ihlobtic sba te ya xjinawan te ay ta banti ma xhu' ya x'och sc'oblale, (te mach'a ya yil te hune, ac'a sna'be scuentahil), te mach'atic ayic ta sq'uinal Judea ac'a ahnuquic bahel ta witsiltic.

San Lucas 10:22

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatile; soc mayuc mach'a ya sna'be sba te Tatil, ha nax te Nich'anil soc te mach'atic ya sc'an ya x'a'bot sna'beyic sba yu'un te Nich'anile, xchi.

San Lucas 21:20

Pero te c'alal yac awilic te joytaybilix yu'un soldadohetic te Jerusalén, na'ahic me te la stahix yorahil te ya yich' jinel.

San Lucas 21:24

Ya xlajic ta espada soc ya xbahtic ta chuquel ta spisil nacionetic, soc te Jerusalén ya yich' ts'o'el ta teq'uel yu'un jyanlumetic ha to c'alal ya sts'acay te yorahil yu'un te jyanlumetique.

San Juan 1:18

Mayuc mach'a yiloj te Diose, pero te hip jtuhl Snich'an te jun ay soc te Tatil, ha la yac' ta na'beyel sba.

Deuteronomio 33:2

Hich la yal: Te Jehová tal ta Sinaí; c'alal ta Seir yac'oj tal sts'anabul; la sacubtes tal q'uinal c'alal ta wits Parán, hahchem tal soc tsobol ta mil mach'atic ch'uhltesbilic, ta swa'el-c'ab yich'oj tal te ley te ay sts'anabul.

1 Tesalonicenses 3:13

Te Cajwaltic ac'a ya'beyex yip awo'tanic scuenta yu'un hich mayuc amulic a soc ch'ultesbilex ya xc'ohex ta stojol te Jtatic Dios te c'alal ya xtal te Cajwaltic Jesucristo soc spisil te mach'atic yu'un te ch'ultesbilique.

Hebreos 10:29

¿Ma bal c'axemuc to xan hich castigo ya yich' a te mach'a ya sts'o'ts'o'tec' te Snich'an Dios, soc te chopol sc'oblal ya ya'iy te sch'ich'el te chapbil-c'op te yich'oj ch'ultesel a, soc te ya scontrac'optay te Espíritu yu'un yutsil-o'tanil?

1 Pedro 1:12

A'bot sna'ic te ma ha'uc ya xc'oht ta scuentahic, ha ya xc'oht ta acuentahic te ha'exe. La yalbeyic sc'oblal te bintic la awa'iyiquix yu'un te mach'atic la yalbeyex te lec yach'il c'op ta scuenta te Ch'ul Espíritu ticombil tal ta ch'ulchan. Ha nix hich te ch'ul a'batetic, yo'tanuc xyilic te bin yac ta halbeyel sc'oblale.

Judas 1:14

Te Enoc, te shuc-cajal patil al-nich'an yu'un te Adán, hich nix la yalbe sc'oblalic ta sc'op-jalwanej: Ilawil, talix te Cajwaltic soc tsobol ta mil ta mil te mach'atic yu'un te ch'uhltesbilic,

Apocalipsis 11:2

Yan te yamaq'uil te templo ma me xap'is stuquel, como a'bibilix ta sc'ab te jyanlumetique. Cheb yoxwinic (42) u ya me sts'o'ts'o'teq'uic te ch'ul pueblo.

Apocalipsis 6:10

Tulan hich yac yalbelic: Cajwal te toj awo'tan soc te smelelil te ac'ope, ¿bin to ora te yac awich' ta c'op soc te yac awa'be stoj te mach'atic ayic ta bahlumilal te la smal jch'ich'elcotic? xchihic.

Jueces 13:18

La sjac' te ch'ul a'bat: ¿Bin yu'un yac ajoc'obon jbihil, te ha bihilil te c'ax t'ujbil? xchi.